ប្រទេសមីយ៉ាន់ម៉ា ៖ ប្រព័ន្ធផ្សព្វផ្សាយក្នុងស្រុករាយការណ៍ថា មនុស្សរាប់ពាន់នាក់បានភៀសខ្លួនចេញពីតំបន់ឧស្សាហកម្ម ពាណិជ្ជកម្មដ៏ធំរបស់មីយ៉ាន់ម៉ា នៅថ្ងៃ អង្គារ៍ នេះក៏ព្រោះថាមានការភ័យខ្លាច នៃការបង្ហូរឈាមកាន់តែច្រើនឡើងៗ បន្ទាប់ពីមនុស្សរាប់សិបនាក់ត្រូវបានសម្លាប់…
ប្រទេសមីយ៉ាន់ម៉ា ៖ ប្រព័ន្ធផ្សព្វផ្សាយក្នុងស្រុករាយការណ៍ថា មនុស្សរាប់ពាន់នាក់បានភៀសខ្លួនចេញពីតំបន់ឧស្សាហកម្ម ពាណិជ្ជកម្មដ៏ធំរបស់មីយ៉ាន់ម៉ា នៅថ្ងៃ អង្គារ៍ នេះក៏ព្រោះថាមានការភ័យខ្លាច នៃការបង្ហូរឈាមកាន់តែច្រើនឡើងៗ បន្ទាប់ពីមនុស្សរាប់សិបនាក់ត្រូវបានសម្លាប់ ក្នុងបាតុកម្មប្រឆាំងរដ្ឋប្រហារ ដែលរបបយោធានេះ បានប្រកាសច្បាប់អាជ្ញាសឹក។
កម្លាំងសន្តិសុខបានដាក់ពង្រាយ នៅតំបន់ឧស្សាហកម្ម Hlaing Tharyar ដែលជាតំបន់ពាណិជ្ជកម្មដ៏ធំ នៅក្នុងទីក្រុងយ៉ាំងហ្គោន ដែលជាកន្លែងបាញ់សម្លាប់ហ្វូងបាតុករ ប្រមាណជាជាង ៤០ នាក់ត្រូវាបានស្លាប់កាលពីថ្ងៃអាទិត្យកន្លងទៅ និងមានរោងចក្រ ៣ ទៅ ៤ ត្រូវបានដុតបំផ្លាញ។
ហើយបន្ទាប់ពីមានការឆាបឆេះ និងមានហិង្សាកើតឡើង ប្រព័ន្ធអ៉ីនធើណេត តាមទូរស័ព្ទចល័ត ត្រូវបានបិទទូទាំងប្រទេស ដោយមានមនុស្សតិចតួចណាស់អាចប្រើបាន និងអ្នកក៏ព្យាយាមប្រើបណ្តាញភ្ជាប់ផ្សេងទៀតផងដែរ ហើយវាបានធ្វើឱ្យមានការពិបាកក្នុង ការផ្ទៀងផ្ទាត់ឬទទួលបានព័ត៌មាន។
អ្នករៀបចំផ្នែកកិច្ចការងារម្នាក់ ដែលនៅតំបន់នោះ បានប្រាប់រ័យទ័រថា៖ «ទីនេះ ប្រៀបបានដូចជាតំបន់សង្គ្រាមមួយ ពួកគេកំពុងបាញ់រះទៅគ្រប់ទីកន្លែង»។ លោកបន្ថែមថា អ្នកស្រុកដែលនៅជាយក្រុងនឹង បានព្យាយាមប្រយុទ្ធតបតដើម្បីបានចេញទៅក្រៅ។
ប្រជាជនជាច្រើននៅជាយក្រុងដែលក្រីក្រ នៃតំបន់ឧស្សាហកម្ម Hlaing Tharyar មួយដែលជាកន្លែងរស់នៅរបស់អ្នកចំណាកស្រុក និងកម្មកររោងចក្រ បានភៀសខ្លួន កាលពីថ្ងៃ អង្គារិ៍ ដោយបានប្រមូលរបស់របររបស់ខ្លួន ហើយដឹកតាមម៉ូតូ និងរ៉ឺម៉កម៉ូតូ ដើម្បីចេញពីតំបន់នោះ បន្ទាប់ពីកងទ័ពឬក្រុមសន្តិសុខ បានដាក់ច្បាប់អាជ្ញាសឹក នៅក្នុងសង្កាត់ចំនួន ៥ នៅក្នុងទីក្រុងយ៉ាំងហ្គោន ដែលតំបន់ទាំងនេះមានអំពើហិង្សាកាលចុងសប្តាហ៍នេះ។ នេះបើយោងតាមកាសែត Frontier Myanmar ត្រូវបានរាយការណ៍។
វេជ្ជបណ្ឌិតពីរនាក់បានប្រាប់រ័យទ័រថា ឥឡូវកំពុងមានមនុស្សរងរបួសជាច្រើន ដែលត្រូវការការយកចិត្តទុកដាក់ផ្នែកវេជ្ជសាស្ត្រ នៅក្នុងតំបន់នេះ ប៉ុន្តែកងទ័ពឬក្រុមសន្តិសុខ បានបិទច្រកចូលចេញ អស់ហើយ។
ក្នុងចំណោមវេជ្ជបណ្ឌិតពីរនាក់ ម្នាក់បានបន្តថា ៖ «របបយោធាកំពុងបិទ គ្រប់មធ្យោបាយទាំងក្នុងនិងក្រៅ»។
លោក Matthew Smith ប្រធានក្រុមសិទ្ធិមនុស្ស Fortify Rights បាននិយាយនៅលើបណ្តាញសង្គម Twitter ថា៖ «យើងត្រូវបានគេប្រាប់ថា ប្រហែលជាមានមនុស្សរាប់សិបនាក់ទៀត ត្រូវបានស្លាប់នៅក្នុងទីក្រុង Hlaing TharYar ថ្ងៃនេះ។ រថយន្តសង្គ្រោះបន្ទាន់មិនអាចចូល ទៅកាន់តំបន់នោះបានទេ ដោយសារការបិទផ្លូវរបស់ពួកយោធា»។
សរុបមកដល់ឥឡូវនេះ ក្រុមបាតុករជាង ១៨០ នាក់ ត្រូវបានសម្លាប់ នៅពេលដែលកងកំលាំងសន្តិសុខព្យាយាម បង្ក្រាបក្រុមប្រឆាំងនឹងឧត្តមសេនីយ៍នោះ ដែលបានបណ្តេញលោកស្រី អ៊ុងសាន ស៊ូជី និងគណៈរដ្ឋមន្ត្រីរបស់លោកស្រី នៅក្នុងរដ្ឋប្រហារយោធាមួយ កាលពីថ្ងៃទី ១ ខែ កុម្ភៈ៕
ចែករំលែកព័តមាននេះ