សម្តេចធិបតី ៖ ភារកិច្ចចម្បងចំពោះមុខ គឺការពារប្រជាជន និងការពារបូរណភាពទឹកដីក្នុងដែនអធិបតេយ្យភាពរបស់កម្ពុជា
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅល្ងាចថ្ងៃទី៨ ធ្នូ ២០២៥នេះ…
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅល្ងាចថ្ងៃទី៨ ធ្នូ ២០២៥នេះ បានចេញសារខ្លីយ៉ាងដូច្នេះថា ភារកិច្ចចម្បងចំពោះមុខ គឺការពារប្រជាជន និងការពារបូរណភាពទឹកដីក្នុងដែនអធិបតេយ្យភាពរបស់កម្ពុជា ។
សម្តេចធិបតីសរសេរលើបណ្តាញសង្គមថា ភារកិច្ចចម្បង និងចំពោះមុខរបស់រាជរដ្ឋាភិបាលគឺ ៖
១. ការពារប្រជាជន
២. ការពារបូរណភាពទឹកដីក្នុងដែនអធិបតេយ្យភាពរបស់កម្ពុជា ។
ជាមួយគ្នានោះដែរសម្តេចធិបតី បានសូមគ្រប់ក្រសួងស្ថាប័ន អាជ្ញាធរគ្រប់លំដាក់ថ្នាក់ កងកម្លាំងប្រដាប់អាវុធគ្រប់ប្រភេទ និងប្រជាពលរដ្ឋខ្មែរទាំងអស់ រួមសាមគ្គីគ្នា ដើម្បីបុព្វហេតុជាតិ មាតុភូមិក្នុងដំណាក់កាលដ៏លំបាកនេះ ។
ការលើកឡើងរបស់ប្រមុខរាជរដ្ឋាភិបាល បន្ទាប់ពីយោធាថៃ បានបន្តបើការវាយប្រហារមកលើកម្ពុជា នៅតាមតំបន់ព្រំដែន ដោយប្រើអាវុធធុនធ្ងន់ផង ៕
ចែករំលែកព័តមាននេះ