ចក្រភពអង់គ្លេស ៖ រដ្ឋាភិបាលចក្រភពអង់គ្លេស កាលពីថ្ងៃទី៣ ខែមីនា ឆ្នាំ២០២១ កន្លងទៅថ្មីៗនេះ បានប្រកាសទម្លាក់កញ្ចប់ថវិកាជាតិចំនួន៣០០លានផោន (ប្រមាណជាង៤០០លានដុល្លារអាមេរិក) ដើម្បីស្តារវិស័យកីឡាឡើងវិញ…
ចក្រភពអង់គ្លេស ៖ រដ្ឋាភិបាលចក្រភពអង់គ្លេស កាលពីថ្ងៃទី៣ ខែមីនា ឆ្នាំ២០២១ កន្លងទៅថ្មីៗនេះ បានប្រកាសទម្លាក់កញ្ចប់ថវិកាជាតិចំនួន៣០០លានផោន (ប្រមាណជាង៤០០លានដុល្លារអាមេរិក) ដើម្បីស្តារវិស័យកីឡាឡើងវិញ ហើយវាក៏ជាផ្នែកមួយនៃផែនការដោះស្រាយវិបត្តិសេដ្ឋកិច្ច ដែលរងផលប៉ះពាល់ដោយសារការឆ្លងរាតត្បាតនៃវីរុសកូវីដ១៩។
រដ្ឋមន្ត្រីក្រសួងហិរញ្ញវត្ថុ លោក Rishi Sunak បានថ្លែងនៅក្នុងសុន្ទរកថវិកាប្រចាំឆ្នាំថា ទឹកប្រាក់ចំនួន៣០០លានផោន នឹងត្រូវផ្តល់ជូនដើម្បីគាំទ្រក្លិប និងស្ថាប័នគ្រប់គ្រងលើវិស័យកីឡាជាច្រើននៅក្នុងប្រទេស។
ការស្តារឡើងវិញនៃវិស័យកីឡា គឺជាផែនការដ៏សំខាន់មួយរបស់លោកនាយករដ្ឋមន្ត្រី Boris Johnson។ ខណៈដែលលោកទើបតែបានអះអាងកាលពីថ្មីៗនេះថា រដ្ឋាភិបាលនឹងគាំទ្រយ៉ាងពេញទំហឹងសម្រាប់ការដេញថ្លៃរួមគ្នារបស់ចក្រភពអង់គ្លេស និងប្រទេសអៀរឡង់ ដើម្បីទទួលសិទ្ធិធ្វើជាម្ចាស់ផ្ទះរៀបចំព្រឹត្តិការណ៍ World Cup ឆ្នាំ២០៣០ ខាងមុខ៕ (ដកស្រង់ចេញពី Reuters)
ចែករំលែកព័តមាននេះ