សហរដ្ឋអាមេរិក ៖ យន្តហោះធុនប៊ូអ៊ីង៧៧៧ ចំនួន១២៨គ្រឿង ដែលមានម៉ាស៊ីនប្រភេទបង្កើតឧប្បត្តិហេតុ គួរឲ្យភ្ញាក់ផ្អើលចំពោះយន្តហោះមួយគ្រឿង របស់ក្រុមហ៊ុនអាកាសចរណ៍អាមេរិក UNITED AIRLINES ព្រោះមានភ្លើងឆេះម៉ាស៊ីនស្ដាំ១ធ្លាក់បំណែកមកដីឲ្យរពុយ…
សហរដ្ឋអាមេរិក ៖ យន្តហោះធុនប៊ូអ៊ីង៧៧៧ ចំនួន១២៨គ្រឿង ដែលមានម៉ាស៊ីនប្រភេទបង្កើតឧប្បត្តិហេតុ គួរឲ្យភ្ញាក់ផ្អើលចំពោះយន្តហោះមួយគ្រឿង របស់ក្រុមហ៊ុនអាកាសចរណ៍អាមេរិក UNITED AIRLINES ព្រោះមានភ្លើងឆេះម៉ាស៊ីនស្ដាំ១ធ្លាក់បំណែកមកដីឲ្យរពុយ ពីលើរដ្ឋកាឡូរ៉ាដូកាលពីថ្ងៃទី២០ កុម្ភៈ ចាប់ពីពេលនេះទៅ ត្រូវហាមមិនឲ្យហោះហើរ។
ក្រុមហ៊ុនផលិតយន្តហោះអាមេរិកប៊ូអ៊ីងអះអាងកាលពីថៃ្ងទី២១កុម្ភៈថា មួយផ្នែកនៃយន្តហោះធុនប៊ូអ៊ីង៧៧៧ ដែលមានម៉ាស៊ីនប្រភេទម៉ាស៊ីនដែលមានការឆេះ ពីលើរដ្ឋកាឡូរ៉ាដូចាប់ពីពេលនេះទៅ ត្រូវហាមមិនឲ្យហោះហើរ។ សរុបយន្តហោះប៊ូអ៊ីង៧៧៧មានម៉ាស៊ីនប្រភេទនោះដល់១២៨គ្រឿងលើពិភពលោកត្រូវហាមហោះហើរសិន។
នៅសហរដ្ឋអាមរិកអាជ្ញាធរអាកាសចរណ៍ស៊ីវិលសហព័ន្ធFAA បានចេញបញ្ជាឲ្យមានការត្រួតពិនិត្យថែមទៀត លើយន្តហោះប៊ូអ៊ីង៧៧៧ទាំងនេះ ដែលបំពាក់ម៉ាស៊ីនដោយក្រុមហ៊ុនPRATT&WHITNEY ហើយការិយាល័យសន្តិសុខដឹកជញ្ជួន ក៏ស៊ើបអង្កេតដែរលើឧប្បត្តិហេតុនោះ។ ប្រទេសផ្សេងទៀតដូចជាអង់គ្លេស បានសម្រេចកាលពីថ្ងៃទី២១កុម្ភៈ ហាមឃាត់ការហោះហើរលើដែនអាកាសខ្លួន នៃយន្តហោះប៊ូអ៊ីង៧៧៧ដែលទាក់ទិន ហើយក្រសួងដឹកជញ្ជូនជប៉ុនថ្លែងថា បានបញ្ជាឲ្យមានការត្រួតពិនិត្យហ្មត់ចត់លើម៉ាស៊ីនយន្តហោះ របស់ក្រុមហ៊ុនPRATT&WHITNEY។ អេហ្ស៊ីបក៏ហាមមិនឲ្យយន្តហោះធុននោះរបស់ក្រុមហ៊ុនអាកាសចរណ៍ខ្លួនដែលមាន៤គ្រឿងហោះហើរដែរ។
កាលពីថ្ងៃទី២០កុម្ភៈយន្តហោះប៊ូអ៊ីង៧៧៧-២២០មួយគ្រឿងរបស់ក្រុមហ៊ុនUNITED AIRLINES ដែលទើបហោះចេញពីទីក្រុងដេនវ័រ រដ្ឋកាឡូរ៉ាដូទៅកាន់ទីក្រុងហូណូលូលូកោះហាវ៉ៃ ជាមួយអ្នកដំណើរ២៣១នាក់និងសមាជិកក្រុមយានិក១០នាក់ ជួបប្រទះការឆេះម៉ាស៊ីនរេអាក់ទ័រមួយ បណ្ដាលឲ្យធ្លាក់បំណែកជាច្រើនមកដី តែយន្តហោះអាចហោះបកក្រោយមកចុះចតបន្ទាន់ ដោយពុំបណ្ដាលឲ្យមានជនរងគ្រោះ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ