រាជធានីភ្នំពេញ ៖ បងប្អូនដែលបានពាក់ព័ន្ធពីថ្ងៃទី ៥.៦ ខែមីនាឆ្នាំ២០២១ នៅចំណុចទីតាំងកាហ្វេ The Corner Cafe’ ផ្លូវសង្កាត់សូមអញ្ជើញទៅពិនិត្យសំណាកជាបន្ទាន់ បន្ទាប់ពីរកឃើញថាមានអ្នកកើតកូវីដ-១៩ ធ្លាប់ចូលទៅហាងកាហ្វេមួយនេះ ។ នេះបើយោងតាមសាលាសង្កាត់ស្ទឹងមានជ័យ ប្រកាសនៅរសៀលថ្ងៃទី ៩ ខែមីនា ។

ប្រភពដដែលបានបន្តថា​នៅ ថ្ងៃ អង្គារ ទី០៩ ខែមិនា ២០២១ នៅម៉ោង១៣:៥០នាទី ក្រុមគ្រូពេទ្យស្ម័គ្រចិត្តសម្ដេតេជោ នៃនាយកដ្ឋានជំងឺឆ្លងក្រសួងសុខាភិបាល បានចុះមកពិនិត្យនិងយកសំណាកជាលើកទី១ ដល់ប្រជាពលរដ្ឋ មានការប៉ះពាល់មកហូបកាហ្វេ ស្ថិតនៅទីតាំងកាហ្វេ The Corner Cafe’ ផ្លូវចូលសង្កាត់ស្ទឹងមានជ័យទី១ ជាលទ្ធផល : ពិនិត្យ និងយកសំណាកបានចំនួន ១៧ នាក់ ស្រី ៤ នាក់ក្រោយពីបានពិនិត្យនិងយកសំណាករួចសប់គ្រប់ក្រុមគ្រូពេទ្យបានសម្រេច ឲ្យពួកគាត់ធ្វើចត្តាឡីស័កនៅតាមផ្ទះរៀងៗខ្លួន និង អ្នកដែលមិនទាន់បានពិនិត្យនិងយកសំណាក អញ្ជើញទៅពិនិត្យបន្ទាន់ នៅ មណ្ឌលសុខភាព ។

សូមរម្លឹកថា គិតត្រឹមព្រឹកម៉ោង​ ៨:៣០ព្រឹក​ ថ្ងៃទី​៩​ មិនា​ ២០២១​ កម្ពុជាបានរកឃេីញជំងឺកូវីដ-១៩​ ចំនួន​ ៤៩នាក់​ ក្នុងនោះ​ ឆ្លងសហគមន៌​ ៤៨នាក់​ និងករណីនាំចូល​ ១នាក់​ (ភ្នំពេញ​ ២៤នាក់​ ខេត្តព្រះសីហនុ​ ១២នាក់​ ខេត្តព្រៃវែង​ ១១នាក់​ និងខេត្តកណ្តាល​ ២នាក់)​ និងជាសះស្បេីយ​ ២១នាក់ ដូច្នេះចំនួនសរុបកេីន​ ១០៦០នាក់​ និហជាសះស្បេីយសរុបចំនួ​ន​ ៥៣៨នាក់ ៕