រាជធានីភ្នំពេញ ៖ នៅវេលាម៉ោង១០ព្រឹក ថ្ងៃទី៣១ ខែមីនា ឆ្នាំ២០២១ អាជ្ញាធរចម្រុះខណ្ឌមានជ័យសហការជាមួយក្រុមគ្រូព្យេ នៃមន្ទីរសុខាភិបាលរាជធានីភ្នំពេញបានចុះយកសំណាកបុគ្គលិកពេទ្យ គ្លីនិក «…
រាជធានីភ្នំពេញ ៖ នៅវេលាម៉ោង១០ព្រឹក ថ្ងៃទី៣១ ខែមីនា ឆ្នាំ២០២១ អាជ្ញាធរចម្រុះខណ្ឌមានជ័យសហការជាមួយក្រុមគ្រូព្យេ នៃមន្ទីរសុខាភិបាលរាជធានីភ្នំពេញបានចុះយកសំណាកបុគ្គលិកពេទ្យ គ្លីនិក « អ៊ីលីត » អ្នកពាក់ព័ន្ធជាមួយអ្នកជម្ងឺកូវីដ១៩ម្នាក់ អាយុ៤៣ឆ្នាំ ( វិជ្ជមានកូវីដ១៩ ) បានទៅកំដរប្អូនឆ្លងទន្លេ នៅថ្ងៃទី២៤ ដល់ថ្ងៃទី២៧ ឆ្នាំ២០២១ កន្លងទៅ ។
ជាលទ្ធផលចំពោះមុខក្រុមគ្រូពេទ្យបានយកសំណាកបុគ្គលិកពេទ្យសរុបចំនួន៩នាក់ ស្រី៧នាក់ ។ ក្នុងនោះដែរ អ្នកសម្រាកព្យាបាលនៅក្នុងពេទ្យ ( ឆ្លងទន្លេ ) ម្នាក់ដែលប៉ះពាល់ផ្ទាល់ជាមួយអ្នកជម្ងឺកូវីដ និងអ្នកកំដរចំនួន៥នាក់ ស្រី៣នាក់ ក៏ត្រូវបានយកសំណាកផងដែរ ។ ដូច្នេះ ការយកសំណាកសរុបជាមួយ គឺ១៥នាក់ មានស្រី១០នាក់ ។
ក្រោយការយកសំណាកហើយនោះទីតាំងគ្លីនិកត្រូវបានកម្លាំងគណៈបញ្ជាការឯកភាពខណ្ឌមានជ័យ ហ៊ុំព័ទ្ធបិទទីតាំងជាបណ្តោះអាសន្ន ។ ដោយឡែកអ្នកពាក់ព័ន្ធទាំង១៥នាក់ តម្រូវអោយធ្វើចត្តាឡីស័ក នៅទីនោះតែម្តង ៕
ចែករំលែកព័តមាននេះ