ខេត្តតាកែវ ៖ ដោយពិនិត្យឃើញថា ប្រជាពលរដ្ឋក្រីក្រជួបការលំបាកក្នុងជីវភាពប្រចាំថ្ងៃចំនួន៧គ្រួសារ ក្រុមការងារយុវជនប្រចាំរដ្ឋលេខាធិការដ្ឋានអាកាសចរណ៍ស៊ីវិលដឹកនាំដោយលោក ឡុង ឆេង
ខេត្តតាកែវ ៖ ដោយពិនិត្យឃើញថា ប្រជាពលរដ្ឋក្រីក្រជួបការលំបាកក្នុងជីវភាពប្រចាំថ្ងៃចំនួន៧គ្រួសារ ក្រុមការងារយុវជនប្រចាំរដ្ឋលេខាធិការដ្ឋានអាកាសចរណ៍ស៊ីវិលដឹកនាំដោយលោក ឡុង ឆេង ប្រធានសហភាពសហព័ន្ធយុវជនអាការចរណ៍ស៊ីវិល និងជាអនុប្រធានក្រុមការងារថ្នាក់កណ្តាលចុះជួយឃុំអង្គកែវតំណាងលោក ម៉ៅ ហាវណ្ណាល់ រដ្ឋលេខាធិការអាកាសចរណ៍ស៊ីវិល និងលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានចុះសួរសុខទុក្ខ និងនាំយកអំណោយចែកជូនពលរដ្ឋក្រីក្រចំនួន៧គ្រួសារនៅតាមផ្ទះ កាលពីព្រឹកថ្ងៃទី១៩ កញ្ញា ២០១៤ ស្ថិតក្នុងឃុំអង្គកែវ ស្រុកទ្រាំង ។
លោក ឡុង ឆេង បានមានប្រសាសន៍ថា ទីណាមានការលំបាក ទីនោះតែងតែមានក្រុមការងារ និងថ្នាក់ដឹកនាំគណបក្សប្រជាជនកម្ពុជា យកចិត្តទុកដាក់ចំពោះសុខទុក្ខប្រជាពលរដ្ឋជាទូទៅ ជាពិសេស ប្រជាពលរដ្ឋដែលរងគ្រោះ និងងាយរងគ្រោះ ដោយប្រការផ្សេងៗ ដោយមិនប្រកាន់និន្នាការនយោបាយ ជាតិ សាសនា ពណ៌សម្បុរ អ្វីឡើយ ។
លោក ឡុង ឆេង បានបន្តថា សុំឱ្យប្រជាពលរដ្ឋដែលនៅមានកម្លាំង សូមខិតខំប្រឹងប្រែងប្រកបរបររកទទូលទានតាមលទ្ធភាពជាបន្តទៀត ដើម្បីបង្កើតជីវភាពគ្រួសារឱ្យកាន់តែប្រសើរឡើង ក្នុងនោះ ក៏ ត្រូវគិតគូពីសុខភាពរក្សាឱ្យបាននូវអនាម័យ ទាំងការរស់នៅ ទាំងការហូបចុក ដើម្បីចៀសវាងពីជំងឺដង្កាត់ផ្សេងៗមកបៀតបៀន ។
អំណោយដែលយកទៅចែកជូនទាំង៧គ្រួសារខាងលើ ក្នុង១គ្រួសារៗទទូលបាន មី១កេស ទឹកស៊ីអ៊ីវ១យួរ ទឹកត្រី១យួរ ប៊ីចេង ស្ករស និងប្រាក់៥ម៉ឺនរៀល ៕
ចែករំលែកព័តមាននេះ