បិទខ្ទប់ ភូមិនិងសង្កាត់មួយចំនួន ក្នុង០៣ខណ្ឌ នៅក្រុងភ្នំពេញ
រាជធានីភ្នំពេញ ៖ នៅម៉ោងជាង១០យប់ ថ្ងៃទី០៩ ខែមេសា ឆ្នាំ២០២១ លោក ឃួង ស្រេង អភិបាលរាជធានីភ្នំពេញ…
រាជធានីភ្នំពេញ ៖ នៅម៉ោងជាង១០យប់ ថ្ងៃទី០៩ ខែមេសា ឆ្នាំ២០២១ លោក ឃួង ស្រេង អភិបាលរាជធានីភ្នំពេញ…
រាជធានីភ្នំពេញ ៖ នៅម៉ោងជាង១០យប់ ថ្ងៃទី០៩ ខែមេសា ឆ្នាំ២០២១ លោក ឃួង ស្រេង អភិបាលរាជធានីភ្នំពេញ ធ្វើសន្និសីទកាសែតជាបន្ទាន់មួយ ពីស្ថានភាពជំងឺកូវីដ-១៩ នៅក្នុងរាជធានីភ្នំពេញ ។
លោក ឃួង ស្រេង អភិបាលរាជធានីភ្នំពេញ បានបញ្ជាក់ដែរថា គិតត្រឹមយប់ថ្ងៃទី០៩ ខែមេសានេះ រកឃើញអ្នកឆ្លងកូវីដ-១៩បន្ថែមចំនួន ៦៣១នាក់ទៀត ដែលបានឆ្លងជំងឺកូវីដ១៩ធ្ងន់ធ្ងរ នៅក្នុងខណ្ឌចំនួន៣ ក្នុងនោះមានខណ្ឌមានជ័យ ខណ្ឌសែនសុខ និងខណ្ឌពោធិ៍សែនជ័យ តួលេខដ៏ខ្ពស់នេះហើយ អាជ្ញាធររាជធានី សម្រេចបិទខ្ទប់ (Lockdown) មិនឲ្យចេញចូល ចាប់ពីម៉ោងសូន្យ ថ្ងៃទី១០ ខែមេសា ឆ្នាំ២០២១ តទៅ ទីតាំងទាំងអស់នេះដូចខាងក្រោម ៖
សេចក្ដីសម្រេច ស្ដីពីការបិទខ្ទប់ភូមិសាស្រ្តសង្កាត់ស្ទឹងមានជ័យទី១ និងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ដែលជាតំបន់មានការឆ្លងរាលដាលនៃជំងឺកូវីដ-១៩ ក្នុង “ព្រឹត្តិការណ៍សហគមន៍ ២០កុម្ភៈ ២០២១”។
សេចក្ដីសម្រេច ស្ដីពីការបិទខ្ទប់ភូមិទ្រុងមាន់ នៃសង្កាត់អូរបែកក្អម ខណ្ឌសែនសុខ រាជធានីភ្នំពេញ ដែលជាតំបន់មានការឆ្លងរាលដាលនៃជំងឺកូវីដ-១៩ ក្នុង “ព្រឹត្តិការណ៍សហគមន៍ ២០កុម្ភៈ ២០២១”។
សេចក្ដីសម្រេច ស្ដីពីការបិទខ្ទប់ភូមិត្រពាំងថ្លឹង២ និងភូមិទួលពង្រ នៃសង្កាត់ចោមចៅទី១,ភូមិចំការឳឡឹក១ ភូមិប៉ប្រកខាងត្បូង ភូមិប៉ប្រកខាងជើង និងភូមិត្រពាំងល្វា១ នៃសង្កាត់កាកាបទី១ និង ភូមិចំការឳឡឹក១ នៃសង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ដែលជាតំបន់មានការឆ្លងរាលដាលនៃជំងឺកូវីដ-១៩ ក្នុង “ព្រឹត្តិការណ៍សហគមន៍ ២០កុម្ភៈ ២០២១”។
ចែករំលែកព័តមាននេះ