ឆេះឡានដឹកថ្នាំពេទ្យយ៉ាងសន្ធោសន្ធៅនៅក្រុងសៀមរាប
- សៀមរាប
ខេត្តសៀមរាប ៖ រថយន្តម៉ាកស្តារិច ( Starex) ជាកម្មសិទ្ធរបស់ ក្រុមហ៊ុន Medibest បានឆាបឆេះដោយសារឆ្លងចរន្តអគ្គិសនី នៅមុខតាប្លូមុខរថយន្ត…
ខេត្តសៀមរាប ៖ រថយន្តម៉ាកស្តារិច ( Starex) ជាកម្មសិទ្ធរបស់ ក្រុមហ៊ុន Medibest បានឆាបឆេះដោយសារឆ្លងចរន្តអគ្គិសនី នៅមុខតាប្លូមុខរថយន្ត នៅចំណុចផ្សារកណ្ដាល ខាងមុខឱសថស្ថានព្រះវិហារ ដែលហេតុការណ៍នេះបានកើតឡើង នៅវេលាម៉ោង១៤និង០០ នាទីរសៀល ថ្ងៃទី១៧ ខែមីនា ឆ្នាំ២០២១ ស្ថិតក្នុងភូមិមណ្ឌល២ សង្កាត់ស្វាយដង្គំ ក្រុងសៀមរាប ។
លោកវរសេនីយ៍ទោ ដា ចំរើន អធិការនគរបាលក្រុងសៀមរាប បានឲ្យដឹងថា មានករណីឆេះឡានមួយគ្រឿងនៅចំនុចមុខឱសថស្ថានព្រះវិហារ ស្ថិតក្នុងក្រុមទី២ ភូមិមណ្ឌល២ស/កស្វាយដង្គំ ក្រុង/ខេត្តសៀមរាប ដែលបើកបរបដោយឈ្មោះ ជ្រែង វៃ ភេទប្រុស អាយុ ២៧ឆ្នាំស្រកំណើត ភូមិ ឈ្លីតលើ ឃុំខ្ជាយខាងត្បូង ស្រុកដងទង ខេត្តកំពត ។
លោកបន្ថែមថា ការខូចខាតអស់រថយន្តចំនួន០១ម៉ាក Starex ពណ៌ទឹកប្រាក់ ផ្លាកលេខ ភ្នំពេញ 2Y_5865 ជាកម្មសិទ្ធ ក្រុមហ៊ុនMedibest នៅភ្នំពេញ ថ្នាំពេទ្យប្រហែល២០០០ដុល្លារ រថយន្តខូចខាតទាំងស្រុង ហើយរថយន្តនេះជាកម្មសិទ្ធ ក្រុមហ៊ុន Medibest នៅភ្នំពេញ ។
លោកបញ្ជាក់ថា ករណីនេះ សមត្ថកិច្ចបានប្រើប្រាស់រយន្តពន្លត់អគ្គិភ័យចំនួន០១គ្រឿង ។ លោកបញ្ជាក់ថា មូលហេតុនៃការឆេះនេះ បណ្តាលមកពីឆ្លងចរន្តអគ្គិសនីនៅតាប្លូខាងមុខរថយន្ត ៕
ចែករំលែកព័តមាននេះ