សហរដ្ឋអាមេរិក ៖ យោងតាមការសិក្សាថ្មីមួយរបស់អ្នកស្រាវជ្រាវមួយក្រុមនៃសាកលវិទ្យាល័យតិសសាស់ A&M និងសាកលវិទ្យាល័យ TEXAS MEDICAL BRANCH សហរដ្ឋអាមេរិកថា ថ្នាំមួយសម្រាប់ជំងឹបេះដូងដែលរដ្ឋាភិបាលសហព័ន្ធអនុម័តឲ្យប្រើបង្ហាញប្រសិទ្ធភាពគួរឲ្យកត់សម្គាល់សម្រាប់ទប់ការឆ្លងវីរុស…
សហរដ្ឋអាមេរិក ៖ យោងតាមការសិក្សាថ្មីមួយរបស់អ្នកស្រាវជ្រាវមួយក្រុមនៃសាកលវិទ្យាល័យតិសសាស់ A&M និងសាកលវិទ្យាល័យ TEXAS MEDICAL BRANCH សហរដ្ឋអាមេរិកថា ថ្នាំមួយសម្រាប់ជំងឹបេះដូងដែលរដ្ឋាភិបាលសហព័ន្ធអនុម័តឲ្យប្រើបង្ហាញប្រសិទ្ធភាពគួរឲ្យកត់សម្គាល់សម្រាប់ទប់ការឆ្លងវីរុស COVID-19 ចូលទៅក្នុងសិរីរាង្គ ។
ថ្នាំនោះមានឈ្មោះថា BEPRIDIL ត្រូវបានអនុម័តឲ្យប្រើដោយរដ្ឋបាលឱសថនិងស្បៀងអាមេរិក FDA សម្រាប់ព្យាបាលជំងឺបេះដូងមួយហៅ ANGINE DE POITRINE ។ ថ្នាំពេទ្យតែមួយមុខគត់ដែលបច្ចុប្បន្នមានសម្រាប់ព្យាបាលជំងឺ COVID-19 គឺមានតែថ្នាំ REMDESIVIR
តែប្រសិទ្ធភាពរបស់វាមានកម្រិតសម្រាប់បណ្ដាអ្នកជំងឺ COVID-19 ហើយវីរុសនៅអាចគេចផុត
បានដោយស្រួល ។
ក្រុមអ្នកស្រាវជ្រាវនិយាយថា វាជារឿងបន្ទាន់ដែលត្រូវស្វែងរកឱសថនានាសម្រាប់ព្យាបាលជំងឺនោះ ។ ក្រុមរបស់យើងបានពិនិត្យថ្នាំពេទ្យជាង៣០មុខដែលអនុម័តឲ្យប្រើដោយFDA និងទីភ្នាក់ងារឱសថអឹរ៉ុបលើសមត្ថភាពរបស់ថ្នាំទាំងនោះក្នុងការទប់ការចូលរបស់វីរុសCOVID-19 ទៅក្នុងកោសិកាមនុស្ស ។
ការសិក្សានោះលាតត្រដាងថាថ្នាំ BEPRIDIL បានជួយច្រើនក្នុងការព្យាបាលជំងឹCOVID-19 ។ ដូច្នេះបណ្ដាអ្នកស្រាវជ្រាវស្នើ ឲ្យផ្ដោតលើការប្រើប្រាស់ថ្នាំនោះក្នុងការសាកល្បងគ្លីនិកទាក់ទិននឹងជំងឹ COVID-19 ។ ការសនិ្នដ្ឋាននានានៃការសិក្សានោះនឹងត្រូវចេញផ្សាយនាថ្ងៃទី៩ មីនាខាងមុខនេះ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ