ម៉ាឡេស៊ី ៖ យោងតាមការចេញពីផ្សាយពីទីភ្នាក់ងារសារព័ត៌មាន AFP បានឱ្យដឹងថា កីឡាករបាល់ទាត់មីយ៉ាន់ម៉ាម្នាក់ ដែលកំពុងប្រកបអាជីពនៅប្រទេសម៉ាឡេស៊ីរងការពិន័យចំនួន១ប្រកួត បន្ទាប់ពីកីឡាកររូបនេះបានលើកម្រាមដៃ៣ ដែលត្រូវបានប្រើដោយក្រុមបាតុករដើម្បីប្រឆាំងនឹងរដ្ឋប្រហារនៅប្រទេសមីយ៉ាន់ម៉ា អំឡុងពេលការប្រកួត។…
ម៉ាឡេស៊ី ៖ យោងតាមការចេញពីផ្សាយពីទីភ្នាក់ងារសារព័ត៌មាន AFP បានឱ្យដឹងថា កីឡាករបាល់ទាត់មីយ៉ាន់ម៉ាម្នាក់ ដែលកំពុងប្រកបអាជីពនៅប្រទេសម៉ាឡេស៊ីរងការពិន័យចំនួន១ប្រកួត បន្ទាប់ពីកីឡាកររូបនេះបានលើកម្រាមដៃ៣ ដែលត្រូវបានប្រើដោយក្រុមបាតុករដើម្បីប្រឆាំងនឹងរដ្ឋប្រហារនៅប្រទេសមីយ៉ាន់ម៉ា អំឡុងពេលការប្រកួត។ នេះបើតាមការបញ្ជាក់ពីមន្ត្រីការប្រកួតម្នាក់កាលពីថ្ងៃទី ៣០ ខែមីនាកន្លងទៅ។
ខ្សែបម្រើស្លាប Hein Htet Aung ដែលលេងឱ្យក្រុម Selangor FC II នៅលីគលំដាប់ទី២ បានបង្ហាញកាយវិការដែលត្រូវបានគេមើលឃើញថាពាក់ព័ន្ធនឹងនយោបាយ អំឡុងពេលការប្រកួតរបស់ពួកគេទល់នឹងក្រុម PDRM FC កាលពីដើមខែនេះ។
សមាគមបាល់ទាត់ម៉ាឡេស៊ីបាននិយាយថា កាយវិការរបស់កីឡាកររូបនេះ បានរំលោ.ភបំពានច្បាប់វិន័យហាមឃាត់លើកាយវិការឬភាសាផ្សេងៗ ដែលមិនសមហេតុផលនៅក្នុងបាល់ទាត់ ដែលមានចែងស្រាប់ដោយសហព័ន្ធបាល់ទាត់ពិភពលោកហៅកាត់ថា FIFA។
Hein Htet Aung ត្រូវបានហាមឃាត់មិនឱ្យបង្ហាញខ្លួននៅក្នុងការប្រកួតទល់នឹងក្រុម Perak FC II នៅថ្ងៃសុក្រសប្តាហ៍នេះ ហើយរូបគេអាចប្រឈមការពិន័យធ្ងន់ជាងនេះ ប្រសិនបើនៅតែបន្តបង្ហាញកាយដែលត្រូវបានចាត់ទុកថាជាបទល្មើស។
ការលើកម្រាមដៃ ៣ ត្រូវបានបំផុសគំនិតតាមរយៈខ្សែភាពយន្តភាព The Hunger Games បានក្លាយជានិមិត្តរូបនៃការតស៊ូនៅអាស៊ី ដែលត្រូវបានប្រើជាទូទៅដោយក្រុមបាតុករគាំទ្រលទ្ធិប្រជាធិបតេយ្យរបស់ប្រទេសថៃកាលពីឆ្នាំមុន។
ហើយបច្ចុប្បន្នវាត្រូវបានអនុម័តដោយក្រុមបាតុករគាំទ្រលទ្ធិប្រជាធិបតេយ្យនៅក្នុងប្រទេសមីយ៉ាន់ម៉ា បន្ទាប់ពីរបបសឹកយោធាបានកាន់កាប់អំណាច និងឃុំខ្លួនមេដឹកនាំស៊ីវិលលោកស្រី អ៊ុងសាន ស៊ូជី កាលពីខែកុម្ភៈកន្លងទៅ។
រដ្ឋប្រហារយោធាបានបង្កឱ្យមានការតវ៉ាទ្រង់ទ្រាយធំនៅទូទាំងប្រទេស។ ខណៈដែលយោធាបានប្រើប្រាស់អំពើយ៉ាងព្រៃផ្សៃកាន់តែខ្លាំងឡើងៗដើម្បីបង្ក្រាបចលនានេះ ដោយក្នុងនោះមនុស្សជាង៥០០នាក់ត្រូវបានសម្លាប់នៅក្នុងការបង្ក្រាប៕
ចែករំលែកព័តមាននេះ