សង្គ្រាមអ៉ីរ៉ង់ ៖ តាំងពីចាប់ផ្ដើមសង្គ្រាមពីថ្ងៃទី២៨ កុម្ភៈ មក ប្រទេសបារ៉ែនដែលមានបណ្ដាមូលដ្ឋានយោធាអាមេរិកនិយាយថា បានស្ទាក់បំផ្លាញមីស៊ីល១២៥គ្រាប់ និងដ្រូនអ៉ីរ៉ង់២០៣គ្រឿង ហើយរៀបរាប់ពីមនុស្សស្លាប់ថ្មី២នាក់ទៀត។ ប្រទេសដទៃៗទៀតក្នុងតំបន់ឈូងសមុទ្រ…
សង្គ្រាមអ៉ីរ៉ង់ ៖ តាំងពីចាប់ផ្ដើមសង្គ្រាមពីថ្ងៃទី២៨ កុម្ភៈ មក ប្រទេសបារ៉ែនដែលមានបណ្ដាមូលដ្ឋានយោធាអាមេរិកនិយាយថា បានស្ទាក់បំផ្លាញមីស៊ីល១២៥គ្រាប់ និងដ្រូនអ៉ីរ៉ង់២០៣គ្រឿង ហើយរៀបរាប់ពីមនុស្សស្លាប់ថ្មី២នាក់ទៀត។ ប្រទេសដទៃៗទៀតក្នុងតំបន់ឈូងសមុទ្រ ក៏រងការវាយប្រហារពីសំណាក់អ៉ីរ៉ង់ដែរ បណ្ដាលឲ្យមនុស្សស្លាប់២៤នាក់ ។
អ៉ីរ៉ង់វាយប្រហារលើបណ្ដាផលប្រយោជន៍អាមេរិក ទាំងយោធាទាំងសេដ្ឋកិច្ចក្នុងតំបន់។ ក្រសួងការពារប្រទេសអារ៉ាប៊ីសាអូឌីត ក៏គូសបញ្ជាក់ផងដែរ នាថ្ងៃទី១៥ មីនា ថា បានកម្ទេចដ្រូន១០គ្រឿង នៅភាគខាងកើតប្រទេសនិងតំបន់រាជធានីរីយ៉ាត ។ ចំណែលអេមីរ៉ាត់អារ៉ាប់រួមវិញ និយាយថា បានស្ទាក់កម្ទេចបណ្ដាមីស៊ីល និងដ្រូនអ៉ីរ៉ង់ដែលហោះសំដៅប្រទេសខ្លួន។ មីស៊ីល
ថ្មីៗដែលអ៉ីរ៉ង់បាញ់លើអ៉ីស្រាអែល ក៏ត្រូវស្ទាក់កម្ទេចនាថ្ងៃទី១៥មីនា ដោយប្រព័ន្ធការពារអា
កាស។
សហរដ្ឋអាមេរិកប៉ុនប៉ងជានិច្ចស្ដារឡើងវិញ ការធ្វើចរាចរណ៍ក្នុងច្រកសមុទ្រហ័រមូស។ ច្រក
សមុទ្រនេះត្រូវបានអ៉ីរ៉ង់រាំងខ្ទប់ស្ទើរទាំងស្រុង ។ បែបនេះអ៉ីរ៉ង់ចង់ស្វែងរកបង្កអស្ថេរភាពដល់សេដ្ឋកិច្ចពិភពលោក និងធ្វើឲ្យតម្លៃប្រេងឡើងខ្ពស់បំផុត។ អ៉ីរ៉ង់សន្យាវាយប្រហារខ្លាំងក្លាថែមទៀតនាសប្ដាហ៍ខាងមុខ ដោយប្រធានាធិបតីអាមេរិកលោកដូណាល់ត្រាំ នៅតែលើកឡើងជាថ្មីថា អាមេរិកជាអ្នកឈ្នះ និងកម្ទេចអ៉ីរ៉ង់ទាំងស្រុងហើយទាំងសេដ្ឋកិច្ចទាំងយោធា។ ប៉ុន្ដែលោកក៏ទទូចផងដែរ នាថ្ងៃទី១៤ មីនា ដល់ប្រទេសដទៃៗទៀត ដូចជាចិន បារាំង ជប៉ុន កូរ៉េខាងត្បូង អង់គ្លេសបញ្ជូនបណ្ដានាវាយោធា មកកាន់ច្រកសមុទ្រហ័រមូសលើកលែងតែអាមេរិក ដើម្បីជួយអមការពារបណ្ដានាវាដឹកប្រេងតាមផ្លូវ ។
បន្ទាប់ពីការវាយប្រហារលើបណ្ដាហេដ្ឋារចនាសម្ព័ន្ធយោធាអ៉ីរ៉ង់ លោកត្រាំក៏គំរាមវាយប្រហារលើបណ្ដាហេដ្ឋារចនាសម្ព័ន្ធប្រេងអ៉ីរ៉ង់លើកោះKHARG ក្នុងឈូងសមុទ្រពែរ្ស៍ ដែលមានទីតាំងនាំប្រេងចេញសំខាន់របស់ប្រទេសនោះ។ ការគំរាមនោះត្រូវបានអ៉ីរ៉ង់គំរាមតបវិញភ្លាមៗ ដោយសន្យាប្រែក្លាយទៅជាផេះបណ្ដាហេដ្ឋរចនាសម្ព័ន្ធប្រេងទាក់ទិននឹងអាមេរិកក្នុងតំបន់។ រដ្ឋមន្ត្រីការបរទេសអ៉ីរ៉ង់និយាយថា នឹងវាយប្រហារបណ្ដាសហគ្រាសអាមេរិកនៅមជ្ឈឹមបូព៌ា ប្រសិនបើបណ្ដាហេដ្ឋរចនាសម្ព័ន្ថប្រេងរបស់ខ្លួនរងការវាយប្រហារ។
សង្គ្រាមនៅមជ្ឈឹមបូព៌ា បណ្ដាលឲ្យមនុស្សស្លាប់ជាង២០០០នាកហើយភាគច្រើននៅអ៉ីរ៉ង់ និងនៅលីបង់។ ទាំងអាមេរិកក៏ដូចជាអ៉ីស្រាអែដែរនិយាយថា រដ្ឋអំណាចអ៉ីរ៉ង់ពេលនេះចុះខ្សាយខ្លាំងហើយ។ ប៉ុន្តែមេដឹកនាំអ៉ីរ៉ង់បានផ្គើនដោយ កាលពីថ្ងៃទី១៣មីនា បានហែក្បួននៅកណ្ដាលក្រុងតេហេរ៉ង់ ៕
ចែករំលែកព័តមាននេះ