អន្តរជាតិ ៖ ក្រុម​អធិរាជ​ស Real Madrid និង​ក្រុម​មេឃ​ខៀវ Manchester City ដឹក​ដៃ​គ្នា​បន្ត​ឡើង​ទៅ​វគ្គ​៨​ក្រុម​ចុង​ក្រោយ ពានរង្វាន់ UEFA Champions League កាលពី​យប់មិញ ក្រោយ​យកឈ្នះ​គូប្រកួត​សម្រាប់​ជំនួប​ជើង​ទី​២​យ៉ាង​ងាយស្រួល​។

Real Madrid បាន​បំបាក់​ក្រុម​ភ្ញៀវ Atalanta ក្នុង​លទ្ធផល ៣-១​។ ដែល​៣​គ្រាប់​របស់​ក្រុម​ម្ចាស់ផ្ទះ​រកបាន​ដោយ​កីឡាករ Karim Benzema, Sergio Ramos និង​កីឡាករ Marco Asensio ខណៈ​១​គ្រាប់​របស់​ក្រុម​ភ្ញៀវ​ធ្វើ​បាន​ដោយ​កីឡាករ Luis Muriel​។ សរុប​ទាំង​២ Real Madrid យកឈ្នះ​ដោយ​លទ្ធផល ៤-១​។

ដោយឡែក Man City ក៏​បាន​យកឈ្នះ​លើ​ក្រុម​ភ្ញៀវ Borussia Monchengladbach ផង​ដែរ ក្នុង​លទ្ធផល ២-០ ដែល​២​គ្រាប់​នេះ សម្រេច​បាន​ដោយ​កីឡាករ Kevin De Bruyne និង​កីឡាករ Ilkay Gundogan​។ ហើយ​សរុប​លទ្ធផល​ទាំង​២​ជើង​គឺ Man City ឈ្នះ ៤-០​។

ជម្រាប​ជូន​ថា គិត​មក​ទល់​ពេល​នេះ មាន​៦​ក្រុម​ហើយ​ដែល​កក់​កៅអី​សម្រាប់​វគ្គ​៨​ក្រុម​ចុង​ក្រោយ ដោយ​ក្នុង​នោះ​រួម​មាន​៖ Liverpool, Manchester City, Real Madrid, Paris Saint-Germain, Borussia Dortmund និង Porto៕