ខេត្តបន្ទាយមានជ័យ ៖ មន្ត្រីចម្រុះឃាត់រថយន្តលួចដឹកអង្កាមពេលយប់ដែលតទ្រុងខុសបច្ចេកទេសដើម្បីធ្វើសន្យាកាត់ចោលយប់ថ្ងៃទី១៦ ខែមីនា ឆ្នាំ២០២១ ទុកនៅមុខស្នងការដ្ឋាននគរបាលខេត្តបន្ទាយមានជ័យ។ លោក សុក ចាន់ថា ប្រធានមន្ទីសាធារណៈការនិងដឹកជញ្ជូនខេត្តបន្ទាយមានជ័យបានឲ្យដឹងថា៖…
ខេត្តបន្ទាយមានជ័យ ៖ មន្ត្រីចម្រុះឃាត់រថយន្តលួចដឹកអង្កាមពេលយប់ដែលតទ្រុងខុសបច្ចេកទេសដើម្បីធ្វើសន្យាកាត់ចោលយប់ថ្ងៃទី១៦ ខែមីនា ឆ្នាំ២០២១ ទុកនៅមុខស្នងការដ្ឋាននគរបាលខេត្តបន្ទាយមានជ័យ។ លោក សុក ចាន់ថា ប្រធានមន្ទីសាធារណៈការនិងដឹកជញ្ជូនខេត្តបន្ទាយមានជ័យបានឲ្យដឹងថា៖
ជាការណែនាំពីឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណៈការ និងដឹកជញ្ជូន ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ហើយមន្ត្រីសាធារណៈការ និងដឹកជញ្ជូនខេត្តបន្ទាយមានជ័យ បានសហការជាមួយមន្ត្រីចរាចរណ៍ផ្លូវគោកនៃស្នងការដ្ឋាននគរបាលខេត្តបន្ទាយមានជ័យបានឃាត់រថយន្តធុនធំចំនួន៧គ្រឿងដែលតទ្រុងដឹកអង្កាមទៅលក់ព្រំដែនដែលខុសពីលក្ខណៈបច្ចេកទេស។
លោកបានបញ្ជាក់ថា៖ ក្រោយពេលឃាត់រថយន្តចំនួន៧គ្រឿងដែលសង្ស័យតទ្រុងដឹកអង្កាមខុសលក្ខណៈបច្ចេកទេសហើយមន្ត្រីចម្រុះបាននាំយករថយន្តមកទុកនៅមុខស្នងការដ្ឋាននគរបាលខេត្តបន្ទាយមានជ័យ មន្ត្រីជំនាញបានធ្វើការវាស់ទ្រុងរថយន្តដែលតទ្រុងរថយន្តដឹកអង្កាមខុសលក្ខណៈបច្ចេកទេសដែលតលើសមានប្រវែង១ម៉ែត្រកន្លៈទៅ២ម៉ែត្រដែលប្រឈមគ្រោះថ្នាក់កើតឡើងគ្រប់ពេល។ លោក សុក ចាន់ថា បានបញ្ជាក់ថា៖
ចំពោះរថយន្តដែលត្រូវឃាត់ចំនួន៧គ្រឿងដែលតទ្រុងខុសលក្ខណៈបច្ចេកទេស ហើយត្រូវបានរក្សាទុកមុខស្នងការដ្ឋាននគរបាលខេត្ត ចំណែកម្ចាស់រថយន្តអ្នកបើកបរត្រូវឲ្យធ្វើសន្យានៅការិយាល័យចរាចរណ៍ជើងគោកនៃស្នងការដ្ឋាននគរបាលខេត្តបន្ទាយមានជ័យ ដើម្បីឲ្យម្ចាស់ដឹកអង្កាមទៅទម្លាក់ហើយយករថយន្តដែលតទ្រុងខុសលក្ខណៈបច្ចេកទេស ហើយយកមកឲ្យមន្ត្រីជំនាញកាត់ទ្រុងចោលឲ្យបានត្រឹមត្រូវបច្ចេកទេស ដើម្បីចូលរួមគោរពច្បាប់ការពារសុវត្ថិភាពចរាចរណ៍ឲ្យបានគ្រប់គ្នា៕ ដោយ ៖ ប៊ុន ធឿន
ចែករំលែកព័តមាននេះ