ខេត្តបាត់ដំបង ៖ ព្រោះតែប្រើពាក្យសំដីឌឺដងដៀមដាមដាក់គ្នា តាមបណ្តាញសង្គម Tik Tok មិនអស់ចិត្ត ក៏បើកប្រយុទ្ធគ្នាលើដងផ្លូវ ស្រាប់តែសមត្ថកិច្ចបង្ក្រាបឃាត់ខ្លួនចំនួន១៥នាក់បញ្ជូនទៅតុលាការ ដោយអនុវត្តន៍តាមបទបញ្ជារបស់លោកឧត្ដមសេនីយ៍ទោ…
ខេត្តបាត់ដំបង ៖ ព្រោះតែប្រើពាក្យសំដីឌឺដងដៀមដាមដាក់គ្នា តាមបណ្តាញសង្គម Tik Tok មិនអស់ចិត្ត ក៏បើកប្រយុទ្ធគ្នាលើដងផ្លូវ ស្រាប់តែសមត្ថកិច្ចបង្ក្រាបឃាត់ខ្លួនចំនួន១៥នាក់បញ្ជូនទៅតុលាការ ដោយអនុវត្តន៍តាមបទបញ្ជារបស់លោកឧត្ដមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង កាលពីថ្ងៃទី១២ ខែមីនា ឆ្នាំ២០២១វេលាម៉ោង១០និង៣០ នាទី នៅមូលដ្ឋានស្រុកឯកភ្នំ ខេត្តបាត់ដំបង ។ នេះបើយោងតាមផេកស្នងការដ្ឋាននគរបាលខេត្តបាត់ដំបង ។
លោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋានបានដឹកនាំកម្លាំងការិយាល័យជំនាញរួមជាមួយក្រុមអន្តរាគមន៍បង្ការបង្ក្រាប សហការជាមួយកម្លាំងអធិការរដ្ឋាន នគរបាលស្រុកឯកភ្នំបង្ក្រាបករណី ធ្វើឱ្យខូចខាតដោយចេតនាមានស្ថានទម្ងន់ទោស ( កាប់ និងគប់លើម៉ូតូ)ចំនួន០១ករណី ដែលកើតឡើង កាលពីថ្ងៃទី១១ ខែមីនា ឆ្នាំ២០២១វេលាម៉ោង១៦និង២០នាទី នៅចំណុចមុខផ្ទះលក់គ្រឿងសំណង់យីហោ រុន ម៉េង ក្នុងភូមិព្រែកតាច្រែង ឃុំព្រែកនរិន្ទស្រុកឯកភ្នំ ខេត្តបាត់ដំបង តែករណីនេះមិនបណ្តាលឱ្យមានគ្រោះថ្នាក់ដល់មនុស្សឡើយ ដោយខូចខាតតែម៉ូតូចំនួន០២គ្រឿងតែប៉ុណ្ណោះ ។
ក្នុងកិច្ចប្រតិបត្តិការនេះសមត្ថកិច្ចកម្លាំងបានធ្វើការ នាំខ្លួនជនសង្ស័យចំនួន០២ ក្រុមមានគ្នាចំនួន ១៥នាក់ គឺក្រុម Boy Srer ចំនួន ០៨នាក់ នឹងក្រុម Boy Loy ចំនួន០៧ នាក់ ។
ចំពោះវត្ថុតាងដកហូតរួមមាន ៖
សូមជម្រាបជូនថា មូលហេតុដែលជនសង្ស័យចំនួនពីរក្រុមខាងលើនេះ មានទំនាស់ជាមួយគ្នា គឺមកពី ការសរសេរខមិន Comment ដៀមដាមឌឺដងដាក់គ្នាតាមរយៈបណ្ដាញសង្គម Tik tok នាពេលកន្លងមក ហើយក៏ផ្តើមទៅជាសកម្មភាពជាក់ស្តែងនៅលើសមរភូមិដងផ្លូវក្នុងមូលដ្ឋានខាងលើតែម្តង ។
បច្ចុប្បន្នការិយាល័យជំនាញកំពុងកសាងសំណុំរឿង ដើម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ៕
ចែករំលែកព័តមាននេះ