ខេត្តកំពង់ស្ពឺ ៖ បុរសម្នាក់បានក្លាយជា.ឃា.ត.ក.រ. បន្ទាប់ពីយកកាំបិតផ្គាក់កាប់ប្រហារបុរសអ្នកជិតខាងខ្លួនម្នាក់រហូតបាត់បង់ជីវិតនៅក្នុងថ្លុកឈាម ដោយសារតែប្រចណ្ឌនឹងប្រពន្ធរបស់ខ្លួន ។ ហេតុការណ៍នេះបង្កឱ្យមានការភ្ញាក់ផ្អើលឡើងកាលពីថ្ងៃទី១៦ ខែមីនា ឆ្នាំ២០២១ វេលាម៉ោង២និង៤០នាទីរសៀល…
ខេត្តកំពង់ស្ពឺ ៖ បុរសម្នាក់បានក្លាយជា.ឃា.ត.ក.រ. បន្ទាប់ពីយកកាំបិតផ្គាក់កាប់ប្រហារបុរសអ្នកជិតខាងខ្លួនម្នាក់រហូតបាត់បង់ជីវិតនៅក្នុងថ្លុកឈាម ដោយសារតែប្រចណ្ឌនឹងប្រពន្ធរបស់ខ្លួន ។ ហេតុការណ៍នេះបង្កឱ្យមានការភ្ញាក់ផ្អើលឡើងកាលពីថ្ងៃទី១៦ ខែមីនា ឆ្នាំ២០២១ វេលាម៉ោង២និង៤០នាទីរសៀល ស្ថិតនៅភូមិគោកមានជ័យ ឃុំព្នាយ ស្រុកសំរោងទង ខេត្តកំពង់ស្ពឺ ។
ជនដៃដល់ខាងលើនេះមានឈ្មោះ ម៉ៃ សៅគៀង ភេទប្រុស អាយុ២៧ឆ្នាំ ។ ចំណែកជនរងគ្រោះឈ្មោះ សែម ភា ហៅវ៉េវ ភេទប្រុស អាយុ២១ឆ្នាំ រស់នៅភូមិកើតហេតុជាមួយគ្នា មានផ្ទះនៅក្បែរគ្នា ។
ប្រភពពីសមត្ថកិច្ចបានឲ្យដឹងថា មុនពេលកើតហេតុ ជនដៃដល់បានយកកាំបិតកាប់ទៅលើជនរងគ្រោះកំពុងតែអង្គុយចិតផ្លែស្វាយនៅផ្ទះរបស់ខ្លួន កាលពីវេលាម៉ោង២និង១៥នាទីរសៀល នាថ្ងៃខែកើតហេតុខាងលើ ។ ក្រោយពីធ្វើសកម្មភាព កម្លាំងព្រហ្មទណ្ឌស្រុកសហការជាមួយកម្លាំងប៉ុស្ដិ៍ព្នាយ បានឃាត់ខ្លួនជនដៃដល់ក្នុងករណី.ឃា.ត.ក.ម្ម.ដោយចេតនានៅនឹងផ្ទះតែម្តង ។
ប្រភពដដែលបន្តថា ជនដៃដល់បានយកកាំបិតផ្គាក់កាប់ទៅលើឈ្មោះ សែម ភា ហៅវ៉េវ ចំនួន៤កាំបិត ចំក្បាលលើត្រចៀកខាងស្ដាំ១កាំបិត កញ្ចឹង.ក២កាំបិត កែងដៃខាងស្ដាំ១កាំបិត បណ្ដាលឱ្យជនរងគ្រោះបាត់បង់ជីវិតនៅនឹងកន្លែងកើតហេតុខាងក្រោយផ្ទះជនរងគ្រោះតែម្តង ។
ក្រោយពេលចាប់ខ្លួន ជនដៃដល់ក៏បានសារភាពថា មូលហេតុដែលឈានទៅដល់ខ្លួនយកកាំបិតកាប់ទៅលើជនរងគ្រោះនេះ ព្រោះតែភ្លើងប្រចណ្ឌជាមួយប្រពន្ធរបស់ខ្លួន ដោយសារកន្លងមក ជនរងគ្រោះចេះតែនិយាយឌឺដងញ៉ែប្រពន្ធរបស់ខ្លួន ហើយខ្លួនបានប្រាប់ និងហាមឃាត់ដែរ តែជននេះនៅតែមិនព្រមបញ្ឈប់ ទើបលើកនេះក៏សម្រេចចិត្តកាប់ប្រហារតែម្តងទៅ ។
ពាក់ព័ន្ធករណីខាងលើនេះ កម្លាំងជំនាញក៏បានកសាងសំណុំរឿងចាត់ការតាមនីតិវិធី ។ ចំណែកសពជនរងគ្រោះ ក្រោយពីសមត្ថកិច្ចនគរបាលបច្ចេកទេសធ្វើការត្រួតពិនិត្យរួច ក៏បានប្រគល់សពទៅឲ្យក្រុមគ្រួសារ ដើម្បីទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ