ខេត្តព្រះសីហនុ ៖ បើតាមឯកឧត្តម គួច ចំរើន អភិបាលខេត្តព្រះសីហនុបានឲ្យដឹងថា អាជ្ញាធរត្រៀមរៀបចំបណ្តេញជនជាតិចិនប្រុស-ស្រីចំនួន២នាក់ទៅស្រុកកំណើតវិញ បន្ទាប់ពីអ្នកទាំងពីរត្រូវចាប់បានថា បញ្ជាទិញថ្នាំញៀ.នចូលកន្លែងចត្តាឡីស័ក ។…
ខេត្តព្រះសីហនុ ៖ បើតាមឯកឧត្តម គួច ចំរើន អភិបាលខេត្តព្រះសីហនុបានឲ្យដឹងថា អាជ្ញាធរត្រៀមរៀបចំបណ្តេញជនជាតិចិនប្រុស-ស្រីចំនួន២នាក់ទៅស្រុកកំណើតវិញ បន្ទាប់ពីអ្នកទាំងពីរត្រូវចាប់បានថា បញ្ជាទិញថ្នាំញៀ.នចូលកន្លែងចត្តាឡីស័ក ។
ឯកឧត្តម គួច ចំរើន បានបញ្ជាក់ថា បុរស-ស្ត្រីជនជាតចិនទាំងពីរបានជាប់អន្ទាក់ប៉ូលិស និងត្រៀមបណ្តេញទៅប្រទេសចិនវីញឆាប់ៗនេះ ។
នេះមិនមែនជាករណទី១ ទេដែលសមត្ថកិច្ចបានឃាត់ជនជាតិចិន និងវៀតណាម បានបង្កប់គ្រឿ.ងញៀ.នជាមួយសម្ភារ នំ ផ្ញើចូលកន្លែងធ្វើចត្តាឡីស័ក ។ កន្លងមក កម្លាំងមានសមត្ថកិច្ចខេត្តព្រះសីហនុ កន្លងមកបានបង្ក្រាបករណីបង្កប់គ្រឿ.ងញៀ.នតាមកញ្ចប់បញ្ញើ និងនៅក្នុងអាហារចូលកន្លែងធ្វើចត្តាឡីស័កក្នុងទឹកដីខេត្តមាត់សមុទ្រមួយបានច្រើនករណីរួចមកហើយ ដោយក្នុង មានករណីត្រូវបានបញ្ជូនទៅតុលាការ ដែលពាក់ព័ន្ធនឹងជនជាតិនិងវៀតណាម ផងដែរ ។
ជុំវិញការត្រៀមបណ្តេញចេញជនជាតិចិន ២រូបខាងលើនេះ មានមតិមួយចំនួនបានចោទសួរទៅលោកអភិបាលខេត្តថា «ត្រឹមតែបញ្ជូនទៅប្រទេសដើមវិញដោយមិនមានទោសអ្វីមែនទេ ឯកឧត្តមពូបើចឹងជនបទេសមកស្រុកខ្មែរហើយពួកគេមិខ្លាចនឹងធ្វើរឿងខុសច្បាប់ទេ ព្រោះចាប់បានហើយត្រឹមតែបញ្ជូនទៅស្រុកវិញ ហើយយូរៗស្ងាត់ៗអាចលួចចូលមកស្រុកខ្មែរម្តងទៀតផងក៏មិនដឹង» ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ