ខេត្តស្វាយរៀង ៖ មន្ត្រីនគបាល៧រូបដែលពាក់ពន្ធ័ស្ត្រីជនជាតិវៀតណាម២នាក់មានវិជ្ជមានកូវីដ១៩ បានបញ្ចប់ការធ្វើចត្តាឡីស័័ករយៈពេល១៤ថ្ងៃដោយជោគជ័យ បន្ទាប់ពីយកសំណាករបស់មន្ត្រីនគរបាលទាំងនោះទៅពិនិត្យ គឺលទ្ធផលអវិជ្ជមានទាំង២លើក ។
មន្ត្រីនគរបាលការិយាល័យអន្តោប្រវេសន៍ស្នងការដ្ឋាននគបាលខេត្តស្វាយរៀងដែលបានពាក់ព័ន្ធប៉ះពាល់ជាមួយស្ត្រីជនជាតិវៀតណាម២នាក់ដែលព្យាយាមចេញទៅប្រទេសវៀតណាមតាមច្រកទ្វាព្រំដែនអន្តរជាតិបាវិត ក្រុងបាវិត ហើយត្រូវសមត្ថកិច្ចចាប់ឃាត់ខ្លួនសួរនាំ រួចបញ្ជូនទៅធ្វើចត្តាឡីស័ក និងយកសំណាកទៅពិនិត្យ រកឃើញស្ត្រីទាំង២នាក់នោះវិជ្ជមានកូវីដ១៩ ចំណែកអ្នកពាក់ពន្ធ័ផ្ទាល់ចំនួន២៣នាក់ត្រូវបានដាក់ឱ្យធ្វើចត្តាឡីស័័ក និងយកសំណាកទៅពិនិត្យ លទ្ធផលគឺអវិជ្ជមានទាំងពីរលើកដូច្នេះ មន្ត្រីពាក់ពន្ធ័ទាំងអស់គឺអវិជ្ជមានទាំងអស់ ហើយបានធ្វើចត្តាឡីស័កគ្រប់ចំនួន១៤ថ្ងៃដោយជោគជ័យ។
លោកវេជ្ជបណ្ឌិតរស់ វីរ៉ា មន្ត្រីមន្ទីរសុខាភិបាលខេត្ត និងជាក្រុមការងារគណៈកម្មការប្រយុទ្ធប្រឆាំងនិងជំងឺកូវីដ១៩ខេត្តបានឲ្យដឹងថា នៅព្រឹកថ្ងៃទី១៧ មិនា ឆ្នាំ២០២១ នេះ មន្ត្រីនគបាល៧រូបដែលពាក់ពន្ធ័ជាមួយស្ត្រីជនជាតិវៀតណាមវិជ្ជមានកូវីដ១៩ នោះគឺបានបញ្ចប់ការធ្វើចត្តាឡីស័កចំនួន៤ថ្ងៃដោយជោគជ័យ ហើយការយកសំណាកទៅពិនិត្យ លទ្ធផលរកឃើញថា ពួកគាត់អវិជ្ជមានកូវីដ១៩ ហើយនាព្រឹកនេះដែរ ក្រុមការងារមន្ទីរសុខាភិបាលបានចុះមកសំណេះសំណាល និងណែនាំឲ្យពួកគាត់ពេលត្រឡប់ទៅផ្ទះជួបជុំក្រុមគ្រួសារ និងអង្គភាពវិញ ត្រូវបន្តអនុវត្តតាមគោលការណ៍របស់ក្រសួងសុខាភិបាលជាប្រចាំ និងអនុសាសន៍របស់សម្តេចតេជោ ៣ការពារនិង៣កុំ ដើម្បីសុវត្ថិភាពគ្រួសារនិងសង្គមជាតិ។
លោកវេជ្ជបណ្ឌិតបានបន្តថា នាព្រឹកនេះដែរ ក្រុមការងារក៏បានបាញ់ថ្នាំស.ម្លា.ប់មេរោគ និងសំអាតផ្ទះសំណាក់ដែលបានធ្វើចត្តាឡីសក័រួចរាល់ផងដែរ ៕
ចែករំលែកព័តមាននេះ