ខេត្តក្រចេះ ៖ អាជ្ញាធរក្រចេះ បានទទួលយកពលករខ្មែរ ដែលទើបវិលមកពីប្រទេសថៃ និង មានស្រុកកំណើតនៅក្នុងខេត្តនេះជាង៣០នាក់ ដើម្បីធ្វើចត្តាឡីស័កបន្ត ដោយសារការធ្វើចត្តាឡីស័កនៅតាមព្រំដែនប្រឈមនឹងបញ្ហាលំបាកមួយចំនួន ។
លោកវេជ្ជបណ្ឌិត ឈ្នាង សុវត្ថា ប្រធានមន្ទីរសុខាភិបាលក្រចេះ បានឱ្យដឹងថា មកទល់និងថ្ងៃទី១១ ខែមីនា នេះ អាជ្ញាធរក្រចេះបានទទួលពលករខ្មែរដែលទើបមកពីប្រទេសថៃចំនួន៣៧នាក់ និងបានដាក់ឱ្យធ្វើចត្តាឡីស័កនៅទីតាំងផ្សេងគ្នា ក្នុងនោះ មាននៅតាមស្រុកនិងខេត្ត ។ លោកថា ជាមួយគ្នានេះ មន្ត្រីសុខាភិបាលក៏បានយកសំណាកពួកគេទៅ ពិនិត្យរកកូវីដ-១៩ទាំងអស់គ្នាជាបន្តបន្ទាប់អស់ទៅហើយដែរ។
លោកវេជ្ជបណ្ឌិត បានឱ្យដឹងថា អាជ្ញាធរខេត្តក្រចេះបានរៀបចំទីតាំងធ្វើ ចត្តាឡីស័ក ចំនួន៥ទីតាំងផ្សេងគ្នា ក្នុងនោះក៏មាននៅតាមបណ្តាស្រុកនិងនៅខេត្ត។លោកបានបញ្ជាក់ថា ព្រឹត្តការ២០កុម្ភះ ខេត្តក្រចេះមិនមានចំនួនអ្នកឆ្លងជម្ងឺកូវីដ-19 នោះទេ។ ដោយគ្រាន់តែមានការសង្ស័យ ហើយក្រុមមន្ត្រីជំនាញក៏នាំអ្នកទាំងនោះទៅធ្វើចត្តាឡីស័កនិងយកសំណាកទៅពិនិត្យមើល។
បើតាមលោក វេជ្ជបណ្ឌិត ឈ្នាង សុវុត្ថា បានអះអាងថា អាជ្ញាធរនិងមន្ត្រីពាក់ព័ន្ធនៅក្នុងខេត្ត កំពុងតែធ្វើសកម្មភាព យ៉ាងខ្លាំងក្លាក្នុងផ្សព្វផ្សាយអប់រំដល់ប្រជាពលរដ្ឋនៅទូទាំង ខេត្ត អំពីវិធានការការពារជាពិសេសចំពោះ ពលករពីក្រៅប្រទេស ដែលត្រូវតែធ្វើចត្តាឡី ស័ក ឱ្យគ្រប់វិធានសុខាភិបាល ដើម្បីធ្វើទប់ស្កាត់កូវីដ-១៩ កុំឱ្យកើតមានឡើងនៅលើទឹកដីនៃខេត្តតំបន់ឥសាន្តប្រទេសមួយនេះ ៕
ចែករំលែកព័តមាននេះ