ក្រៅពីមនុស្សចាស់ចំនួនកុមារកម្ពុជា ដែលបានកំពុងតែរស់ប្រឈមមុខនឹងជំងឺមហារីក គឺមានមិនតិចករណីឡើយ ដោយមហារីកភាគច្រើនត្រូវបានគេដឹងថា មហារីកគ្រាប់ឈាម កោសិកាខួរក្បាល កូនកណ្ដុរ តម្រង់នោម កោសិកាបន្ដពូជ សាច់ដុំ…
ក្រៅពីមនុស្សចាស់ចំនួនកុមារកម្ពុជា ដែលបានកំពុងតែរស់ប្រឈមមុខនឹងជំងឺមហារីក គឺមានមិនតិចករណីឡើយ ដោយមហារីកភាគច្រើនត្រូវបានគេដឹងថា មហារីកគ្រាប់ឈាម កោសិកាខួរក្បាល កូនកណ្ដុរ តម្រង់នោម កោសិកាបន្ដពូជ សាច់ដុំ ឆ្អឹង និងកោសិកាប្រសាទ ។
មន្ទីរពេទ្យកុមារអង្គរ ដែលជាគ្រឹះស្ថានសុខភាពមួយ ដែលកំពុងតែផ្តល់ការព្យាបាលដល់កុមារនានាដោយរួមទាំងមហារីកបានកំពុងតែធ្វើយុទ្ធនាកាមួយស្វែងរកថវិកាសម្រាប់ជួយទ្រទ្រង់ដល់ផ្នែកជំងឺមហារីកកុមារ ដែលមានជំងឺមហារីកនៅក្នុងមន្ទីរពេទ្យ ។
មន្ទីរពេទ្យកុមារអង្គរបានអះអាងថា យុទ្ធនាការនេះ បានកំពុងតែបន្តហើយគ្រោងនឹងបញ្ចប់នៅក្នុងរង្វង់ថ្ងៃទី ៣១ ខែតុលាខាងមុខ ។
ពាក់ព័ន្ធនឹងកម្មវិធីនេះ សម្ដេចព្រះព្រហ្មរតនមុនី ពិន សែម សិរីសុវណ្ណោ ព្រះមេគណខេត្តសៀមរាប ក៏បានមានថេរដិកាអំពាវនាវដល់ប្រជាពលរដ្ឋជាពុទ្ធបរិស័ទជួយចូលរួមនៅក្នុងយុទ្ធនាការនេះផងដែរ ។
មហារីក គឺជាជំងឺមិនឆ្លង ប៉ុន្តែមានកត្តាប្រឈមមួយចំនួនដែលបណ្តាលឱ្យមានជំងឺនេះដូចជា ការប្រែប្រួលហ្សែន( Genetic) បរិស្ថានរស់នៅ និងការបង្ករោគ ដោយមេរោគមួយចំនួន ។ ជំងឺនេះអាចព្យាបាលជានៅក្នុង ដំណាក់កាលដំបូង ប្រសិនបើត្រូវបានក្រុមវេជ្ជបណ្ឌិតធ្វើរោគវិនិច្ឆ័យបានទាន់ពេលវេលា ។
កាលពីខែឧសភាកន្លងទៅថ្មីៗនេះ ខាងមន្ទីរពេទ្យកុមារជាតិ បានបង្ហើបថា មន្ទីរពេទ្យបានកត់ត្រាថា មានករណីជំងឺមហារីកកុមារប្រមាណជា១០០ នាក់ ដែលបានមកសម្រាក និងពិគ្រោះជំងឺនៅមន្ទីរពេទ្យ ៕
ចែករំលែកព័តមាននេះ