អភិបាលខេត្តធ្វើការណែនាំបងប្អូនកំពុងធ្វើចត្តាឡីស័កប្រកាន់ភ្ជាប់ ៣ការពារ និង៣កុំ
- តាកែវ
ខេត្តតាកែវ ៖ លោក អ៊ូច ភា អភិបាលខេត្តតាកែវ ចុះសួរសុខទុក្ខ ពលរដ្ឋកំពុងធ្វើចត្តាឡីស័កចំនួន០៦គ្រួសារ ស្ថិតនៅភូមិត្រពាំងព្រីង ឃុំគុស…
ខេត្តតាកែវ ៖ លោក អ៊ូច ភា អភិបាលខេត្តតាកែវ ចុះសួរសុខទុក្ខ ពលរដ្ឋកំពុងធ្វើចត្តាឡីស័កចំនួន០៦គ្រួសារ ស្ថិតនៅភូមិត្រពាំងព្រីង ឃុំគុស…
ខេត្តតាកែវ ៖ លោក អ៊ូច ភា អភិបាលខេត្តតាកែវ ចុះសួរសុខទុក្ខ ពលរដ្ឋកំពុងធ្វើចត្តាឡីស័កចំនួន០៦គ្រួសារ ស្ថិតនៅភូមិត្រពាំងព្រីង ឃុំគុស ស្រុកត្រាំកក់ នៅព្រឹកថ្ងៃទី០១ ខែមេសា ឆ្នាំ២០២១នេះ បន្ទាប់ពីពួកគាត់បានប៉ះពាល់ផ្ទាល់ជាមួយស្ដ្រីម្នាក់ប្រកបរបបរជាចុងភៅ សង្ស័យវិជ្ជមានកូវីដ-១៩ ដែលទើបត្រឡប់មកពីខេត្តព្រះសីហនុ ។
លោក អ៊ូច ភា អភិបាលខេត្តបានប្រាប់ថានឹងធ្វើការណែនាំទៅដល់បងប្អូនកំពុងតែធ្វើចត្តាឡីស័ក នាពេលនេះសូមបងប្អូន ប្រកាន់ភ្ជាប់នឹងចូលរួមអនុវត្តឱ្យបានត្រឹមត្រូវបំផុតតាមការណែនាំរបស់ក្រសួងសុខាភិបាល ក៏ដូចជា វិធានការណ៍សម្តេចតេជោ ហ៊ុនសែន ៣កុំ និង៣ការពារ ដើម្បីរួមគ្នាប្រយុទ្ធប្រឆាំងជំងឺកូវីដ-១៩ ដែលកំពុងតែឆ្លងរីករាលដាលក្នុងសហគមន៍របស់យើង ។
ជាមួយគ្នានេះដែរ លោកអ៊ូច ភា ក៏បានណែនាំបន្ថែមទៅដល់មន្ត្រីជំនាញពាក់ព័ន្ធត្រូវរួមសហការគ្នាឱ្យបានខ្ពស់លើការងាររបស់ខ្លួន ពិសេសយកសំណាកអោយបានត្រឹមត្រូវ ហើយក្នុងនោះដែរបងប្អូនពលករដែលកំពុងធ្វើចត្តាឡីស័កក៏ត្រូវតែអនុវត្តនូវវិធានសុខា ភិបាល ដោយមិនត្រូវដើរទៅណាមកណាពីមណ្ឌលចត្តាឡីស័កនេះជាដាច់ខាត ពោលរយៈពេល១៤ថ្ងៃ ត្រូវអនុវត្តអោយបានល្អប្រសើរ ដើម្បីអោយសហគមន៍របស់យើងយកឈ្នះកូវីដ-១៩ ។
លោក អ៊ូច ភា អភិបាលខេត្តក៏បាននាំយកគ្រឿងឧបភោគបរិភោគមួយចំនួន និងថវិកាមួយចំនួនផងដែរ ឧបត្ថម្ភដល់គ្រួសារដែលកំពុងធ្វើចត្តាឡីស័ក ។ នៅព្រឹកនេះដែរ យើងមិនអាចទំនាក់ទំនងដើម្បីសួរ ដល់លោកកៅ វគ្គដែលអភិបាលស្រុកត្រាំកក់បានទេ តែលោកវរសេនីយ៍ឯកឌិក ធីយ៉ា អធិការនគរបាលស្រុកត្រាំកក់បានប្រាប់កោះសន្តិភាពយើងតាមទូរស័ព្ទថា នៅស្រុកត្រាំកក់នេះ មានមណ្ឌលធ្វើចតាឡីស័ក១កន្លែង គឺបណ្តាល័យចាន់សោមមង្គល ចាំទទួលចំពោះបងប្អូនប្រជាពលរដ្ឋយើងដែលធ្វើដំណើមកពីថៃនឹងតាមបណ្តាខេត្តឆ្ងាយៗ ពិសេសតំបន់ដែលងាយរងគ្រោះត្រូវតែមកពិនិត្យដោយធ្ចើចតាឡីស័ក១៤ថ្ងៃ ទើបអោយត្រឡប់ទៅផ្ទះបានដោយឡែកចំពោះបងប្អូនយើងដែលមកពីភ្នំពេញនោះមិនបានតរ៉ូវអោយធ្វើចតាឡីស័ករយៈពេល១៤ថ្ងៃនោះទេ គឺគ្រាន់តែបងប្អូនរស់នៅឃុំណាមុនពេលចូលដល់ផ្ទះត្រូវចូលពិនិត្យ និងវាស់កម្តៅនៅមណ្ឌលសុខភាពជាមុនសិន ៕
ចែករំលែកព័តមាននេះ