ខេត្តព្រះសីហនុ៖ សមត្ថកិច្ចនគរបាលអធិការដ្ឋាននគរបាល ស្រុកព្រៃនប់ បានចាប់ខ្លួនយុវជន ២នាក់ ក្រោយពីពួគគេ បានកាច់កម៉ូតូមួយគ្រឿង ពីតំបន់សេដ្ឋកិច្ចពិសេសបិតត្រាំងលួចយកទៅលក់នៅភ្នំពេញ។ ប៉ូលិសបានចាប់យុវជនទាំង ២…
ខេត្តព្រះសីហនុ៖ សមត្ថកិច្ចនគរបាលអធិការដ្ឋាននគរបាល ស្រុកព្រៃនប់ បានចាប់ខ្លួនយុវជន ២នាក់ ក្រោយពីពួគគេ បានកាច់កម៉ូតូមួយគ្រឿង ពីតំបន់សេដ្ឋកិច្ចពិសេសបិតត្រាំងលួចយកទៅលក់នៅភ្នំពេញ។
ប៉ូលិសបានចាប់យុវជនទាំង ២ កាលពីថ្ងៃទី២៥ ខែកុម្ភៈ ឆ្នាំ២០២១ វេលាម៉ោង ១២ និង ២៥នាទី ថ្ងៃត្រង់ ស្ថិតនៅក្នុងភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ។
សមត្ថកិច្ចឲ្យដឹងថា ក្រុមជនសង្ស័យ ដែលត្រូវបានកំលាំងជំនាញអធិការដ្ឋាននគរបាលស្រុកព្រៃនប់ សហការជាមួយប៉ុស្តិ៍នគរបាលរដ្ឋបាល ឃុំបិតត្រាំង បានឃាត់ខ្លួននេះ ១ឈ្មោះ អាន សុថាន់ ភេទប្រុស អាយុ ២៣ឆ្នាំ មុខរបរមិនពិតប្រាកដ ស្នាក់នៅបណ្តោះអាសន្នកន្លែងកើតហេតុ។ ២.ឈ្មោះ យិន ពិសិដ្ឋ ភេទប្រុស អាយុ ២២ឆ្នាំ មុខរបរមិនពិតប្រាកដ ស្នាក់នៅកន្លែងកើតហេតុ។
ប្រភពដដែលបានបន្តថា ជនសង្ស័យទាំង ០២នាក់ ធ្លាប់បានធ្វើសកម្ម លួចធុងហ្គាស លួចខ្សែភ្លើង និងលួចម៉ូតូ នៅក្នុងតំបន់សេដ្ឋកិច្ចពិសេស បិតត្រាំង។ កាលពីយប់ថ្ងៃទី២៤ ខែកុម្ភៈ ឆ្នាំ២០២១ វេលោម៉ោង ០៣.០០នាទី ជនសង្ស័យ ឈ្មោះ អាន សុផាន់ បានធ្វើសកម្មភាពលួចម៉ូតូ ០១គ្រឿង ម៉ាកហុងដាវ៉ីសិន ពណ៌ស គ្មានផ្លាកលេខ របស់ជនជាតិចិនឈ្មោះ Pan Shoa Fang ភេទប្រុស អាយុ ៥០ឆ្នាំ ជាបុគ្គលិករោងចក្រអគ្គិសនី ស្នាក់នៅក្នុងតំបន់សេដ្ឋកិច្ចពិសេស ឃុំបិតត្រាំង ហើយយកទៅលក់នៅរាជធានីភ្នំពេញ។
ក្រោយពេលទទួលបានព័ត៌មាននេះ កំលាំងនគរបាល បានស្រាវជ្រាវ ហើយឃាត់ខ្លួនជនសង្ស័យទាំង ០២នាក់ ព្រមទាំងវត្ថុតាងមួយចំនួន រួមមាន៖ ១.មួកពណ៌លឿងចំនួន ០១ (ជនសង្ស័យពាក់ក្នុងពេលធ្វើសកម្មភាព) ២.ដែកច្នៃ សំរាប់កាច់បំបែកសោរម៉ូតូ ចំនួន ០៤ ៣. តុលឡាវ៉ីស ចំនួន ០១ ៤.សោរចំនួន ០២ (សោរជ្រុង ០១ សោរលេខ ១០ ចំនួន០១)។ ក្រោយខ្លួនឃាត់ខ្លួនជនសង្ស័យទាំង ០២ រួមទាំងវត្ថុតាង ត្រូវបានប៉ូលិសស្រុកព្រៃនប់ កសាងសំណុំរឿង តាមនីតិវិធី៕ ដោយ៖ ឈុន គឹមហៃ
ចែករំលែកព័តមាននេះ