បើនិយាយពីសេចក្តីស្រឡាញ់ គប្បីស្រឡាញ់ដោយចិត្តមេត្តា យកចិត្តទុកដាក់ចំពោះគ្នានិងគ្នា ថែរក្សាគ្នា ស្រឡាញ់គ្នាទៅវិញទៅមកដោយស្មោះត្រង់ លះបង់ដើម្បីគ្នាដោយបញ្ញា និងស្របតាមកាលវេលាត្រឹមត្រូវជាតម្រូវការចាំបាច់បំផុតក្នុងការរស់នៅជួបជុំគ្នា ។
បើនិយាយពីជីវិតការងារវិញ ការមិនចាំចាប់កំហុសគ្នា មិនមើលងាយគ្នា មិនច្រឡោតខឹងចំពោះគ្នាដោយប្រាសចាកហេតុផល ព្យាយាមធ្វើកិច្ចការនានាដើម្បីឱ្យម្នាក់ៗយល់ចិត្តគ្នាទៅវិញទៅមក ចេះជួយគ្នាតាមការគួរ មិនកេងចំណេញលើភាគីណាមួយ មិនលះបង់គ្នាចោលក្នុងគ្រាមានវិបត្តិ ឬមិនមានហេតុផលត្រឹមត្រូវ ឬថាដោយការស្តាប់ពាក្យញុះញង់ពីមនុស្សមិនល្អណាមួយ ចេះប្រុងប្រយ័ត្ននៅក្នុងជីវិតការងារប្រចាំថ្ងៃជាដើម ជាមូលហេតុចម្បងដែលនាំឱ្យជីវិតការងាររីកចម្រើន និងស្ថិតស្ថេរយូរអង្វែង ។
សូមធ្វើតែអំពើល្អ ស្មោះសនឹងសុចរិតធម៌ ជីវិតបវរទាំងក្នុងបច្ចុប្បន្នរហូតដល់អនាគតជាតិ ៕ សាន សារិន
ចែករំលែកព័តមាននេះ