ទីបំផុត! ជប៉ុនចាប់ផ្តើមរត់ភ្លើងគប់អូឡាំពិក ក្រោយពន្យារពេលអស់១ឆ្នាំ
ជប៉ុន ៖ នៅថ្ងៃទី ២៥ ខែ មីនា ឆ្នាំ ២០២១ នេះ ប្រទេសជប៉ុនបានចាប់ផ្តើមរត់ភ្លើងគប់អូឡាំពិករបស់ខ្លួន…
ជប៉ុន ៖ នៅថ្ងៃទី ២៥ ខែ មីនា ឆ្នាំ ២០២១ នេះ ប្រទេសជប៉ុនបានចាប់ផ្តើមរត់ភ្លើងគប់អូឡាំពិករបស់ខ្លួន…
ជប៉ុន ៖ នៅថ្ងៃទី ២៥ ខែ មីនា ឆ្នាំ ២០២១ នេះ ប្រទេសជប៉ុនបានចាប់ផ្តើមរត់ភ្លើងគប់អូឡាំពិករបស់ខ្លួន សម្រាប់ព្រឹត្តិការណ៍កីឡាអូឡាំពិកទីក្រុងតូក្យូឆ្នាំ ២០២០ ដែលបានពន្យារពេល១ឆ្នាំ ដោយសារការឆ្លងរាតត្បាតនៃវីរុសកូវីដ១៩។
ភ្លើងគប់បានចាប់ផ្តើមរត់ចេញពីមជ្ឈមណ្ឌលជាតិបណ្តុះបណ្តាល J-Village នៅក្នុងខេត្តហ្វូគូស៊ីម៉ា (Fukushima) ហើយវាត្រូវធ្វើដំណើរពាសពេញផ្ទៃប្រទេស ដោយឆ្លងកាត់ក្រុងចំនួន ៨៥៩ ទូទាំងខេត្តទាំង ៤៧ របស់ជប៉ុនក្នុងរយៈពេល៤ខែ មុនពេលទៅដល់កីឡដ្ឋានជាតិទីក្រុងតូក្យូនាថ្ងៃទី ២៣ ខែ កក្កដា ដើម្បីប្រារព្ធពិធីបើកនៃព្រឹត្តិការណ៍ដ៏ធំមួយនេះ។
ដោយសារតែការរាតត្បាតនៃវីរុសកូវីដ១៩ នៅតែកំពុងវាយលុកក្នុងប្រទេសជប៉ុន។ ពិធីរត់ភ្លើងគប់ ត្រូវបានធ្វើឡើងដោយគ្មានវត្តមានអ្នកគាំទ្រឈរអបអរសាទរនៅតាមដងផ្លូវក្បែរនោះឡើយ។
សូមបញ្ជាក់ជាថ្មីថា ព្រឹត្តិការណ៍កីឡាអូឡាំពិកទីក្រុងតូក្យូនឹងធ្វើពិធីបើកនាថ្ងៃទី ២៣ ខែ កក្កដា និងពិធីបិទនាថ្ងៃទី ៨ ខែ សីហា ឆ្នាំ ២០២១ ខាងមុខនេះ៕ (ប្រភពពី Olympic Channel)
ចែករំលែកព័តមាននេះ