៥ គន្លឹះពិសេសបំផុតនៃការសន្សំប្រាក់ ដើម្បីបង្កើតប្រាក់សន្សំរបស់អ្នក !
យោងទៅតាមការស្ទង់មតិរបស់ GOBankingRates ថ្មីៗនេះ បាននិយាយថាចំនួនប្រជាជនអាមេរិកប្រមាណជា ៥៧,៤ ភាគរយ មានប្រាក់សន្សំតិចជាង ១,០០០ ដុល្លារអាមេរិក ។…
យោងទៅតាមការស្ទង់មតិរបស់ GOBankingRates ថ្មីៗនេះ បាននិយាយថាចំនួនប្រជាជនអាមេរិកប្រមាណជា ៥៧,៤ ភាគរយ មានប្រាក់សន្សំតិចជាង ១,០០០ ដុល្លារអាមេរិក ។ វាអាចមានហេតុផលជាច្រើន ដែលហេតុផលនោះអាចបណ្តាលមកពីជំងឺរាត ត្បាតកូវីដ-១៩ មានបំណុលច្រើនពេក កំពុងអត់ការងារធ្វើ និងការរស់នៅក្នុងតំបន់ដែលមានតម្លៃថ្លៃជាដើម ។ ប្រសិនបើអ្នកមានការសន្សំដោយមានការកំណត់ត្រឹមត្រូវ ហើយចង់រៀនពីរបៀបសន្សំប្រាក់បានលឿននោះ សូមអានការចែករំលែកដូចខាងក្រោមនេះ ៖
អ្នកត្រូវចងចាំថា ទោះបីជាអ្នកបានបញ្ចុះបញ្ចូលខ្លួនអ្នកថា អ្នកមិនមែនជាអ្នកសន្សំប្រាក់នោះទេក៏ដោយ ចូរអ្នកគិតម្តងទៀត ហើយមានតែអ្នកនោះទេ ដែលអាចទាញយកអត្ថប្រយោជន៍ពីវិធីដើម្បីសន្សំនៅទីនេះបាន ហើយវាអាចជួយឱ្យសមតុល្យគណនីសន្សំ របស់អ្នកកើនឡើងរហ័ស ។ បើអុីចឹងតោះ ! មកស្តាប់ពីវិធីសាស្ត្រទាំង ៥ ដើម្បីសន្សំប្រាក់ឱ្យមានប្រសិទ្ធភាព ៖
ទី ១ ធ្វើបញ្ជីរាយគ្រឿងទេស និងអាហារផ្សេងៗ ៖ ប្រាកដណាស់ការចំណាយលើម្ហូបអាហារ គឺជាចំណុចមួយដែលធំបំផុសសម្រាប់អ្នក ហើយក៏ជាការចំណាយមួយធំផងដែរទៅលើគ្រឿងទេសនានាដែលត្រូវប្រើ ដូចនេះយើងត្រូវរៀបផែនការក្នុងការចំណាយទៅលើគ្រឿងទេសទាំងនោះ ។ ពិនិត្យឡើងវិញនូវការផ្សាយពាណិជ្ជកម្ម ក្នុងហាងលក់គ្រឿងទេសមួយចំនួន ហើយត្រូវធ្វើបញ្ជីទិញទំនិញ និងមុខម្ហូបដែលត្រូវទិញ ។ តាមរយៈការធ្វើបែបនេះ អ្នកនឹងអាចរកបានការទិញដ៏ល្អបំផុត និងអ្នកអាចជៀសវាងការទិញខ្ជះខ្ជាយបានផងដែរ ។ លើសពីនេះទៀត នៅពេលអ្នកមានបញ្ជីត្រឹមត្រូវ អ្នកនឹងធានាថា អ្នកទទួលបានអ្វីគ្រប់យ៉ាង ដែលអ្នកត្រូវការ ហើយមិនចាំបាច់ធ្វើដំណើរត្រលប់ទៅវិញទេ នោះវាក៏អាចសន្សំលុយហថ្លៃសាំងបានផងដែរ ។
ទី ២ ចៀសវាងការខ្ជះខ្ជាយអាហារ ៖ ត្រូវចាំថា ប្រសិនជាអ្នកមិនចង់បានកុំទិញយកមកទុកចោលរហូតខូចយកទៅបោះចោល ។ យោងតាមក្រសួងកសិកម្ម របស់សហរដ្ឋអាមេរិកប៉ាន់ស្មានថា ជារៀងរាល់ឆ្នាំគ្រួសារជាមធ្យម ដែលមានគ្នាបួននាក់បោះចោលអាហារ បើគិតជាទឹកប្រាក់ចំនួន ១.៥០០ ដុល្លារ ស្មើរនឹង ១២៥ ដុល្លារក្នុងមួយខែៗ ។ ក្រសួងក៏ណែនាំថា ដើម្បីចៀសវាងកាកសំណល់ពីអាហារមិនបានញុំា ដោយអ្នកត្រូវរៀបចំទូទឹកកក ទុកដាក់អាហារដែលឆាប់ផុតកំណត់ និងត្រូវដាក់វាទៅខាងមុខ ហើយមិនត្រូវរុញទៅខាងក្រោយនោះទេ ព្រោះវាអាចធ្វើឱ្យយើងភ្លេចគិតពីវា ។ ត្រូវស្វែងយល់ពីកាលបរិច្ឆេទអាហារឱ្យបានត្រឹមត្រូវ ពីព្រោះអាហារជាច្រើនអាចមានរយៈពេលយូរជាងកាលបរិច្ឆេទផុតកំណត់ ។ គួរបង្កកអាហារ ដែលគិតថា ទុកបានយូរ ព្រោះសម្រាប់ប្រើនៅថ្ងៃក្រោយ ។ ប្រើអាហារដែលផុតកំណត់ ឱ្យទៅជាអាហារជ្រក់ជាដើម និងទុកសម្រាប់បំលែងវាឱ្យទៅជាជីកំប៉ុស៍ជាដើម ។
ទី ៣ ញ៉ាំអាហារនៅផ្ទះ ៖ ធ្វើបែបនេះ អាចជួយអ្នកសន្សំប្រាក់ និងបានទទួលទានអាហារដែលមានសុខភាពល្អទៀតផង ។ ការសិក្សាមួយបានកត់សម្គាល់ឃើញថា អ្នកបរិភោគបាយផ្ទះកាន់តែច្រើន កាន់តែអាចកាត់បន្ថយការចំណាយ ក្នុងចន្លោះពី ២៧៣ ទៅ ៣៣០ ដុល្លារក្នុងមួយខែ សម្រាប់មនុស្សម្នាក់ៗ ។ ដូចយើងដឹងស្រាប់ហើយអាហារនៅក្នុងហាងឬលក់នៅខាងក្រៅអាចថ្លៃជាងអាហារដែលយើងធ្វើខ្លួនឯង ហើយក៏អាចជាអាហារមិនគាំទ្រដល់សុខភាពយើងទៀតផង ។
ទី ៤ កាត់បន្ថយការចំណាយដែលមិនចាំបាច់ ៖ ការកាត់បន្ថយចំណាយដែលកើតឡើងដដែលៗ ជាពិសេសអ្វីដែលមិនចាំបាច់នោះមិនត្រូវចាយនោះទេ វិធីនេះអាចជួយផ្នែកសន្សំរបស់អ្នកបានច្រើន ។ អ្វីដែលអ្នកត្រូវគិតនោះ គឺវិក័យប័ត្រទឹកភ្លើង ឬក៏ថ្លៃជួលផ្ទះសរុបមកគឺអ្វីដែលអ្នកត្រូវបង់ប្រចាំខែ ។ អ្នកត្រូវធ្វើផែនការ និងកំណត់របស់ណាដែលចាំបាច់ចាយរបស់ណាដែលគួរចាយ ។ តើអ្នកភ្ជាប់អ៊ិនធឺណិតទូរស័ព្ទ និងអ៊ិនធឺណិតប្រើខ្សែ ដើម្បីអ្វី ? តើអ្នកមានការជាវទស្សនាវដ្តីឬសេវាកម្មតាមអ៊ិនធឺរណែតណា ដែលអ្នកកម្រនឹងប្រើដែរឬទេ ? ។ អ្នកគួរពិចារណាថា តើអ្នកអាចសន្សំបានប៉ុន្មាន ប្រសិនជាអ្នកកាត់ចេញនូវអ្វីដែលមិនចាំបាច់នោះ ។ ការស្ទង់មតិដែលរៀបចំឡើងសម្រាប់ក្រុមហ៊ុនធានារ៉ាប់រង Ladder ក្នុងឆ្នាំ ២០១៩ បានរកឃើញថាជនជាតិអាមេរិកបានចំណាយប្រាក់ចំនួន ១,៤៩៧ ដុល្លារក្នុងមួយខែៗ ទៅលើរបស់របរដែលមិនចាំបាច់ ដែលរាប់បញ្ចូលទាំងការចំណាយ ដូចជា ការបរិភោគនៅភោជនីយដ្ឋានអាចឈានដល់ ២០៩ ដុល្លារ ។ ការពិសារភេសជ្ជៈគ្រឿងនានាដែលជាការកម្សាន្តជាមួយមិត្តភក្តិ និងមិត្តរួមការងារអាចសល់ទៅ ១៨៩ ដុល្លារ ។ ការជាវជាប្រអប់អិនធើណេត ៩៤ ដុល្លារ ។ល។
ទី ៥ ការសន្សំប្រាក់ក្នុងគណនេយ្យសន្សំមានកាលកំណត់ ៖ សូមចងចាំថាការសន្សំ គឺជាការរត់ម៉ារ៉ាតុង ហើយអ្នកត្រូវទុកឱ្យប្រាក់របស់អ្នកកើនឡើងទៅតាមពេលវេលា ។ ប្រសិនបើអ្នកមិនទាន់មានទេ សូមបើកគណនីសន្សំមួយ ជាមួយធនាគារក្នុងស្រុក ឬសហជីពឥណទានណាមួយ ធ្វើដូចនេះអ្នកនឹងអាចទុកប្រាក់សន្សំនោះចោល ។ បន្ទាប់មកអ្នកត្រូវតាមដានការសន្សំនោះ ថាក្នុងមួយខែៗវាកើនបានប៉ុន្មាន ? នៅពេលដែលអ្នកមានយុទ្ធសាស្ត្រសន្សំហើយ អ្នកនឹងគួរតែព្យាយាមសន្សំទៅតាមលទ្ធភាពដែលអ្នកមាន មានន័យថាសន្សំកាន់តែច្រើនកាន់តែល្អ នោះប្រាកដណាស់ថា ផែនការជីវិតរបស់អ្នកនឹងត្រូវបានដំណើរទៅមុខរហូត ដោយមិនចាំបាច់កើតទុកជាមួយបញ្ហាអត់មានលុយនោះទេ ៕ ប្រភព ៖ gobankingrates
ចែករំលែកព័តមាននេះ