ខេត្តសៀមរាប ៖ រឿងរ៉ាវហិង្សានៅក្នុងវត្ត«រាជបូណ៌»ខណៈវីដេអូបានបង្ហោះចែកចាយក្នុងបណ្ដាញសង្គមហ្វេសបុក ក្នុងនោះ មហាជននាំគ្នារិះគន់យ៉ាងចាស់ដៃទៅលើចៅអធិការដែលគ្មានក្តីមេត្តានោះ គឺត្រូវបានកម្លាំងសមត្ថកិច្ចចម្រុះខេត្តចុះមកអង្កេតនៅក្នុងវត្តផ្ទាល់លើហិង្សារវាងព្រះសង្ឃនិងចៅអធិការវត្តនៅវត្តរាជបូណ៌នៅថ្ងៃទី១៥ មីនា ២០២១ ។ សូមរំលឹកថា៖…
ខេត្តសៀមរាប ៖ រឿងរ៉ាវហិង្សានៅក្នុងវត្ត«រាជបូណ៌»ខណៈវីដេអូបានបង្ហោះចែកចាយក្នុងបណ្ដាញសង្គមហ្វេសបុក ក្នុងនោះ មហាជននាំគ្នារិះគន់យ៉ាងចាស់ដៃទៅលើចៅអធិការដែលគ្មានក្តីមេត្តានោះ គឺត្រូវបានកម្លាំងសមត្ថកិច្ចចម្រុះខេត្តចុះមកអង្កេតនៅក្នុងវត្តផ្ទាល់លើហិង្សារវាងព្រះសង្ឃនិងចៅអធិការវត្តនៅវត្តរាជបូណ៌នៅថ្ងៃទី១៥ មីនា ២០២១ ។ សូមរំលឹកថា៖ ចៅអធិការវត្តរាជបូណ៌ សន្យាឈប់ប្រើហិ.ង្សាលើភិក្ខុនិងសាមណេរ ចាប់ពីថ្ងៃនេះតទៅ
ទាក់ទិនករណីខាងលើ លោកវណ្ណ ប៊ុណ្ណា ប្រធានមន្ទីរធម្មការនិងសាសនាខេត្តសៀមរាបបានឱ្យដឹងដែរថា បន្ទាប់ពីមានរឿងហិង្សានៅក្នុងបរិវេណវត្តរាជបូណ៌បែបនេះ អាជ្ញាធរនិងសមត្ថកិច្ចចុះមកដល់វត្តដើម្បីសួរនាំឱ្យដឹងពីសាច់រឿងទាំងសងខាង ហើយ ក្នុងនោះអាជ្ញាធរបានធ្វើកិច្ចសន្យាជាមួយព្រះចៅអធិការវត្តថា មិនឱ្យមានករណីហិង្សាទៅលើបែបនេះតទៅទៀតនោះទេ។
បើតាមការបញ្ជាក់ពីលោកតាព្រឹទ្ធាចារ្យនៅវត្តរាជបូណ៌ម្នាក់ដែលសុំមិនបញេ្ចញឈ្មោះបានឱ្យដឹងថា ចំពោះករណីនេះតាមការសួរនាំ គឺមកពីសាមណេរទាំងនោះបានធ្វើខុសនឹងវិន័យជាច្រើនដងហើយច្បាប់ក្នុងវត្តរាជបូណ៌បានដាក់ពិន័យ ដោយឱ្យព្រះសង្ឃដែលមានកំហុសទាំងនោះវាយម្ដងម្នាក់ៗ១០០រំពាត់ អុីចឹងហើយបានជាមានអាការៈរាងធ្ងន់បន្តិច ។
លោកតាបានប្រៀបធៀបថា ជាទូទៅសត្វជើងបួនតែងតែត្រូវបានគេយកមកប្រលែងចោលនៅក្នុងវត្ត ដោយមិនទុកនៅក្នុង
ផ្ទះទេខ្លាចចង្រៃ ទើបយកមកឱ្យព្រះសង្ឃមើលថែនិងប្រៀនប្រដៅ ។ ចឹងហើយសិស្សក្នុងវត្តផ្សេងៗមួយចំនួនតូច ក៏អាចមានបញ្ហាខ្លះដែរ តែក្នុងវត្តរាជបូណ៌មានវិន័យតឹងតែងមិនអាចឱ្យសិស្សណាម្នាក់ធ្វើខុសច្បាប់ទម្លាប់បានឡើយ ទើបនៅក្នុងវត្តរាជបូណ៌មិនមានករណីក្មេងទំនើងនៅក្នុងវត្តឡើយ។
ចំណែកព្រះមហាវិមលធម្ម ពិន សែម សិរីសុវណ្ណោ ព្រះរាជាគណៈថ្នាក់ទោ គណៈមហានិកាយ ជាឧត្ដមទីប្រឹក្សាគណៈសង្ឃនាយក និងជាសមាជិកថេរ សភាព្រះពុទ្ធសាសនានៃព្រះរាជាណាចក្រកម្ពុជា និងជាព្រះគ្រូចៅអធិការវត្ដរាជបូណ៌ ក្រុង/ខេត្ដសៀមរាបបានមានសង្ឃដីកាថា តាំងពីដើមមកក្នុងវត្តរាជបូព៌តែង តែមានវិន័យតឹងតែងហើយការដាក់វិន័យតឹងតែងនេះគឺចង់ឱ្យភិក្ខុនិងសាមណេរទាំងនោះ មានភាពរីកចម្រើននិងបានយល់ដឹងពីផ្លូវព្រះធម៌បានល្អ។ដូច្នេះហើយសូមញាតិញោមពុទ្ធបរិស័ទ នានាតាមដានករណីនេះផងថា អាត្មាធ្វើត្រូវឬខុសព្រោះអាត្មាមិនមានបំណងអ្វីចង់ធ្វើ បាបលោកនោះទេគឺចង់ឱ្យលោកមានការរីកចម្រើនតែប៉ុណ្ណោះ។
សូមរំលឹកថា ករណីផ្ទុះអំពើហិង្សានៅវត្តរាជបូណ៌ក្នុងបណ្ដាញសង្គមហ្វេសបុកនេះ បានកើតឡើងកាលពីថ្ងៃទី១៤ មីនា ស្ថិតក្នុងបរិវេណវត្តរាជបូណ៌ ភូមិវត្តបូណ៌ សង្កាត់សាលាកំរើក ក្រុង/ខេត្តសៀមរាប។ ជុំវិញសាច់រឿងករណីចៅអធិការវត្ត និងជាមេគណៈខេត្តសៀមរាបនេះដែរ មហាជនខ្លះបានសម្ដែងការគាំទ្រចំពោះចំណាត់ការរបស់ព្រះចៅអធិការវត្តរាជបូណ៌ ទៅលើព្រះសង្ឃដែលមិនគោរព វិន័យ។ រីឯមហាជនខ្លះទៀតក៏បានរិះគន់យ៉ាងចាស់ដៃថា ក្នុងនាមជាព្រះសង្ឃមិនគួរធ្វើទារុណកម្មយ៉ាងព្រៃផ្សៃ ធ្ងន់ធ្ងរទៅលើនេនដូច្នេះទេ ។
ចែករំលែកព័តមាននេះ