ខេត្តរតនគិរី ៖ លោកតា យ៉ៅ ផង អាយុ៦៥ឆ្នាំ ជនជាតិទំពួន ប្រពន្ធឈ្មោះ វ៉ាន់ ចាង និងមានកូនចំនួន៥នាក់ ដោយមានជំងឺប្រចាំកាយផងនោះ ត្រូវបានគណៈកម្មការដឹកនាំដោយលោក ប៊ី ជីវ័នតារា
ខេត្តរតនគិរី ៖ លោកតា យ៉ៅ ផង អាយុ៦៥ឆ្នាំ ជនជាតិទំពួន ប្រពន្ធឈ្មោះ វ៉ាន់ ចាង និងមានកូនចំនួន៥នាក់ ដោយមានជំងឺប្រចាំកាយផងនោះ ត្រូវបានគណៈកម្មការដឹកនាំដោយលោក ប៊ី ជីវ័នតារា អនុប្រធានគណៈកម្មការគណបក្សប្រជាជនកម្ពុជាក្រុងបានលុង លោក ផាន់ ភីរុណ ប្រធានក្រុមការងារចុះជួយសង្កាត់យក្សឡោម លោក សុខ វុទ្ធី សមាជិកអចិន្ត្រៃយ៍ លោក ថោង ប៊ន អនុប្រធានគណៈកម្មការគណបក្ស ព្រមទាំងលោកចៅសង្កាត់យក្សឡោម បាននាំយកអំណោយទៅចែកជូនលោកតាដែលកំពុងមានជំងឺប្រចាំកាយ កាលពីព្រឹកថ្ងៃទី១៣ កញ្ញា ២០១៥ នៅផ្ទះលោកតាផ្ទាល់ ស្ថិតនៅភូមិសិល សង្កាត់យក្សឡោម ក្រុងបានលុង ។
លោក ប៊ី ជីវ័នតារា បានលើកឡើងថា អំណោយរបស់គណបក្សបជាជនកម្ពុជាក្រុង បានផ្ដល់ជូនក្រុមគ្រួសារដែលខ្វះខាតនាពេលនេះ គ្រាន់តែជួយដោះទុក្ខមួយគ្រាប៉ុណ្ណោះ សូមបងប្អូនកូនចៅទាំងអស់មេត្តាជួយថែទាំ និងយកចិត្តទុកដាក់ដល់គាត់ផង អំណោយទាំងអស់នោះ រួមមាន អង្ករ៥០គីឡូក្រាម ត្រីខ១យួរ ទឹកត្រី១យួរ ស្ករសកន្លះគីឡូក្រាម ប៊ីចេង១កញ្ចប់ អំបិល១កញ្ចប់ ទឹកដោះគោខាប់៦កំប៉ុង និងប្រាក់ចំនួន៤០ម៉ឺនរៀល ។
ខណៈនោះដែរ លោក ប៊ី ជីវ័នតារា ក៏បានដឹកនាំក្រុមកាងារចុះទៅសួរសុខទុក្ខប្រជាពលរដ្ឋនៅក្នុងភូមិឃុំខាងលើ ហើយផ្តាំផ្ញើពួកគាត់ទាំងអស់គ្នាទៅធ្វើអត្តសញ្ញាណប័ណ្ណថ្មីសញ្ជាតិខ្មែរ ព្រោះនៅពេលបោះឆ្នោតខាងមុខគេតម្រូវឱ្យយកអត្តសញ្ញាណប័ណ្ណទៅបោះឆ្នោត ហេតុដូច្នេះសូមប្រជាពលរដ្ឋមេត្តាទៅចុះឈ្មោះ និងធ្វើអត្តសញ្ញាណប័ណ្ណឲ្យបានគ្រប់គ្នាផងដែរ ៕
ចែករំលែកព័តមាននេះ