រាជធានីភ្នំពេញ ៖ បុរសវ័យកណ្តាលម្នាក់ជិះម៉ូតូតែម្នាក់ឯងក្នុងល្បឿនលឿនដល់ផ្លូវកោងមិនបន្ថយល្បឿន និងបួងចង្កូតមិនទាន់ជ្រុលទៅបុកផ្ទប់បង្គោលភ្លើងពេញទំហឹង បណ្តាលឲ្យអ្នកបើកបរម៉ូតូបោកដួលបោកក្បាលស្លាប់ភ្លាមៗនៅនឹងកន្លែងកើតហេតុ កាលពីវេលាម៉ោង១ និង៣០នាទីរំលងអធ្រាត្រ ឈានចូលថ្ងៃទី១៧ ខែមីនា ឆ្នាំ២០២១…
រាជធានីភ្នំពេញ ៖ បុរសវ័យកណ្តាលម្នាក់ជិះម៉ូតូតែម្នាក់ឯងក្នុងល្បឿនលឿនដល់ផ្លូវកោងមិនបន្ថយល្បឿន និងបួងចង្កូតមិនទាន់ជ្រុលទៅបុកផ្ទប់បង្គោលភ្លើងពេញទំហឹង បណ្តាលឲ្យអ្នកបើកបរម៉ូតូបោកដួលបោកក្បាលស្លាប់ភ្លាមៗនៅនឹងកន្លែងកើតហេតុ កាលពីវេលាម៉ោង១ និង៣០នាទីរំលងអធ្រាត្រ ឈានចូលថ្ងៃទី១៧ ខែមីនា ឆ្នាំ២០២១ នៅតាមបណ្ដោយផ្លូវលេខ១០៣ ចំណុចបង្គោលភ្លើងលេខ P004-690 ស្ថិតនៅសង្កាត់ទួលសង្កែទី១ ខណ្ឌឫស្សីកែវ។
សពរងគ្រោះត្រូវបានសាច់ញាតិប្រាប់ឲ្យដឹងថា មានឈ្មោះ ឆឹង ចាន់ធី ភេទប្រុស អាយុ៤៣ឆ្នាំ មុខរបរអ្នកបើកបររថយន្តស្ទូច ស្នាក់នៅផ្ទះផ្លូវបេតុង ភូមិទួលថ្ងាញ សង្កាត់ភ្នំពេញ ទួលសង្កែទី២ ខណ្ឌឫស្សីកែវ ជិះម៉ូតូមួយគ្រឿងម៉ាក suzuki nex ពណ៌ស ពាក់ស្លាកលេខ ភ្នំពេញ 1CH-4882 រងការខូចខាតខ្ទេចមួយកំណាត់ទាំងស្រុង ហើយមុនកើតហេតុ ពួកគាត់ជាសាច់មិនដឹងថា សពរងគ្រោះជិះម៉ូតូត្រលប់មកពីណានោះទេ។
ប្រភពព័ត៌មានបានប្រាប់ឲ្យដឹងថា មុនកើតហេតុពួកគាត់ឃើញសពបុរសខាងលើ ជិះ
ម៉ូតូតែម្នាក់ឯងក្នុងល្បឿនយ៉ាងលឿន តាមបណ្តោយផ្លូវលេខ១០៣ ទិសដៅពីត្បូងទៅជើង ក្នុងល្បឿនលឿនមែនទែន មកដល់ចំណុចកើតហេតុ ផ្លូវមានស្ថានភាពកោងខ្លាំង ហើយអ្នកបើកបរម៉ូតូមិនបន្ថយល្បឿនក៏ជ្រុលបុកផ្ទប់បង្គោលភ្លើងពេញទំហឹងលាន់ស្នូរដូចរន្ទះ និងបណ្តាលឲ្យជនរងគ្រោះបោកក្បាល និងបង្គោលភ្លើងស្លាប់ភ្លាមៗនៅនឹងកន្លែងកើតហេតុយ៉ាងអាណោចអាធ័ម ចំណែកម៉ូតូវិញរងការខូចខាតខ្ទេចមួយកំណាត់ទាំងស្រុង។
ក្រោយកើតហេតុសពត្រូវបានសាច់ញាតិ ដឹកយកទៅតម្កល់ធ្វើបុណ្យនៅស្រុកកំណើត នៅភូមិចាន់ឧទ្ទិស ឃុំពញាឮ ស្រុកឧត្តុង ខេត្តកណ្ដាល ទាំងក្តីស្រណោះស្រណោកពន់ពេក ចំណែកម៉ូតូត្រូវបានសមត្ថកិច្ចមូលដ្ឋានយកទៅរក្សាទុកឲ្យបណ្តោះអាសន្ននៅប៉ុស្តិ៍នគរបាលរដ្ឋបាលទួលសង្កែទី១៕ ដោយ ៖ យឹម ឈឿន
ចែករំលែកព័តមាននេះ