រាជធានីភ្នំពេញ ៖ នៅវេលាម៉ោង១១យប់ថ្ងៃទី០៦ ខែមេសា ឆ្នាំ២០២១ ស្ថិតក្នុងថិរវេលាបម្រាមគោចរ កូនៗក្នុងក្រុមគ្រួសារដទៃ ច្បាស់ជាកំពុងគេងលង់លក់អស់ហើយ នៅឡើយតែកុមារីម្នាក់ កំពុងតែឈររង់ចាំ រថយន្តគិលានសង្គ្រោះ ដើម្បីមកទទួលយកទៅព្យាបាលជំងឺកូវីដ-១៩ ។
កុមារី ថុង ម៉ានីកា មានវ័យ ៦ឆ្នាំ ត្រូវបានក្រុមគ្រូពេទ្យមន្ទីរពេទ្យបង្អែកចតុមុខ នៃមន្ទីរសុខាភិបាលរាជធានីភ្នំពេញ ដោយមានការសម្របសម្រួលពីគណៈបញ្ជាការឯកភាពខណ្ឌ បានចុះទៅទទួលយកកុមារីតូចនេះ នៅចំណុចផ្ទះលេខ២៦ ផ្លូវ២២១ ភូមិ៣ សង្កាត់ផ្សារដេប៉ូទី៣ ខណ្ឌទួលគោក ដែលមានផ្ទុកកូវីដ-១៩ ដែលបានប៉ះពាល់ជាមួយអ្នកជំងឺឈ្មោះ សារឿន ម៉ាឡែន ត្រូវជាមីង ។
បច្ចុប្បន្នទីតាំងខាងលើ ត្រូវបានគណៈបញ្ជាការឯកភាព សម្រេចបិទជាបណ្តោះអាសន្ន ហាមចេញចូល តែខាងក្នុងផ្ទះមិនមានមនុស្សស្នាក់នៅធ្វើចត្តាឡីស័កនោះទេ ។ សូមជូនពរ ក្មេងតូច ព្យាបាលឆាប់ជាសះស្បើយពីជំងឺកូវីដ-១៩ ៕
ចែករំលែកព័តមាននេះ