រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ថាតំបន់មួយចំនួនរបស់កម្ពុជានឹងមានមានភ្លៀងធ្លាក់ខ្លាំង ផ្គរ រន្ទះនឹងខ្យល់កន្ត្រាក់ ក្នុងអំឡុងថ្ងៃទី១៧ ដល់២៣មីនា ឆ្នាំ២០២១ខាងមុខនេះ ។…
រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ថាតំបន់មួយចំនួនរបស់កម្ពុជានឹងមានមានភ្លៀងធ្លាក់ខ្លាំង ផ្គរ រន្ទះនឹងខ្យល់កន្ត្រាក់ ក្នុងអំឡុងថ្ងៃទី១៧ ដល់២៣មីនា ឆ្នាំ២០២១ខាងមុខនេះ ។
យោងតាមសេចក្តីប្រកាសព័ត៌មានរបស់ក្រសួងធនធានទឹក និងឧតុនិយម នៅថ្ងៃទី១៦ មីនា ឆ្នាំ២០២១ ស្តីពីស្ថានភាពធាតុអាកាស ចាប់ពីថ្ងៃទី១៧-២៣ ខែមីនា ឆ្នាំ២០២១ បានឲ្យដឹងថា ក្នុងអំឡុងមួយសប្តាហ៍នេះព្រះរាជាណាចក្រកម្ពុជានឹងទទួលឥទ្ធិពលជាបន្តបន្ទាប់ដូចជា ថ្ងៃទី១៧-១៩ ខែមីនា ឆ្នាំ២០២១ ឥទ្ធិពលនៃខ្យល់ស្ងប់វិលវល់ ( DIVERGENCE WIND) និងបណ្តូសម្ពាធទាបជាច្រើន (LOW PRESSURE CELL) ។
នៅថ្ងៃទី២០-២៣ ខែមីនា ឆ្នាំ២០២១ ភាគឦសានទទួលឥទ្ធិពលពីទ្រនុងសម្ពាធខ្ពស់ប៉ាស៊ីហ្វិក និងភាគនិរតីទទួលឥទ្ធិពលពីជ្រលងសម្ពាធទាបឥណ្ឌូនេស៊ី ។
ក្រសួងបានបន្តថា ស្ថានភាពបែបនេះនឹងធ្វើឲ្យបណ្តាខេត្តនៅតំបន់វាលទំនាបកណ្តាលមានសីតុណ្ហភាពអប្បបរមាមានពី២៥-២៨ °C និងសីតុណ្ហភាពអតិបរមា មានពី៣៥-៣៨ °C នឹងមានភ្លៀងផ្គរ រន្ទះ ពីខ្សោយទៅច្រើន ។
ចំណែកបណ្តាខេត្ត ជាប់ជួរភ្នំដងរែក និងខ្ពង់រាបឦសានវិញមានសីតុណ្ហភាពអប្បរមាពី២៥-២៨ °C និងសីតុណ្ហភាពអតិបរមា មានពី ៣៥-៣៨ °C នឹងមានភ្លៀងផ្គរ រន្ទះ ពីផ្សែងក្រូចទៅច្រើន ។ ដោយឡែកតំបន់មាត់សមុទ្រ មានសីតុណ្ហភាពអប្បបរមា មានពី ២៤-២៧ °C និងសីតុណ្ហភាពអតិបរម្យ មានពី៣២-៣៥ °cមានភ្លៀងផ្គរ រន្ទះ ពីខ្សោយទៅច្រើន ។
ជាមួយគ្នានោះដែរ ក្រសួងបានអំពាវនាវដល់ប្រជាពលរដ្ឋជ្រាបជាព័ត៌មាន និងយកចិត្តទុកដាក់ប្រុងប្រយ័ត្ន បាតុភូតខ្យល់កន្ត្រាក់ ដែលអាចកើតមាន នៅថ្ងៃទី២១-២៣ ខែមីនា ៕
ចែករំលែកព័តមាននេះ