ខេត្តបាត់ដំបង៖ «មូលហេតុដែលខ្ញុំសម្លាប់ប្រពន្ធ ដោយសារខឹងហាមមិនឱ្យទំនាក់ទំនងប្ដីមុនតែវាមិនស្ដាប់ វានៅតែទូរស័ព្ទទំនាក់ទំនងគ្នាមិនឈប់..»។ ប៉ុន្តែអ្វីដែលធ្វើឱ្យខ្ញុំខឹងខ្លាំងបំផុតនៅលើកចុងក្រោយ រហូតសម្រេចចិត្តច្របាច់.កសម្លា.ប់ គឺខឹងវាជេរម៉ែខ្ញុំ នៅពេលឈ្លោះគ្នានៅយប់កើតហេតុ»។ នេះជាសម្រង់សំដីរបស់ជនសង្ស័យ (ប្ដី)…
ខេត្តបាត់ដំបង៖ «មូលហេតុដែលខ្ញុំសម្លាប់ប្រពន្ធ ដោយសារខឹងហាមមិនឱ្យទំនាក់ទំនងប្ដីមុនតែវាមិនស្ដាប់ វានៅតែទូរស័ព្ទទំនាក់ទំនងគ្នាមិនឈប់..»។ ប៉ុន្តែអ្វីដែលធ្វើឱ្យខ្ញុំខឹងខ្លាំងបំផុតនៅលើកចុងក្រោយ រហូតសម្រេចចិត្តច្របាច់.កសម្លា.ប់ គឺខឹងវាជេរម៉ែខ្ញុំ នៅពេលឈ្លោះគ្នានៅយប់កើតហេតុ»។ នេះជាសម្រង់សំដីរបស់ជនសង្ស័យ (ប្ដី) ដែលត្រូវកម្លាំងសមត្ថកិច្ចឃាត់ខ្លួន កាលពីយប់ថ្ងៃទី០៦ មេសា ក្រោយពីសង្ស័យជាប់ពាក់ព័ន្ធនឹងការសម្លា.ប់ប្រពន្ធនៅក្នុងបន្ទប់ជួល។
នៅវេលាម៉ោង៦ល្ងាចថ្ងៃទី០៦ មេសា មានការភ្ញាក់ផ្អើលយ៉ាងខ្លាំង ក្រោយពីគេរកឃើញស្ត្រីម្នាក់ដេលស្លា.ប់នៅក្នុងបន្ទប់ជួលមួយកន្លែង ដែលមានសភាពហើមស្អុយស្ថិតក្នុងភូមិរំចេក៣ សង្កាត់រតនៈ ក្រុងបាត់ដំបង។ ម្ចាស់ផ្ទះជួលបានរាយការណ៍ប្រាប់សមត្ថកិច្ចភ្លាមៗ ក្រោយពីប្រទះឃើញសាក.សព ហើយសមត្ថកិច្ចក៏បានចុះទៅកាន់កន្លែងកើតហេតុភ្លាមៗដែរ។ ក្រោយពិនិត្យឃើញស្ថានភាពសាកសពជំហានដំបូង គេបានសន្និដ្ឋានបឋមថា ការស្លា.ប់របស់ស្ត្រីរូបនេះអាចជា«អំពើឃាតកម្»។ ប៉ុន្តែបន្តិចក្រោយមក ស្រាប់តែកម្លាំងអធិការក្រុង សហការជាមួយកម្លាំងការិយាល័យព្រហ្មទណ្ឌកំរិតធ្ងន់ធ្វើការឃាត់ខ្លួនបុរសម្នាក់ ដែលគេអះអាងថា ជាប្ដីរបស់ស្ត្រីរងគ្រោះ។ នៅពេលនាំទៅសួរនាំនៅអធិការក្រុង ទើបបុរសនេះសារភាពថា «ខ្លួនជាអ្នកសម្លា.ប់ ហើយនាងជាប្រពន្ធរបស់ខ្លួន»។
យោងតាមរបាយការណ៍របស់សមត្ថកិច្ច ជនសង្ស័យរូបនេះ ឈ្មោះ ប៉ិល ប៊ុនធឿន អាយុ៤០ឆ្នាំ មុខរបរមិនពិតប្រាកដ នៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបង រីឯប្រពន្ធដែលរងគ្រោះឈ្មោះ សេង វ៉េត ហៅ ស អាយុ៣៩ឆ្នាំ មានស្រុកកំណើត នៅស្រុកកោះធំ ខេត្តកណ្តាល។ ជុំវិញការស្លា.ប់របស់ស្ត្រីខាងលើនេះ បើតាមម្ចាស់ផ្ទះជួលដែលសមត្ថកិច្ចបានស្រង់សំដី គឺប្តីប្រពន្ធខាងលើនេះ បានទៅជួលបន្ទប់ស្នាក់នៅទីនោះ ទើបបានប្រហែលមួយសប្ដាហ៍ប៉ុណ្ណោះ ក៏មានរឿងនេះកើតឡើង។ សាក្សីនៅក្បែរនោះក៏បាននិយាយដែរថា ក្រោយប្ដីប្រពន្ធនេះមកនៅ គេបានឮប្ដីប្រពន្ធនេះឈ្លោះគ្នាប៉ុន្មានដងដែរ លុះជម្លោះកើតឡើងនៅយប់ចុងក្រោយ ស្រាប់តែប្ដីឈានដល់ការសម្លា.ប់ប្រពន្ធតែម្ដង។
ពាក់ព័ន្ធនឹងការឃាត់ខ្លួនបុរសជាប្ដី បើតាមសមត្ថកិច្ចបាននិយាយថា បុរសនេះត្រូវបានឃាត់ខ្លួននាំយកទៅសាកសួរ នៅអធិការក្រុង ពេលជននេះទៅអើតមើលសពប្រពន្ធ ខណ:គេកំពុងផ្អើលឆោឡោចោមរោមមើលសពប្រពន្ធខ្លួន ដែលសមត្ថកិច្ច
ទទួលបានការបំភ្លឺពីសាក្សីនានាថា បុរសជាប្ដីអាចជាប់ពាក់ព័ន្ធនឹងការស្លា.ប់របស់ប្រពន្ធ។ ងាកមកស្ដាប់ចម្លើយរបស់ជនសង្ស័យឈ្មោះ បុិល ប៊ុនធឿន ដែលសមត្ថកិច្ចបានសួរនាំ ជននេះបានសារភាពថា «ខ្លួនពិតជាបានសម្លា.ប់ប្រពន្ធមែន។ ជននេះបានបញ្ជាក់ថា ប្រពន្ធខ្លួនជាស្ត្រីមេម៉ាយ ហើយបានគ្នាជាប្ដីប្រពន្ធជាមួយខ្លួនប្រហែលមួយឆ្នាំកន្លងមកហើយ។
ពាក់ព័ន្ធនឹងចម្លើយសារភាពរបស់ជនសង្ស័យរូបនេះវិញ បើតាមការស្រង់សំដី តាមរយ:សមត្ថកិច្ច ជនសង្ស័យឈ្មោះ បុិល ប៊ុនធឿន បាននិយាយថា ខ្លួនពិតជាបានសម្លាប់ប្រពន្ធមែន គឺសម្លា.ប់នៅយប់ថ្ងៃទី០៤ មេសា ខណ:កំពុងផ្ទុះជម្លោះនៅក្នុងបន្ទប់ជួលដោយប្រើក្បាច់ចាប់ច្របាច់.ក។ ជននេះបានប្រាប់ពីមូលហេតុ ដែលឈានដល់ការប្រើក្រញ៉ាំដៃ ច្របាច់.កសម្លា.ប់ប្រពន្ធយ៉ាងដូច្នេះថា «មួយរយ:ចុងក្រោយនេះ ប្រពន្ធខ្ញុំតែងទំនាក់ទំនងជាមួយប្ដីដើម និងកូន ហើយខ្ញុំហាមច្រើនដង តែវាមិនស្ដាប់ តែជាមួយកូនខ្ញុំមិនថា អីទេ តែខ្ញុំខឹងរឿងវាទាក់ទងជាមួយប្ដីមុន»។
ជនសង្ស័យរូបនេះ បាននិយាយទៀតថា «នៅមុនកើតហេតុ ខ្ញុំបានឈ្លោះគ្នាយ៉ាងខ្លាំង ដោយសាររឿងវានៅតែវានៅតែទាក់ទងប្ដីដើម មិនព្រមស្ដាប់ តែខ្ញុំខឹងបំផុត រឿងវាជេរម៉ែខ្ញុំ.. ទើបខ្ញុំទ្រាំមិនបានក៏ស្ទុះទៅចាចប់ច្របាច់.កសម្លា.ប់តែម្ដង ហើយខ្ញុំគេចទៅនៅផ្ទះម្ដាយនៅខាងពេទ្យធំ»។ ប៉ុន្តែជននេះ បានបញ្ជាក់ថា ក្រោយសម្លា.ប់ប្រពន្ធបានមួយថ្ងៃ នៅថ្ងៃទី០៥ មេសា ខ្លួនបានលបទៅអើតមើលប្រពន្ធនៅក្នុងបន្ទប់ ដើម្បីចង់ដឹងថា តើប្រពន្ធស្លា.ប់ឬនៅ ? លុះបើកទ្វារឃើញប្រពន្ធស្លា.ប់ខ្លួនក៏ត្រឡប់ទៅវិញ រហូតនៅល្ងាចថ្ងៃទី០៦ មេសា ពេលគេផ្អើលឆោឡោ ខ្លួនទៅមើល ក៏ត្រូវសមត្ថកិច្ចឃាត់ខ្លួនតែម្ដង។
សមត្ថកិច្ចបាននិយាយថា នៅព្រឹកថ្ងៃទី០៧ មេសា មន្ត្រីបច្ចេកទេសនៃស្នងការខេត្ត បានចុះទៅពិនិត្យសាកសពនៅកន្លែងកើតហេតុ ហើយត្រូវបានសន្និដ្ឋានជាបឋមថា ស្ត្រីរងគ្រោះត្រូវបានជនដៃដល់ ដែលគេសង្ស័យទៅលើប្ដី ច្របាច់.កសម្លា.ប់។ ជនសង្ស័យត្រូវបានកម្លាំងអធិការក្រុង និងកម្លាំងការិយាល័យព្រហ្មទណ្ឌកំរិតធ្ងន់ ឃាត់ខ្លួន។ បើតាមចម្លើយសារភាពរបស់ជនសង្ស័យអំពើឃាតកម្មនេះ គឺផ្ដើមចេញពីភ្លើងប្រច័ណ្ឌ។ ពេលនេះមន្ត្រីជំនាញកំពុងកសាងសំណុំរឿងបញ្ជូនទៅសាលាដំបូងខេត្តហើយ៕ ដោយ៖ ឆោម ពិសម័យ
ចែករំលែកព័តមាននេះ