Beckham ចង់បាន Messi និង Ronaldo ចាប់ដៃគូគ្នានៅក្លិបថ្មីខ្លួន
សហរដ្ឋអាមេរិក ៖ លោក David Beckham បានបង្ហើបឱ្យដឹងថាកំពូលកីឡាករទាំង២គឺ Lionel Messi និង Cristiano…
សហរដ្ឋអាមេរិក ៖ លោក David Beckham បានបង្ហើបឱ្យដឹងថាកំពូលកីឡាករទាំង២គឺ Lionel Messi និង Cristiano…
សហរដ្ឋអាមេរិក ៖ លោក David Beckham បានបង្ហើបឱ្យដឹងថាកំពូលកីឡាករទាំង២គឺ Lionel Messi និង Cristiano Ronaldo ស្ថិតក្នុងបញ្ជីទិញចូលរបស់ក្លិប Inter Miami នៃលីគកំពូលសហរដ្ឋអាមេរិក (MLS)។
អតីតប្រធានក្រុមជម្រើសជាតិអង់គ្លេសវ័យ៤៥ឆ្នាំ ដែលជាសហម្ចាស់ក្លិប Inter Miami កំពុងស្វះស្វែងរកកីឡាករល្អៗត្រៀមសម្រាប់រដូវកាលថ្មី ដែលជារដូវកាលទី២ របស់ក្លិបដែលទើបតែបង្កើតឡើងកាលពីឆ្នាំ២០១៨ មួយនេះ។
Inter Miami ទើបតែសម្រេចការចុះលេខាលើខ្សែបម្រើ Blaise Matuidi និងខ្សែប្រយុទ្ធ Gonzalo Higuain។ ប៉ុន្តែសម្រាប់ Beckham វាមិនទាន់គ្រប់គ្រាន់នៅឡើយទេ ដោយរូបគេចង់បានកីឡាករជាច្រើនផ្សេងទៀតមកពង្រឹងក្រុម។ ហើយជាមួយនោះ Messi និង Ronaldo ក៏ស្ថិតក្នុងបញ្ជីនេះផងដែរ។
ថ្លែងក្នុងកម្មវិធីមួយមុនបើករដូវកាលថ្មី ចាប់ផ្តើមនៅថ្ងៃទី១៧ ខែមេសា Beckham បានឱ្យដឹងជុំវិញការចោទសួរពីចំណាប់អារម្មណ៍លើ Messi និង Ronaldo ថា «ដោយគ្មានការសង្ស័យអ្នកទាំង២ គឺជាប្រភេទកីឡាករដែលយើងបាន។ ហើយខ្ញុំគិតថា អ្នកគាំទ្រពិតជាកោតសរសើរចំពោះរឿងនេះ។ ប៉ុន្តែក្នុងនាមជាម្ចាស់ក្លិប យើងចង់បានកីឡាករមកទីនេះ ដែលពេញចិត្តលេង និងស្រេកឃ្លានជ័យជម្នះ ហើយនោះគឺជាអាទិភាពរបស់យើង»៕ (ដកស្រង់ចេញពី Goal)
ចែករំលែកព័តមាននេះ