ព្រះបរមសាស្តាត្រាស់ថា រក្សាខ្លួនចៀសចេញឱ្យឆ្ងាយចាកទីដែលមានទុក្ខ ឬទីដែលសង្ស័យថានឹងមានទុក្ខ ហើយត្រូវរក្សាខ្លួនដោយការសង្រួមមិនធ្វើបាបតាមកាយ វាចា ចិត្ត ប្រព្រឹត្តកុសលធម៌ឱ្យចម្រើនឡើង ហើយរៀបចំអត្តចរិតឲ្យបានល្អប្រពៃទៅតាមមាគ៌ានៃបណ្ឌិតទាំងឡាយ ឈ្មោះថា រក្សាខ្លួន…
ព្រះបរមសាស្តាត្រាស់ថា រក្សាខ្លួនចៀសចេញឱ្យឆ្ងាយចាកទីដែលមានទុក្ខ ឬទីដែលសង្ស័យថានឹងមានទុក្ខ ហើយត្រូវរក្សាខ្លួនដោយការសង្រួមមិនធ្វើបាបតាមកាយ វាចា ចិត្ត ប្រព្រឹត្តកុសលធម៌ឱ្យចម្រើនឡើង ហើយរៀបចំអត្តចរិតឲ្យបានល្អប្រពៃទៅតាមមាគ៌ានៃបណ្ឌិតទាំងឡាយ ឈ្មោះថា រក្សាខ្លួន ។
បើតាមសាសនសុភាសិតបានពន្យល់ថា រក្សាអ្វីស្មើនឹងការរក្សាខ្លួនឱ្យល្អប្រពៃនេះមិនមានឡើយ ចុះបើសូម្បីតែខ្លួនឯងរក្សាមិនបានក្នុងគ្រាដែលកំពុងមានទុក្ខលំបាកនេះផង តើគួរនឹងរក្សាអ្វីបានទៅ ។ តាមពិតបុគ្គលណាដែលរក្សាខ្លួនឯងឲ្យផុតចាកបាបអកុសល ឱ្យផុតពីទីឋានដែលមានទុក្ខទាំងឡាយ ជននោះឈ្មោះថាជាអ្នកស្ងួនគ្រងបមបីរក្សាថែខ្លួនដោយពិត នេះហើយដែលលោកហៅថារក្សាខ្លួនដ៏ត្រឹមត្រូវ ។
ការរក្សាខ្លួនឱ្យរួចផុតអំពីសេចក្តីទុក្ខទាំងឡាយនេះមិនមែនទាល់តែគ្រហស្ថនោះទេ អ្នកបួសក៏ត្រូវរក្សាឱ្យបានដែរ ដូចជាយើងទទួលទានអាហារអញ្ចឹងដែរ មិនមែនទាល់តែគ្រហស្ថឯណា អ្នកបួសក៏អាចឆាន់អាហារបានដូចគ្នា ហេតុនេះសូមសាធុជនខំរក្សាខ្លួនឱ្យបានល្អប្រពៃចុះ សេចក្តីសុខកំពុងរង់ចាំលោកអ្នកហើយ ៕ សាន សារិន
ចែករំលែកព័តមាននេះ