រឿងចៃដន្យដ៏ភ្ញាក់ផ្អើលមួយកើតឡើង ពេល កីឡាករ Griezmann ស្វាគមន៍សមាជិកថ្មី
អេស្ប៉ញ ៖ កីឡាករ Antoine Griezmann ខ្សែប្រយុទ្ធឆ្នើមរបស់ក្រុម Barcelona បានស្វាគមន៍សមាជិកថ្មីម្នាក់ទៀតក្នុងគ្រួសារ ក្រោយភរិយារបស់គេគឺនាង Erika…
អេស្ប៉ញ ៖ កីឡាករ Antoine Griezmann ខ្សែប្រយុទ្ធឆ្នើមរបស់ក្រុម Barcelona បានស្វាគមន៍សមាជិកថ្មីម្នាក់ទៀតក្នុងគ្រួសារ ក្រោយភរិយារបស់គេគឺនាង Erika…
អេស្ប៉ញ ៖ កីឡាករ Antoine Griezmann ខ្សែប្រយុទ្ធឆ្នើមរបស់ក្រុម Barcelona បានស្វាគមន៍សមាជិកថ្មីម្នាក់ទៀតក្នុងគ្រួសារ ក្រោយភរិយារបស់គេគឺនាង Erika Choperena ទើបតែសម្រាលបានកូនប្រុសម្នាក់ទៀត ដែលត្រូវជាកូនទី៣ កាលពីថ្ងៃទី៨ ខែមេសា កន្លងទៅថ្មីៗនេះ។
ភាពចៃដន្យដ៏គួរឱ្យភ្ញាក់ផ្អើលមួយក៏បានកើតឡើង ដែលមានន័យកូនសំណព្វទាំង ៣ របស់ខ្សែប្រយុទ្ធក្រុមជម្រើសជាតិបារាំងរូបនេះ កើតនៅថ្ងៃទី៨ ខែមេសា ដូចគ្នាទាំងអស់ ដោយខុសគ្នាតែឆ្នាំកំណើតប៉ុណ្ណោះ។ ក្នុងនោះកូនស្រីទី១-ឈ្មោះ Mia បានកើតនៅឆ្នាំ ២០១៦, កូនប្រុសទី២-ឈ្មោះ Amaro បានកើតនៅឆ្នាំ ២០១៩ និងកូនប្រុសពៅឈ្មោះ Alba ដែលទើបកើតក្នុងឆ្នាំ ២០២១ នេះតែម្តង។
Griezmann បានអវត្តមានចូលរួមហ្វឹកហាត់កាលពីថ្ងៃព្រហស្បតិ៍ម្សិលមិញ ដោយក្លិបបានអនុញ្ញាតឱ្យគេបានទៅលើកទឹកចិត្ត និងមើលថែប្រពន្ធអំឡុងការប្រសូតកូនប្រុសពៅរបស់ពួកគេ។
អ្នកគាំទ្រមួយចំនួនបានបារម្ភថា កីឡាកររូបនេះប្រហែលជាមានបញ្ហារបួស ទើបមិនបានចូលរួមការហ្វឹកហាត់។ ខណៈដែល Barcelona ត្រូវប៉ះម្ចាស់ផ្ទះ Real Madrid សម្រាប់ជំនួប El Clasico ដ៏សំខាន់។ ប៉ុន្តែពេលនេះគាំទ្របានធូរចិត្តវិញ ក្រោយការប្រកាសពីដំណឹងដ៏រីករាយខាងលើរបស់កីឡាកររូបនេះ៕ (ដកស្រង់ចេញពី Dailymail)
ចែករំលែកព័តមាននេះ