រាជធានីភ្នំពេញ ៖ ក្រសួងសុខាភិបាលបានប្រកាសនៅថ្ងៃទី១០ ខែមេសា ឆ្នាំ២០២១ មានករណីវិជ្ជមានវីរុសកូវីដ-១៩ ថ្មីចំនួន៤៧៧នាក់ និងមានអ្នកជាសះស្បើយចំនួន៩៦នាក់ ។
ក្រសួងសុខាភិបាលបានបន្តថា អ្នកឆ្លងកូវីដ១៩ សរុបនៅកម្ពុជាមានចំនួន ៤០៨១នាក់ និងអ្នកជាសះស្បើយមានចំនួន ២០៨០នាក់ និងអ្នកកំពុងតែសម្រាកព្យាបាលមានចំនួន ១៩៧០នាក់ និងអ្នកស្លាប់មាន២៦នាក់ ។
ក្រសួងបញ្ជាក់ថា រកឃើញអ្នកឆ្លងថ្មី ៤៧៧នាក់ទៀត (សហគមន៍ទាំង ៤៧៧នាក់) និងជាសះស្បើយ ៩៦នាក់ ។ ក្នុងនោះរាជធានីភ្នំពេញ ៤៥៤នាក់ខេត្ត ព្រះសីហនុ៦នាក់ខេត្ត កណ្ដាល ៤នាក់ខេត្ត តាកែវ ៤នាក់ ខេត្តស្វាយរៀង ៤នាក់ ខេត្ត ព្រៃវែង ៣នាក់ ខេត្តកំពង់ធំ ១នាក់ ខេត្តសៀមរាប ១នាក់ ។
ជំងឺកូវីដ-១៩ នៅតែបន្តគម្រាមកំហែងយេីងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបេីមិនចាំបាច់ ព្រោះប្រទេសយេីងកំពុងរាត្បាតក្នុងសហគមន៍ហេីយ និងប្រទេសជិតខាងយេីងនិងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡេីយដែរ ៕
ចែករំលែកព័តមាននេះ