អង់គ្លេស ៖ អ្នកគាំទ្ររហូតដល់១ម៉ឺននាក់ អាចនឹងត្រូវអនុញ្ញាតឱ្យត្រឡប់មកទស្សនាការប្រកួតកីឡាក្នុងកីឡដ្ឋានវិញ នាថ្ងៃទី១៧ ខែឧសភា ឆ្នាំ២០២១ ខាងមុខនេះ ដែលជាផ្នែកមួយនៃផែនការរបស់រដ្ឋាភិបាលអង់គ្លេស ដើម្បីឈានទៅរកការដកប្រទេសពីការចាក់សោដោយសារកូវីដ១៩។…
អង់គ្លេស ៖ អ្នកគាំទ្ររហូតដល់១ម៉ឺននាក់ អាចនឹងត្រូវអនុញ្ញាតឱ្យត្រឡប់មកទស្សនាការប្រកួតកីឡាក្នុងកីឡដ្ឋានវិញ នាថ្ងៃទី១៧ ខែឧសភា ឆ្នាំ២០២១ ខាងមុខនេះ ដែលជាផ្នែកមួយនៃផែនការរបស់រដ្ឋាភិបាលអង់គ្លេស ដើម្បីឈានទៅរកការដកប្រទេសពីការចាក់សោដោយសារកូវីដ១៩។
លោកនាយករដ្ឋមន្ត្រីអង់គ្លេស Boris Johnson បានប្រកាសអំពីផែនការ ៤ដំណាក់កាលសំខាន់ៗ អនុវត្តលើការចាក់វ៉ាក់សាំងជូនប្រជាជនទាំងអស់ ដើម្បីឈានទៅរកការដកវិធានការចាក់សោប្រទេស។ ហើយប្រសិនបើគ្មានបញ្ហាអំឡុងពេលអនុវត្តផែនការ ៤ដំណាក់កាលនោះទេ អ្នកគាំទ្រនឹងត្រូវបានអនុញ្ញាតឱ្យត្រឡប់ចូលទស្សនាក្នុងកីឡដ្ឋានឡើងវិញ។
ក្របខណ្ឌ Premier League នឹងបញ្ចប់រដូវកាលបច្ចុប្បន្នរបស់ខ្លួន នាថ្ងៃទី២៣ ខែឧសភា ឆ្នាំ២០២១ ដែលមានន័យថាអ្នកគាំទ្រនឹងស្ថិតក្នុងកីឡដ្ឋាន សម្រាប់ការប្រកួតសប្តាហ៍ចុងក្រោយ។
វាក៏ជាក្តីសង្ឃឹមសម្រាប់កីឡដ្ឋានជាតិ Wembley ដែលទទួលបានសិទ្ធិរៀបចំការប្រកួតវគ្គផ្តាច់ព្រ័ត្រពានរង្វាន់ Euro នាថ្ងៃទី១១ ខែកក្កដា ឆ្នាំ២០២១ ផងដែរ៕ (ដកស្រង់ចេញពី BBC)
ចែករំលែកព័តមាននេះ