សហរដ្ឋអាមេរិក ៖ បើតាមប៉ូលិសបានរាយការណ៍ឱ្យដឹងថា មនុស្ស៨នាក់ ក្នុងនោះមាននារីដើមកំណើតអាស៊ី៦នាក់ បានត្រូវបាត់បង់ជីវិតដោយសារគ្រាប់កាំភ្លើង កាលពីថ្ងៃទី១៦ ខែមីនា ឆ្នាំ២០២១ នៅតាមសាឡុងម៉ាស្សាចំនួន៣កន្លែង…
សហរដ្ឋអាមេរិក ៖ បើតាមប៉ូលិសបានរាយការណ៍ឱ្យដឹងថា មនុស្ស៨នាក់ ក្នុងនោះមាននារីដើមកំណើតអាស៊ី៦នាក់ បានត្រូវបាត់បង់ជីវិតដោយសារគ្រាប់កាំភ្លើង កាលពីថ្ងៃទី១៦ ខែមីនា ឆ្នាំ២០២១ នៅតាមសាឡុងម៉ាស្សាចំនួន៣កន្លែង នៃតំបន់ទីក្រុងអាត្លង់តា សហរដ្ឋអាមេរិក។
ប៉ូលិសប្រកាសពីការចាប់ខ្លួនជនសង្ស័យម្នាក់។ គេមិនទាន់ដឹងនៅឡើយថា តើការវាយប្រហារទាំងនេះមានលក្ខណៈប្រកាន់ពូជសាសន៍ឬយ៉ាងណា? តែវាកើតមានក្នុងកាលៈទេសៈ ដែលមានការកើនឡើងខ្ពស់នៃអំពើប្រឆាំងពួកអាស៊ីនៅសហរដ្ឋអាមេរិក។
ក្រោយការពិនិត្យបណ្ដារូបភាពនៃកាមេរ៉ាត្រួតពិនិត្យ មានលទ្ធភាពខ្ពស់បំផុតដែល ខ្មាន់កាំភ្លើងតែម្នាក់ជាអ្នកវាយប្រហារសាឡុងម៉ាស្សាទាំង៣កន្លែងនោះ។ តាមអ្នកនាំពាក្យម្នាក់របស់ប៉ូលិសថា ការវាយប្រហារដំបូងបណ្ដាលឲ្យមនុស្សបាត់បង់ជីវិត៤នាក់ និងរបួស២នាក់កើតមាននាថ្ងៃទី១៦ មីនា វេលាម៉ោងប្រមាណជា១៧ម៉ោងក្នុងស្រុក ក្នុងហាងម៉ាស្សាមួយ ស្ថិតនៅចម្ងាយជិត៥០គីឡូម៉ែត្រ ពីទីក្រុងអាត្លង់តា ជាទីក្រុងធំជាងគេនៃរដ្ឋចចជៀរ ភាគអាគ្នេយ៍សហរដ្ឋអាមេរិក។
បន្ទាប់មកមានការបាញ់ប្រហារ២ថ្មីទៀត បណ្ដាលឲ្យមនុស្សបាត់បង់ជីវិត៤នាក់ ក្នុងសាឡុងម៉ាស្សា២ ដែលនៅជិតខាងគ្នានៃទីក្រុងអាត្លង់តា។ ពេលលើកមកដល់ប៉ូលិសបានរកឃើញនារី៣នាក់បានបាត់បង់ជីវិត នៅខាងក្នុងសាឡុងម៉ាស្សា ដោយសារគ្រាប់កាំភ្លើង។ នៅនឹងកន្លែងប៉ូលិសទទួលសេចក្ដីរាយការណ៍ ពីការបាញ់បោះនៅផ្នែកម្ខាងទៀតនៃដងវិថី ដោយនៅទីនោះគេបានរកឃើញនារីម្នាក់ទៀតបាត់បង់ជីវិត។ ចំណែកជនសង្ស័យក៏ត្រូវបានចាប់ឃុំខ្លួនចាប់តាំងពីយប់ថ្ងៃទី១៦ ខែមីនានេះ មក៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ