ខេត្តសៀមរាប ៖ នាយប់ថ្ងៃទី៩ ខែមេសា ឆ្នាំ២០២១ រដ្ឋបាលខេត្តសៀមរាបបានជូនដំណឹងអំពីករណីរកឃើញស្ត្រីអាយុ៤៦ឆ្នាំ រស់នៅភូមិគោកតាចាន់ សង្កាត់គោកចក ក្រុងសៀមរាប ដែលបានជិះរថយន្តក្រុងចេញពីភ្នំពេញមកកាន់ខេត្តសៀមរាប…
ខេត្តសៀមរាប ៖ នាយប់ថ្ងៃទី៩ ខែមេសា ឆ្នាំ២០២១ រដ្ឋបាលខេត្តសៀមរាបបានជូនដំណឹងអំពីករណីរកឃើញស្ត្រីអាយុ៤៦ឆ្នាំ រស់នៅភូមិគោកតាចាន់ សង្កាត់គោកចក ក្រុងសៀមរាប ដែលបានជិះរថយន្តក្រុងចេញពីភ្នំពេញមកកាន់ខេត្តសៀមរាប កាលពីថ្ងៃទី៤ ខែមេសា ឆ្នាំ២០២១ ព្រមទាំងអ្នករួមដំណើរមានចំនួន ១៩នាក់ និងអ្នកបើកបរដែលត្រូវបានកត់ត្រាអត្តសញ្ញាណនៅពេលឆ្លងចូលទឹកដីខេត្តសៀមរាប ។
ដោយក្រុមការងារពិនិត្យសុខភាពបឋម និងចុះឈ្មោះ ឬស្កែន QR Code ទប់ស្កាត់ជំងឺកូវីដ១៩ នាថ្ងៃទី៤ ខែមេសា ឆ្នាំ២០២១ នៅតាមព្រំប្រទល់ ។
តាមរយៈកិច្ចខិតខំប្រឹងប្រែងរបស់ក្រុមការងារស្រាវជ្រាវ និងតាមដានបុគ្គលសង្ស័យមានផ្ទុកជំងឺកូវីដ-១៩ នៅក្នុងខេត្តសៀមរាប សមត្ថកិច្ច និងអាជ្ញាធរមូលដ្ឋានក្រុង ស្រុក ឃុំ សង្កាត់ ឃើញថា អ្នកពាក់ព័ន្ធទាំង១៩នាក់ ត្រូវបានក្រុមការងារចុះដល់លំនៅដ្ឋាន កាលពីយប់ថ្ងៃទី៩ ខែមេសា ឆ្នាំ២០២១ និងបានណែនាំឲ្យធ្វើចត្តាឡីស័កដាក់ខ្លួនឲ្យនៅដាច់ដោយឡែកពីអ្នដ៏ទៃ ដើម្បីត្រៀមបន្តយកសំណាកមកធ្វើតេស្តស្រាវជ្រាវ នៅព្រឹកថ្ងៃទី១០ ខែមេសា ឆ្នាំ២០២១ ។
រដ្ឋបាលខេត្ត សូមថ្លែងអំណរគុណដល់ក្រុមការងារសមត្ថកិច្ច និងអាជ្ញាធរមូលដ្ឋានដែលបានសស្រាក់សស្រាំបំពេញបេសកកម្មនាពេលកន្លងមកក៏ដូចជា ករណីនេះជាដើម ។
ជាមួយគ្នានេះ រដ្ឋបាលខេត្តសៀមរាប សូមអំពាវនាវដល់បងប្អូនប្រជាពលរដ្ឋ និងម្ចាស់អាជីវកម្មដ្ឋានអនុវត្តនូវវិធាននានា ដែលរដ្ឋបាលខេត្តបានដាក់ជាបន្តបន្ទាប់កុំបីខាន ៕
ចែករំលែកព័តមាននេះ