រាជធានីភ្នំពេញ ៖ បុរសម្នាក់បានបោកក្បាលនឹងបង្គោលភ្លើង បណ្តាលឱ្យបាត់បង់ជីវិតភ្លាមៗនៅកន្លែង ខណៈពេលជនរងគ្រោះជិះម៉ូតូមួយគ្រឿងមកដល់ត្រង់ចំណុចផ្លូវកោងក៏ជ្រុលឡើងចិញ្ចើមផ្លូវទៅបុកនឹងបង្គោលភ្លើងមួយដើមបោកក្បាលយ៉ាងពេញទំហឹង ។ ហេតុការណ៍ខាងលើនេះបានកើតឡើងកាលពីវេលាម៉ោងប្រមាណ៣និង៥០នាទីរសៀលថ្ងៃទី១៦ ខែមិនា ឆ្នាំ២០២១ នៅចំណុចផ្លូវកោង…
រាជធានីភ្នំពេញ ៖ បុរសម្នាក់បានបោកក្បាលនឹងបង្គោលភ្លើង បណ្តាលឱ្យបាត់បង់ជីវិតភ្លាមៗនៅកន្លែង ខណៈពេលជនរងគ្រោះជិះម៉ូតូមួយគ្រឿងមកដល់ត្រង់ចំណុចផ្លូវកោងក៏ជ្រុលឡើងចិញ្ចើមផ្លូវទៅបុកនឹងបង្គោលភ្លើងមួយដើមបោកក្បាលយ៉ាងពេញទំហឹង ។
ហេតុការណ៍ខាងលើនេះបានកើតឡើងកាលពីវេលាម៉ោងប្រមាណ៣និង៥០នាទីរសៀលថ្ងៃទី១៦ ខែមិនា ឆ្នាំ២០២១ នៅចំណុចផ្លូវកោង លេខ ១៩៥៦ក្នុងភូមិទំនប់ទី១ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
បុរសរងគ្រោះត្រូវបាននគរបាលស្គាល់តាមរយៈអត្តសញ្ញាណប័ណ្ណមួយសន្លឹកដែលមានឈ្មោះទួន សុផល អាយុ២៨ឆ្នាំ មានលំនៅភូមិ បឹងធំខាងកើត ឃុំអង្គសុភើ ស្រុកកំពង់ត្រាច ខេត្តកំពត ជិះម៉ូតូមួយគ្រឿងម៉ាកហុងដា ពណ៌ខ្មៅ ពាកស្លាកលេខ ភ្នំពេញ១GD-៤៧២៨ ។
តាមប្រភពពីសាក្សីបានអោយដឹងថា នៅមុនពេលកើតហេតុ គេឃើបុរសរងគ្រោះរូបនោះជិះម៉ូតូក្នុងល្បឿនលឿន ធ្វើដំណើរតាមផ្លូវបេតុងលេខ១៩៥៦ ក្នុងទិសដៅពីកើតទៅលិច ។ នៅពេលធ្វើដំណើរមកដល់ចំណុចកើតហេតុដែលជាផ្លូវកោង ដោយសារតែល្បឿនលឿន ក៍បានជ្រុលឡើងចិញ្ចើមផ្លូវ ទៅបុកបង្គោលភ្លើងមួយដើម បណ្តាលអោយបោកក្បាលបាត់បង់ជីវិតភ្លាមៗនៅនឹងកន្លែង ។ ដោយឡែកនៅលើម៉ូតូរបស់ជនរងគ្រោះ សមត្ថកិច្ចឃើញមានសាច់គោមួយកូនថង់ ទំនងជាបុរសរូបនោះ ផឹកស្រវឹងហើយធ្វើដំណើរទៅទិញសាច់ក្លែម លុះត្រឡប់មកវិញក៏បានជួបគ្រោះថ្នាក់តែម្តង ។ បុរសរងគ្រោះរូបនោះអាចស្នាក់នៅក្បែរនោះ ។
ក្រោយពេលកើតហេតុ ស.ពជនរងគ្រោះត្រូវបាននគរបាលចាត់ចែងលើកដាក់រថយន្ត ដើម្បីរង់ចាំបងប្អូនសាច់ញាតិមកទទួលយកទៅធ្វើបុណ្យតាមប្រពៃណី ចំណែកម៉ូតូត្រូវបាននគរបាលខណ្ឌសែនសុខយកទៅរក្សាទុកបណ្តោះអាសន្ន ដើម្បីរង់ចាំអោយក្រុមគ្រួសារជនរងគ្រោះនៅពេលក្រោយទៀត ៕
ចែករំលែកព័តមាននេះ