ខេត្តក្រចេះ ៖ បុរសជាប្អូនបង្កើតម្នាក់បានរងគ្រោះ ដោយសារត្រូវបងប្រុសរបស់ខ្លួនមានសតិមិនគ្រប់យកចន្ត្រៃចា.ក់បណ្តាលឲ្យរបួសរងធ្ងន់ កើតឡើងកាលពីព្រលប់ថ្ងៃទី២១ មីនា ឆ្នាំ២០២១ ស្ថិតនៅភូមិសំពុង ឃុំថ្មអណ្ដើក ស្រុកចិត្របុរី…
ខេត្តក្រចេះ ៖ បុរសជាប្អូនបង្កើតម្នាក់បានរងគ្រោះ ដោយសារត្រូវបងប្រុសរបស់ខ្លួនមានសតិមិនគ្រប់យកចន្ត្រៃចា.ក់បណ្តាលឲ្យរបួសរងធ្ងន់ កើតឡើងកាលពីព្រលប់ថ្ងៃទី២១ មីនា ឆ្នាំ២០២១ ស្ថិតនៅភូមិសំពុង ឃុំថ្មអណ្ដើក ស្រុកចិត្របុរី ខេត្តក្រចេះ ។
នគរបាលប៉ុស្តិ៍រដ្ឋបាលបានឲ្យដឹងថា ជនរងគ្រោះឈ្មោះទីវ បញ្ញា ភេទប្រុស អាយុ២៣ឆ្នាំ ជាកសិករ និងជនសង្ស័យឈ្មោះ ទីវ សាយ ភេទប្រុស អាយុ៤៣ឆ្នាំ ជាមនុស្សមានសតិមិនគ្រប់ បានយកកន្ត្រៃចាក់ចំកណ្ដៀតក្អមខាងឆ្វេងរងរបួសធ្ងន់ អ្នកទាំងពីររស់នៅភូមិ-ឃុំខាងលើ និងជាបងប្អូនបង្កើត និងគ្នារស់នៅផ្ទះរួមគ្នាជាមួយឪពុកម្ដាយ ។ ចំណែកឈ្មោះទីវ សាយ ត្រូវជាបងបង្កើតមានសតិមិនគ្រប់ ដោយគ្រាន់តែអាជ្ញាធរមូលដ្ឋានបានដឹងឮ ប៉ុន្តែគ្មានឯកសារបញ្ជាក់ពីមន្ទីរពេទ្យនោះទេ។
នគរបាលបានបញ្ជាក់ទៀតថា នៅពេលកើតហេតុ ឈ្មោះទីវ បញ្ញា បានទៅរកហូបបាយ ស្រាប់តែឈ្មោះទីវ សាយ ក៏យកកន្ត្រៃមកចាក់ទៅលើប្អូនឈ្មោះទីវ បញ្ញា ត្រូវចំកណ្ដៀតក្អមខាងឆ្វេងមុតហូរឈាម ត្រូវក្រុមគ្រួសារបញ្ជូនទៅកាន់មន្ទីរពេទ្យបង្អែកខេត្តក្រចេះ ។ រីឯជនសង្ស័យត្រូវបានសមត្ថកិច្ចឃាត់ខ្លួនជាបណ្ដោះអាសន្ននៅប៉ុស្តិ៍នគរបាលរដ្ឋបាលថ្មអណ្ដើក ។
ចែករំលែកព័តមាននេះ