សង្គ្រាមអ៉ីរ៉ង់ ៖ សង្គ្រាមនៅមជ្ឈឹមបូព៌ាមកដល់ថ្ងៃទី១៥ មីនា នេះ បានឈានចូលដល់ថ្ងៃទី១៥ហើយ។ អាមេរិក និងអ៉ីស្រាអែល បានវាយប្រហារខ្លាំងក្លាបំផុតលើអ៉ីរ៉ង់ ហើយខាងអ៉ីរ៉ង់វីញមិនព្រមចុះចាញ់…
សង្គ្រាមអ៉ីរ៉ង់ ៖ សង្គ្រាមនៅមជ្ឈឹមបូព៌ាមកដល់ថ្ងៃទី១៥ មីនា នេះ បានឈានចូលដល់ថ្ងៃទី១៥ហើយ។ អាមេរិក និងអ៉ីស្រាអែល បានវាយប្រហារខ្លាំងក្លាបំផុតលើអ៉ីរ៉ង់ ហើយខាងអ៉ីរ៉ង់វីញមិនព្រមចុះចាញ់ បានតតាំងវិញដោយវាយប្រហារចាស់ដៃលើអ៉ីស្រាអែល និងបណ្ដាប្រទេសជាប់ជិតខាងខ្លួននៅតំបន់ឈូងសមុទ្រ និងបិទខ្ទប់ច្រកហ័រមូសជាច្រកដឹកប្រេងឆ្លងកាត់សំខាន់ នាំឲ្យមានវិបត្តិប្រេងនិងឧស្ម័នឡើងថ្លែខ្ព្ស់ប៉ះពាល់ដល់សេដ្ឋកិច្ចរបស់ពិភពលោកទាំងមួល។
ប្រទេសអេមីរ៉ាត់អារ៉ាប់រួមមានសិទិ្ធការពារខ្លួន ប្រឆាំងការវាយប្រហាររបស់អ៉ីរ៉ង់ តែនៅបន្តជ្រើសរើសយកការអត់ធ្មត់។ នេះជាការអះអាងរបស់ទីប្រឹក្សាប្រធានាធិបតីអេមីរ៉ាត់អារ៉ាប់រួមលោកអានវ៉ាហ្គាហ្គាសតាមបណ្ដាញសង្គមX ។ លោកបន្តថា អេមីរ៉ាត់អារ៉ាប់រួម បានធ្វើការខិតខំប្រឹងប្រែងនានា ដោយស្មោះស្ម័គ្ររហូតដល់នាទីចុងក្រោយ ធ្វើជាអាជ្ញាកណ្ដាលរវាងអាមេរិក និងអ៉ីរ៉ង់ដើម្បីចៀសវាងសង្គ្រាម។
អ៉ីរ៉ង់បានព្រមានថា ខ្លួនចាត់ទុកបណ្ដាកំពង់ផែរបស់ប្រទេសនោះ ជាគោលដៅវាយប្រហារសមស្រប ដោយចាត់ទុកម្យ៉ាងទៀតថា ជាការនិយាយកុហកពីការទ្រទ្រង់ ក្នុងការតស៊ូប្រឆាំងដ្រូនសន្យាដោយអ៊ុយក្រែន ចំពោះបណ្ដាប្រទេសសម្ព័ន្ធមិត្តអាមេរិកនៅតំបន់ឈូងសមុទ្រ។ ស្នូរផ្ទុះខ្លាំងៗលាន់ឮនាយប់ថ្ងៃទី១៤ មក១៥ មីនា នៅរដ្ឋធានីម៉ាណាម៉ា។
ព្រលានយន្តហោះអន្តរជាតិរបស់គុយវ៉ែត ជាគោលដៅវាយប្រហារដោយបណ្ដាដ្រូនអ៉ីរ៉ង់ នាយប់ថ្ងៃទី១៤ មីនា ដោយបំផ្លាញប្រព័ន្ធរ៉ាដា ត្រួតពិនិត្យអាកាស។ ចំណែកដ្រូន២គ្រឿង វាយប្រហារមូលដ្ឋានអាកាសចរណ៍ ស្ថិតនៅក្បែរមូលដ្ឋានយោធាអាមេរិកសំខាន់មួយនៅគុយវ៉ែត។ ចំណែកប្រធានាធិបតីអាមេរិលោកដូណាល់ត្រាំវិញ ស្នើដល់បណ្ដាប្រទេសដែលចំណុះលើប្រេងដឹកឆ្លងកាត់ច្រកសមុទ្រហ័រមូស ដែលរាំងខ្ទប់ដោយអ៉ីរ៉ង់ ឲ្យជួយធានាសន្តិសុខដោយរួមសហការជាមួយអាមេរិក ។
លោកត្រាំតាមបណ្ដាញសង្គមTRUTH SOCIAL របស់លោកសរសេរថា សហរដ្ឋអាមេរិកបានឈ្នះនិងកម្ទេចអ៉ីរ៉ង់ទាំងស្រុង ទាំងខាងផ្នែកយោធាទាំងផ្នែកសេដ្ឋកិច្ច តែបណ្ដាប្រទេសលើពិភពលោកដែលពឹងលើប្រេងដឹកឆ្លងការច្រកសមុទ្រហ៍រមូស ត្រូវការពារសន្តិសុខតាមផ្លូវនោះហើយយើងនឹងជួយពួកគេ។
ចំណែកប្រទេសលីបង់វិញត្រៀមខ្លួនចរចាជាមួយអ៉ីស្រាអែល។ លីបង់បានបង្កើតគណៈប្រតិភូមួយ សម្រាប់ចរចាជាមួយអ៉ីស្រាអែលសំដៅបញ្ចប់សង្គ្រាម។ នេះជាការគូសបញ្ជាក់របស់ប្រភពផ្លូវការមួយតែនៅមិនទាន់កំណត់កាលបរិច្ឆេទ និងទីកន្លែងនៃការចរចានោះនៅឡើយ។ រីឯអ៉ីរ៉ង់វិញបានអំពាវនាវដល់បណ្ដាប្រទេសជិតខាងឲ្យ បណ្ដេញកងទាហានអាមេរិកចេញ។ រដ្ឋមន្ត្រីការបរទេសអ៉ីរ៉ង់លោកអាប់បាស់អារ៉ាជី អំពាវនាវដល់បណ្ដាប្រទេសជិតខាងអ៉ីរ៉ង់ ឲ្យបណ្ដេញពួកឈ្លានពានបរទេសចេញ ព្រោះរបស់ដែលហៅថាឆ័ត្រការពាររបស់អាមេរិក បានត្រឹមតែបង្ក
ចលាចលប៉ុណ្ណោះ។
ស្ថានភាពសុខភាពរបស់មេដឹកនាកំពូលថ្មី អ៉ីរ៉ង់លោកម៉ូសតាបាខាមេនីដែលរងរបួសក្នុងការវាយប្រហារ ហើយមិនបានបង្ហាញខ្លួនជាសាធារណៈនៅឡើយ ច្រើនថ្ងៃក្រោយការជ្រើសតាំងលោក មិនចោទជាបញ្ហាឡើយ។ នេះជាការអះអាងរបស់រដ្ឋមន្ត្រីការបរទេសអ៉ីរ៉ង់ ។ លោកនៅតែកាន់តំណែងនេះស្របតាមរដ្ឋធម្មនុញ្ញ ហើយនឹងបន្តកាងារនោះតទៅទៀត៕
ចែករំលែកព័តមាននេះ