រាជធានីភ្នំពេញ ៖ មុននេះបន្តិច មានករណីក្រុមឧក្រិដ្ឋជន ចំនួន ០៤នាក់ បានចូលប្លន់បា.ញ់សម្លា.ប់ និងចាប់ជំរិត ដែលមានទីតាំងក្នុងបុរីមួយ ដោយប្រើប្រាស់កាំភ្លើងវែង…
រាជធានីភ្នំពេញ ៖ មុននេះបន្តិច មានករណីក្រុមឧក្រិដ្ឋជន ចំនួន ០៤នាក់ បានចូលប្លន់បា.ញ់សម្លា.ប់ និងចាប់ជំរិត ដែលមានទីតាំងក្នុងបុរីមួយ ដោយប្រើប្រាស់កាំភ្លើងវែង និងខ្លីជាច្រើនដើម បាញ់ស្រោច មកលើកម្លាំងកងរាជអាវុធហត្ថរាជធានីភ្នំពេញ ហើយភ្លាមនោះ ដោយប្រើប្រាស់សិទ្ធិការពារខ្លួន បាញ់ត្រឡប់ទៅវិញ បណ្ដាលឲ្យក្រុមជនល្មើសស្លា.ប់ចំនួន៤នាក់ នៅកន្លែងកើតហេតុ ។
ហេតុការណ៍នេះកើតឡើងនៅវេលាម៉ោងប្រមាណជា១១ព្រឹក ថ្ងៃទី០១ ខែមីនា ឆ្នាំ២០២១នេះ ដោយពួកក្រុមឧក្រិដ្ឋជន ចូលប្លន់និងចាប់ជំរិត ដែលមានទីតាំងក្នុងបុរីអង្គរភ្នំពេញ ស្ថិតនៅខណ្ឌសែនសុខ រាជធានីភ្នំពេញ ។
នៅពេល ក្រុមឧក្រិដ្ឋជនបានចូលប្លន់ ក្នុងផ្ទះមួយកន្លែងនៅបុរីអង្គរភ្នំពេញ ដោយរៀបផែនការជម្រិតយកប្រាក់១លានដុល្លារជាមុន ទើបប្លន់សម្លាប់ម្ចាស់ផ្ទះទាំងប្តីប្រពន្ធ និងកូនឈ្នួល០២នាក់ជាក្រោយ ប៉ុន្តែត្រូវសមត្ថកិច្ចអាវុធហត្ថរាជធានីភ្នំពេញដឹកនាំដោយ លោកឧត្តមសេនីយ៍ឯក រ័ត្ន ស្រ៊ាង ផ្ទាល់ បើកប្រតិបត្តិការចុះបង្ក្រាបក្រុមឧក្រិដ្ឋជនទាំងនោះ បានមុន ។ ទោះជាយ៉ាងណា ម្ចាស់ផ្ទះព្រមទាំងសមត្ថកិច្ច មានសុវត្ថិភាពទាំងអស់ ។
ក្នុងករណីប្លន់នេះ ឧក្រិដ្ឋជនទាំង០៤នាក់ បានប្រើប្រាស់កាំភ្លើងវែង AK ០១ដើម និងកាំភ្លើងខ្លី០២ដើម បាញ់ស្រោចមកលើកម្លាំងកងរាជអាវុធហត្ថរាជធានីភ្នំពេញ ហើយកម្លាំងអាវុធហត្ថបានប្រើសិទ្ធិការពារខ្លួន បាញ់តបតត្រឡប់ទៅវិញ បណ្តាលឲ្យក្រុមឧក្រិដ្ឋជនទាំង០៤នាក់ ស្លា.ប់នៅនឹងកន្លែង ក្នុងផ្ទះមួយកន្លែងនៅបុរីអង្គរភ្នំពេញតែម្តង ។
ព័ត៌មានលម្អិត កោះសន្តិភាពនឹងផ្សាយជូនជាបន្ដ
ចែករំលែកព័តមាននេះ