ខេត្តកំពង់ឆ្នាំង ៖ រោងការមួយកន្លែងត្រូវបានអាជ្ញាធរក្រុងកំពង់ឆ្នាំងចុះណែនាំឱ្យរុះរើជាបន្ទាន់ ខណៈបំពានសេចក្តីជូនដំណឹងរបស់សាលាខេត្តកំពង់ឆ្នាំង ស្ដីអំពីការទប់ស្កាត់ការរីករាលដាលនៃជំងឺកូវីដ19 ហេតុការណ៍នេះបានកើតកាលពីរសៀលថ្ងៃទី16 ខែមីនាឆ្នាំ 2021 នៅភូមិចុងកោះ សង្កាត់ផ្សារឆ្នាំង…
ខេត្តកំពង់ឆ្នាំង ៖ រោងការមួយកន្លែងត្រូវបានអាជ្ញាធរក្រុងកំពង់ឆ្នាំងចុះណែនាំឱ្យរុះរើជាបន្ទាន់ ខណៈបំពានសេចក្តីជូនដំណឹងរបស់សាលាខេត្តកំពង់ឆ្នាំង ស្ដីអំពីការទប់ស្កាត់ការរីករាលដាលនៃជំងឺកូវីដ19 ហេតុការណ៍នេះបានកើតកាលពីរសៀលថ្ងៃទី16 ខែមីនាឆ្នាំ 2021 នៅភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង។
លោក យិន សាវ៉េនអភិបាលក្រុងកំពង់ឆ្នាំងបានឲ្យកោះសន្តិភាពដឹងថា ដើម្បីចូលរួមទប់ស្កាត់ជំងឺកូវីដ19 ក៏ដូចជាសេចក្តីជូនដំណឹងរបស់រដ្ឋបាលសាលាខេត្តកំពង់ឆ្នាំងស្តីអំពីការទប់ស្កាត់ការរីករាលដាលនៃជំងឺកូវីដ19 ដោយផ្អាកការរៀបចំពិធីជួបជុំ មានដូចជាពិធីរៀបអាពាហ៍ពិពាហ៍ ឬពិធីជប់លៀង និងពិធីបុណ្យតាមបែបសាសនាផ្សេងៗ ។ ហេតុដូច្នេះហើយទើបលោកបញ្ជាឲ្យសមត្ថកិច្ចនគរបាលចុះទៅបញ្ឈប់និងរុះរើរោងការមួយកន្លែងនៅភូមិចុងកោះ សង្កាត់ផ្សារឆ្នាំងជាបន្ទាន់ ព្រោះបានបំពានទៅនឹងសេចក្តីជូនដំណឹងរបស់រដ្ឋបាលសាលាខេត្តផងដែរ។
បើតាមលោក ឆាយ ខេមរ័ត្ន អធិការនគរបាលក្រុងកំពង់ឆ្នាំងបានឲ្យដឹងថា ពិធីមង្គលការមួយកន្លែងនៅភូមិចុងកោះនេះបានប្រព្រឹត្តឡើងនៅរសៀលថ្ងៃទី16 មីនា និងគ្រោងទទួលភ្ញៀវពិសារភោជនាហារនារសៀលថ្ងៃទី17 មិនានេះ ប៉ុន្តែក្រោយពីទទួលបញ្ជាពីថ្នាក់លើ សមត្ថកិច្ចបានចុះទៅឃាត់ ដោយបានឱ្យម្ចាស់ដើមការបញ្ឈប់ជាបន្ទាន់ ចំណែកម្ហូបអាហារដែលគ្រោងនឹងទទួលភ្ញៀវនាថ្ងៃទី17 មិនានេះ គឺខាងលោកបានណែនាំទៅម្ចាស់ដើមការថា បើមានភ្ញៀវមក គឺសូមរៀបចំវេចខ្ចប់ម្ហូបអាហារឱ្យភ្ញៀវយកត្រឡប់ទៅផ្ទះវិញ ដោយមិនអនុញ្ញាតឱ្យជួបជុំគ្នាឡើយ ៕
ចែករំលែកព័តមាននេះ