រាជធានីភ្នំពេញ ៖ ធ្លាប់តែមានចរាចរណ៍មមាញឹក មានមនុស្សចាស់ប្រុសស្រីនិងក្មេងៗនាំគ្នាទៅកំសាន្ត និងមានរោងការរៀបចំរចនាស្រស់ស្អាតពេញណែនក្នុងតំបន់កោះពេជ្រ តែក្រោយការផ្ទុះឡើងនូវព្រឹត្តិការណ៍សហគមន៍២០កុម្ភៈ ផ្នែកខ្លះនៃតំបន់កោះពេជ្រ អគារស្នាក់នៅ និងតំបន់ក្បែរនោះត្រូវបានហ៊ុំព័ទ្ធមួយរយៈដើម្បីយកសំណាកអ្នកពាក់ព័ន្ធដើម្បីធ្វើតេស្តរកកូវីដ១៩ ។…
រាជធានីភ្នំពេញ ៖ ធ្លាប់តែមានចរាចរណ៍មមាញឹក មានមនុស្សចាស់ប្រុសស្រីនិងក្មេងៗនាំគ្នាទៅកំសាន្ត និងមានរោងការរៀបចំរចនាស្រស់ស្អាតពេញណែនក្នុងតំបន់កោះពេជ្រ តែក្រោយការផ្ទុះឡើងនូវព្រឹត្តិការណ៍សហគមន៍២០កុម្ភៈ ផ្នែកខ្លះនៃតំបន់កោះពេជ្រ អគារស្នាក់នៅ និងតំបន់ក្បែរនោះត្រូវបានហ៊ុំព័ទ្ធមួយរយៈដើម្បីយកសំណាកអ្នកពាក់ព័ន្ធដើម្បីធ្វើតេស្តរកកូវីដ១៩ ។
ស្ថានភាពនៃការឆ្លងក្នុងសហគមន៍នៃព្រឹត្តិការណ៍សហគមន៍២០កុម្ភៈ ដែលមានអ្នកកើតកូវីដ ១៩ កើនដល់ ៣០២នាក់ ហើយភាគច្រើនលើសលប់ជាជនជាតិចិន និងមានជនជាតិវៀតណាមនិងខ្មែរ ហើយព្រឹត្តិការណ៍សហគមន៍ក៏បានរាលដាលដល់ខេត្តព្រះសីហនុ និងខេត្តកណ្តាល ផងដែរ នាំឲ្យទីតាំងអាជីកម្ម សណ្ឋាគារ អគារស្នាក់នៅ កាស៊ីណូ ផ្សារទំនើប ក៏ដូចជាមន្ទីរព្យាបាលឯកជន ជាច្រើននៅភ្នំពេញនិងខេត្តព្រះសីហនុត្រូវបានអាជ្ញាធរបិទទ្វារនិងផ្អាកសកម្មភាពអាជីវកម្មជាបណ្តោះអាសន្ន ។
ដោយសារតែការឆ្លងក្នុងព្រឹត្តិការណ៍សហគមន៍២០កុម្ភៈ ហាក់មិនទាន់មានសញ្ញាថមថយ ហើយប្រមុខដឹកនាំប្រទេសបានអំពាវនាវពលរដ្ឋនៅភ្នំពេញ ក៏ដូចជាខេត្តព្រះសីហនុ កុំឲ្យចេញពីផ្ទះ បើគ្មានការចាំបាច់នោះ យើងកត់សម្គាល់ឃើញថាស្ថានភាពចរាចរណ៍នៅក្រុងភ្នំពេញដែលធ្លាប់តែមានសភាពមមាញឹក ជាពិសេសថ្ងៃចុងសប្តាហ៍នោះ ប្រែជាស្ងាត់ឈឹង ហើយដងផ្លូវនៅតាមតំបន់កោះពេជ្រ ក៏ខ្សត់មនុស្សធ្វើចរាចរណ៍ ដោយសារពលរដ្ឋនៅមានការភ័យខ្លាចនៃការឆ្លងនិងការរាលដាលនៃវីរុសកូវីដ ១៩ ក្នុងសហគមន៍ ។
តោះ ក្រឡេកមកមើលទិដ្ឋភាពនៅតំបន់កោះពេជ្រ និងតំបន់កណ្តាលក្រុងមួយចំនួនទៀត ទាំងនៅមុខវាំង ផ្លូវមុន្នីវង្ស តបន់ផ្សារទូលទំពូង ជាដើម ដែលធ្លាប់តែស្ទុះរាប់ម៉ោង គ្មានកន្លែងចតឡាន ម៉ូតូនាចុងសប្តាហ៍ នោះមានស្ថានភាពបែបណាខ្លះ៖
ចែករំលែកព័តមាននេះ