រាជធានីភ្នំពេញ ៖ ស្ថានភាព ចរាចរណ៍ធ្វើដំណើរទៅមក ដែលតែងតែមានការកកស្ទះជារឿយៗមករហូតនោះ ពេលនេះបែរជាមានសភាពហាក់ស្ងប់ស្ងាត់គួរសម ពោល គឺមិនសូវមានសភាពចរាចរណ៍ធ្វើដំណើរមមាញឹកខ្លាំងដូចសព្វមួយដងឡើយ ។ បងប្អូនតែងបានដឹងហើយថា…
រាជធានីភ្នំពេញ ៖ ស្ថានភាព ចរាចរណ៍ធ្វើដំណើរទៅមក ដែលតែងតែមានការកកស្ទះជារឿយៗមករហូតនោះ ពេលនេះបែរជាមានសភាពហាក់ស្ងប់ស្ងាត់គួរសម ពោល គឺមិនសូវមានសភាពចរាចរណ៍ធ្វើដំណើរមមាញឹកខ្លាំងដូចសព្វមួយដងឡើយ ។
បងប្អូនតែងបានដឹងហើយថា ស្ថានភាពចរាចរណ៍នៅតំបន់ច្បារអំពៅ តាមបណ្តោយផ្លូវជាតិលេខ១ ( ចំណុចស្តុបច្បារអំពៅ ) និងស្ពានព្រះមុន្នីវង្សចាស់ថ្មីជាដើម ក៏ដូចជា តំបន់ក្បាលថ្នល់ គឺតែងមានចរាចរណ៍ធ្វើដំណើរយ៉ាងមមាញឹកខ្លាំងគួរសមជារៀងរាល់ថ្ងៃ បើទោះបីជាតំបន់ទាំងនោះ មានក្រុមនគរបាល ជាច្រើនឈរចាំសម្រួលចរាចរណ៍ក៏ដោយ ។
ជាក់ស្តែងនៅវេលារសៀលថ្ងៃទី២៨ ខែកុម្ភៈ ឆ្នាំ២០២១នេះ ស្ថានភាពចរាចរណ៍ធ្វើដំណើរនៅតំបន់ដែលបានរៀបរាប់ខាងលើ គឺមានសភាពហាក់ស្ងាប់ស្ងប់ជាសព្វមួយដង ពោលគឺការធ្វើដំណើររបស់បងប្អូនពលរដ្ឋមានលក្ខណះធម្មតាមួយៗ មិនមានជាលក្ខណះមមាញឹក បង្កជាការកកកុញស្ទះឡើយ ។
លើសពីនោះ ស្ថានភាពផ្លូវមួយចំនួន ដែលភ្ជាប់ជាមួយនឹងតំបន់ក្បាលថ្នល់ មានដូចជា បណ្តោយផ្លូវជាតិលេខ២ , មហាវិថីព្រះនរោត្តម , មហាវិថីព្រះមុន្នីវង្ស និងផ្លូវលេខ២៧១ ជាដើម ក៏ហាក់មានសភាពធម្មតា ពោលគឺ ការធ្វើដំណើរទៅមកៗមួយៗ ដូចនៅតំបន់ច្បារអំពៅ ផងដែរ ពុំមានជាលក្ខណះមមាញឹកខ្លាំងដូចពីពេលមុនដែរ ។
ស្របពេលនឹងការផ្ទុះរីករាលដាលនូវជម្ងឺកូវីដ១៩ ដែលកំពុងផ្ទុះឡើងជាខ្លាំងចូលដល់សហគមន៍ផងនោះ គេសង្គេតឃើញថា បងប្អូនពលរដ្ឋទូទៅនៅក្នុងប្រទេស បាននាំគ្នាចូលរួមគោរព និងប្រតិបត្តិតាមវិធានការណែនាំរបស់ក្រសួងសុខាភិបាល យ៉ាងខ្ជាប់ខ្ជួន ។
ទន្ទឹមនឹងនោះ ក្រសួងស្នើរដល់ពលរដ្ឋទូទៅទាំងអស់ សូមមេត្តាកុំចេញក្រៅផ្ទះជាដាច់ខាត ក្នុងករណី មិនមានកាតព្វកិច្ចចាំបាច់ដែលត្រូវបំពេញចៀសវាងការឆ្លងរីករាលដាលខ្លាំងដល់អ្នក និងក្រុមគ្រួសារ ក៏ដូចជាសង្គមជាតិទាំងមូល ៕
ចែករំលែកព័តមាននេះ