ខេត្តបន្ទាយមានជ័យ ៖ កាំភ្លើងត្បាល់២ដើមប្រភេទធុន១២២មីល្លីម៉ែត្រត្រូវបានជួសជុលកែច្នៃដាក់តាំងលម្អនៅខ្លោងទ្វារចូលទី បញ្ជាការតំបន់ប្រតិបត្តិការសឹករងខេត្ត គួរឲ្យទាក់អារម្មណ៍ពីអ្នកដំណើរដែលឆ្លងកាត់ទីនេះគួរជាទីគយគន់ ។
ខេត្តបន្ទាយមានជ័យ ៖ កាំភ្លើងត្បាល់២ដើមប្រភេទធុន១២២មីល្លីម៉ែត្រត្រូវបានជួសជុលកែច្នៃដាក់តាំងលម្អនៅខ្លោងទ្វារចូលទី បញ្ជាការតំបន់ប្រតិបត្តិការសឹករងខេត្ត គួរឲ្យទាក់អារម្មណ៍ពីអ្នកដំណើរដែលឆ្លងកាត់ទីនេះគួរជាទីគយគន់ ។
លោកឧត្តមសេនីយ៍ត្រី ភ្លន់ តារ៉ា មេបញ្ជាការតំបន់ប្រតិបត្តិការសឹករងខេត្ត បានថ្លែងថា មូលហេតុដែលយកកាំភ្លើងប្រភេទត្បាល់ចំនួន២ដើមមកដាក់តាំងលម្អនៅផ្លូវចូលទីបញ្ជាការតំបន់ប្រតិបត្តិការសឹករងនេះ ព្រោះកាំភ្លើងនេះផលិតនៅប្រទេសរុស្ស៊ី ជាប្រភេទកាំភ្លើងត្បាល់ធុន១២២មីល្លីម៉ែត្រដែលខូចទុកចោលជាច្រើនឆ្នាំមកហើយក្នុងបន្ទាយនេះ និងជាកាំភ្លើងធុនធ្ងន់អាចកែច្នៃដាក់តាំងលម្អបាន ។
លោកបានបន្តថា ក្រោយពេលឯកភាពគ្នាក្នុងអង្គភាពរួចមក លោកក៏បានសម្រេចយកកាំភ្លើងនោះលាបពណ៌កែច្នៃឱ្យស្អាត ហើយយកមកដាក់តាំងនៅសងខាងខ្លោងទ្វារផ្លូវចូលទីបញ្ជាការតំបន់ប្រតិបត្តិការសឹងរង ដើម្បីជាការលម្អ និងងាយស្រួលដល់អ្នកឆ្លង កាត់ឱ្យបានដឹងថា នេះជាទីបញ្ជាការយោធា ។ កាំភ្លើងត្បាល់នេះបានដាក់លម្អកាលពីដើមខែមីនា ឆ្នាំ២០១៥ ។ ទីបញ្ជាការនេះមានទីតាំងនៅជាប់ផ្លូវជាតិលេខ៥ ក្នុងខេត្តបន្ទាយមានជ័យ ហើយភ្ញៀវជាតិ-អន្តរជាតិឆ្លងកាត់តែងបានស្គាល់គ្រប់គ្នា ។
អ្នកដំណើរបានប្រាប់ថា នៅពេលពួកគាត់ធ្វើដំណើរឆ្លងកាត់ខេត្តបន្ទាយមានជ័យតាមផ្លូវជាតិលេខ៥ តែងបានឃើញការដាក់តាំងកាំភ្លើងត្បាល់២ដើមនៅមុខខ្លោងទ្វារផ្លូវចូលទៅទីបញ្ជាការយោធា ។ គួរឲ្យកោតសរសើរដល់កងកម្លាំងដែលបានមានគំនិតច្នៃ ប្រឌិតយកអាវុធដែលប្រើការលែងកើតទៅហើយមកកែច្នៃជាការលម្អឲ្យជាប្រយោន៍បែបនេះ ៕
ចែករំលែកព័តមាននេះ