ខេត្តក្រចេះ ៖ លោកវរសេនីយ៍ឯក ប៊ុន ឈឿន អធិការនគរបាលស្រុកសំបូរបានប្រាប់ឲ្យដឹងថា កម្លាំងនគរបាលកំពុងធ្វើការស្រាវជ្រាវរកពីមូលហេតុ ដែលបណ្ដាលឱ្យសត្វគោចំនួន៨ក្បាលបានងាប់នៅក្បែរស្រះទឹកមួយកន្លែង ស្ថិតក្នុងចម្ការស្វាយចន្ទី កាលពីរសៀលថ្ងៃទី២៦ កុម្ភៈ នៅចំណុចអូរតាគុច ភូមិយាវ ឃុំពង់ចាម ស្រុកសំបូរ ខេត្ត
ក្រចេះ។
លោកអធិការបានបញ្ជាក់ថា ករណីសត្វគោចំនួន៨ក្បាលនេះ ក្នុងនោះមានគោឈ្មោលចំនួន២ក្បាល ដែលដេកងាប់នៅក្បែរស្រះទឹកក្នុងចំការស្វាយចន្ទី ដែលម្ចាស់ចំការ ឈ្មោះ យឿន ពិនា ភេទប្រុស អាយុ៣០ឆ្នាំ ជាកសិករ មានទីលំនៅភូមិយាវ ឃុំកំពង់ចាម ស្រុកសំបូរ ខេត្តក្រចេះ។ ចំពោះសត្វគោទាំង៨ក្បាលខាងលើនេះ គឺមានម្ចាស់ចំនួន៤នាក់ រស់នៅភូមិ-ឃុំកើតហេតុខាងលើ។
លោកអធិការបញ្ជាក់ថា ការងាប់គោទាំងអស់នេះពុំទាន់ដឹងពីមូលហេតុនៅឡើយនោះទេ ដោយបច្ចុប្បន្នកម្លាំងនគរបាលកំពង់បន្តធ្វើការស្រាវជ្រាវ ដើម្បីរកពីមូលហេតុជាក់លាក់ដែលបណ្តាលឲ្យងាប់សត្វគោទាំងនេះ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ