ប្រទេសមីយ៉ាន់ម៉ា ៖ នៅពេលលោក Tha Peng ត្រូវបានបញ្ជាឱ្យបា.ញ់.ស.ម្លា.ប់.ទៅលើហ្វូងបាតុករ ដោយកាំភ្លើងស្វ័យប្រវត្តិរបស់លោក ក្នុងគោលបំណងបំបែកហ្វូងបាតុករ នៅក្នុងទីក្រុង Khampat ដែលជាទីក្រុងមួយនាប៉ែកខាងលិច នៃប្រទេសមីយ៉ាន់ម៉ា កាលពីថ្ងៃទី ២៧ ខែ កុម្ភៈ កន្លងទៅនោះ គាត់បានបដិសេធមិនព្រមធ្វើឡើយ។
តាមការចេញផ្សាយរបស់សារព័ត៌មាន រ័យទ័រ ផ្សាយនៅព្រឹកថ្ងៃទី ១០ ខែ មីនា ឆ្នាំ ២០២១ បានដកស្រង់សំដីរបស់លោកបន្តថា ៖ «ថ្ងៃបន្ទាប់ ប៉ូលីសរបស់រដ្ឋាភិបាលម្នាក់ បានហៅខ្ញុំទៅសួរ ថាខ្ញុំនឹងធ្វើជាអ្នកបា.ញ់ឬអត់»។
លោក Tha Peng មានអាយុ ២៧ ឆ្នាំ បានបដិសេធម្តងទៀត ហើយបន្ទាប់មកគាត់បានសរសេរលិខិតលារឈប់តែម្តងពីការបង្ខិតបង្ខំនេះ។
លោក Tha Peng បានបន្តថា នៅថ្ងៃទី ១ ខែ មីនា ឆ្នាំ ២០២១ គាត់បានសម្រេចចិត្តរត់គេចចេញពីផ្ទះ និងគ្រួសាររបស់គាត់ តាមក្រោយក្រុង Khampat និងបានធ្វើដំណើរអស់រយៈពេលបីថ្ងៃ និងការរត់គេចខ្លួននេះធ្វើឡើងតែក្នុងពេលយប់នោះទេ ដើម្បីបានឆ្លងកាត់ចូលក្នុងរដ្ឋមីហ្សូរ៉ាម (Mizoram state) នៃប្រទេសឥណ្ឌា មុនគេចាប់ខ្លួនបាន។
លោក Tha Peng បានបន្តប្រាប់រ័យទ័រនៅថ្ងៃ អង្គារ៍នេះតាមរយៈអ្នកបកប្រែម្នាក់ ដូចនេះថា ៖ «ខ្ញុំមិនមានជម្រើសនោះទេ»។ តាមរយៈការធ្វើបទសម្ភាសន៍ជាមួយសារព័ត៌មានរ័យទ័រ លោកសូមសិទ្ធិមិនឱ្យបញ្ចេញអត្តសញ្ញាណលោកនោះទេ ក៏ព្រោះក្រោមហេតុផលការពារសុវត្ថិភាពផ្ទាល់ខ្លួន និងជាការពិតរ័យទ័របានឃើញនូវ អត្តសញ្ញាណរបស់លោកពិតមែន។
លោក Tha Pengថា គាត់និងអ្នកធ្វើការជាមួយគ្នា៦នាក់ទៀត បានរត់គេច នៅថ្ងៃទី ២៧ ខែ កុម្ភៈ និងមិនគោរពបទបញ្ជា ពីមន្ត្រីជាន់ខ្ពស់ម្នាក់ (លោក Tha Pengសុំមិនបញ្ចេញឈ្មោះមន្ត្រីនោះ)។ ជាមួយគ្នានេះផងដែរ រ៉យទ័រ មិនអាចមានឯករាជ្យភាព ក្នុងការបញ្ជាក់នូវបញ្ជី ឬរឿងរ៉ាវច្រើនទៀតរបស់គាត់ និងអ្នកផ្សេងទៀតឡើយ ដែលខ្លួនបានប្រមូលបាននៅជិតព្រំដែនមីយ៉ាន់ម៉ា – ឥណ្ឌានោះ។
ការរៀបរាប់របស់គាត់ គឺពិតជាដូចទៅនឹងផ្តល់ព័ត៌មាន ឱ្យទៅខាងប៉ូលីសឥណ្ឌា ដែលប្រចាំនៅរដ្ឋមីហ្សូរ៉ាម ពិតមែន បន្ទាប់មកទើប ប៉ូលីសឥណ្ឌាបានបញ្ជូនឯកសារនោះមកឱ្យសារព័ត៌មានរ័យទ័រ នៅងថ្ងៃទី ១ ខែ មីនា នេះ។
សូមជម្រាបជូនថា ឯកសារនេះត្រូវបានសរសេរដោយមន្ត្រីប៉ូលីសមីហ្សូរ៉ាម និងផ្តល់នូវជីវប្រវត្តិរបស់បុគ្គលទាំងបួននាក់នេះ និងបានធ្វើកំណត់ហេតុ អំពីមូលហេតុដែលពួកគេរត់គេចខ្លួន។ ហើយឯកសារនោះ ក៏មិនត្រូវបានបង្ហាញអត្តសញ្ញាណមនុស្សទាំងនោះ ឱ្យបានជាក់លាក់ទេ។
នៅក្នុងសេក្តីរាយការណ៍របស់ប៉ូលីសមីហ្សូរ៉ាម បានបន្តថា៖ «នៅពេលចលនារបស់ប្រជាពលរដ្ឋ មិនគោរពរដ្ឋប្បវេណី និងបានធ្វើការតវ៉ាប្រឆាំងនឹងរដ្ឋប្រហារ ខ្លាំងឡើងៗ ដែលការតវ៉ានេះមាននៅតាមកន្លែងនានា និងផ្សេងៗគ្នានោះ ពួកយើងត្រូវបានណែនាំឱ្យបា.ញ់.ស.ម្លា.ប់.អ្នកតវ៉ាទាំងនោះតែម្តង»។
ពួកគេបន្តថា នៅក្នុងសេណារីយ៉ូ បែបនេះយើងមិនមានភាពអៀនខ្មាស់ ក្នុងការបា.ញ់.ស.ម្លា.ប់.ប្រជាជនរបស់យើងដែលជាបាតុករ ទាមទាររកសន្តិភាពនោះទេ។ របបក្រុមយោធាសភានីតិបញ្ញាតិ ដែលបានធ្វើរដ្ឋប្រហារកាលពីថ្ងៃទី ១ ខែ កុម្ភៈ និងបានទម្លាក់រដ្ឋាភិបាលស្របច្បាប់ដែលគាំទ្រដោយប្រជាជន គឺមិនបានឆ្លើយតបនឹងការស្នើរសុំបំភ្លឺលើករណីនេះទេ។
របបក្រុមយោធាសភានីតិបញ្ញាតិ បាននិយាយថា ខ្លួនកំពុងធ្វើសកម្មភាព ដោយអត់ធ្មត់បំផុត ក្នុងការដោះស្រាយ បញ្ហា ជាមួយក្រុមបាតុកម្ម ដែលរបបក្រុមយោធានេះបានចោទប្រកាន់លើក្រុមបាតុករ ថាបានវាយប្រហារលើប៉ូលីស និងធ្វើឱ្យប៉ះពាល់ ដល់សន្តិសុខនិងស្ថេរភាពជាតិទៀតផង។
លោក Tha Peng គឺជាករណីដំបូងបង្អស់ ដែលត្រូវបានរាយការណ៍ ដោយប្រព័ន្ធផ្សព្វផ្សាយប៉ូលីស ដែលភៀសខ្លួន ចេញពីប្រទេសមីយ៉ាន់ម៉ា បន្ទាប់ពីមិនគោរពបទបញ្ជា ពីកងកំលាំងសន្តិសុខរបស់យោធានេះ។
ការតវ៉ា ត្រូវបានធ្វើឡើងរាល់ថ្ងៃទូទាំងប្រទេស ដើម្បីប្រឆាំងនឹងរដ្ឋប្រហាររបស់ក្រុមរបបយោធា ដែលបានបន្តរហូតមកដល់ពេលនេះ ហើយកម្លាំងសន្តិសុខនៃយោធាក៏បានធ្វើការបង្ក្រាប និងបាន.ស.ម្លា.ប់.បាតុករជាង ៦០ នាក់ និងជាង ១.៨០០ នាក់ត្រូវបានចាប់ខ្លួន។
គួរបញ្ជាក់ផងដែរថា ក្នុងចំណោមអ្នកត្រូវបានចាប់ខ្លួន ក្នុងនោះគឺមានលោកស្រី អ៊ុង សាងស៊ូជី ដែលជាមេដឹកនាំបក្សប្រជាជនដើម្បីប្រជាធិបតេយ្យផងដែរ៕
ចែករំលែកព័តមាននេះ