បន្ទាយមានជ័យ ៖ ឃាត់ខ្លួនមេខ្យល់ម្នាក់ដែលនាំពលករប្រុស-ស្រី៦នាក់កំពុងឆ្លងដែនចូលទៅប្រទេសថៃ ត្រូវបានកម្លាំងចេញល្បាតចាប់បាននៅវេលាម៉ោង៥និង១០នាទី ថ្ងៃទី០៣ ខែមីនា ឆ្នាំ២០២១ តាមបន្ទាត់ព្រំដែនប្រមាណ៨០០ម៉ែត្រ ពីភូមិខ្វាវ ឃុំ/ស្រុកស្វាយចេក…
បន្ទាយមានជ័យ ៖ ឃាត់ខ្លួនមេខ្យល់ម្នាក់ដែលនាំពលករប្រុស-ស្រី៦នាក់កំពុងឆ្លងដែនចូលទៅប្រទេសថៃ ត្រូវបានកម្លាំងចេញល្បាតចាប់បាននៅវេលាម៉ោង៥និង១០នាទី ថ្ងៃទី០៣ ខែមីនា ឆ្នាំ២០២១ តាមបន្ទាត់ព្រំដែនប្រមាណ៨០០ម៉ែត្រ ពីភូមិខ្វាវ ឃុំ/ស្រុកស្វាយចេក ។
លោកវរៈសេនីយ៍ឯក ជា ឈ្លូញ អធិការនគរបាលស្រុកស្វាយចេកបានប្រាប់ថា ជាការណែនាំពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ដើម្បីពង្រឹងការទប់ស្កាត់ពលករចំណាក់ស្រុកដោយខុសច្បាប់ ដែលកំពុងគេចវេសធ្វើចត្តាឡីស័កបង្ការទប់ស្កាត់កូវីដ១៩ មិនអោយឆ្លងរីករាលដាលកូវីដ១៩ ក្នុងសហគមន៍ ។
លោកបានបញ្ជាក់ថា ៖ កម្លាំងនគរបាលមូលដ្ឋានបានសហការជាមួយកម្លាំងនគរបាលការពារព្រំដែនគោកបានចេញល្បាតតាមបន្ទាត់ព្រំដែនបានប្រទះឃើញប្រជាពលរដ្ឋចំនួន៦នាក់ ស្រី៣នាក់ មានសាក់កាដូដាក់សំលៀកបំពាក់កំពុងជិះគោយន្តកន្ត្រៃ១គ្រឿង ឆ្លងកាត់ព្រៃឆ្លងដែនចូលប្រទេសថៃត្រូវបានឃាត់ខ្លួន និងមេខ្យល់ម្នាក់ ។
លោកវរៈសេនីយ៍ឯក ជា ឈ្លូញ បានបញ្ជាក់ថា ក្រោយពេលឃាត់ខ្លួនពលករខ្មែរលួចឆ្លងដែនទៅរកការងារធ្វើនៅប្រទេសថៃ ដោយខុសច្បាប់តាមរយៈពេលខ្យល់បានបញ្ជូនអធិការដ្ឋាននគរបាលស្រុកស្វាយចេក ដើម្បីសាកសួរហើយបញ្ជូនពលករខ្មែរ៦នាក់ ទៅធ្វើចត្តាឡីស័ក រយៈពេល១៤ថ្ងៃ ដោយឡែកមេខ្យល់ម្នាក់ឈ្មោះ ទឿង សុភាន់ ភេទប្រុស អាយុ២៨ឆ្នាំ រស់នៅភូមិចំការគរ ឃុំ/ស្រុកស្វាយចេក ដែលចោទប្រកាន់ពីបទនាំមនុស្សឆ្លងដែនដោយខុសច្បាប់ ត្រូវបញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការតាមច្បាប់ ៕
ចែករំលែកព័តមាននេះ