រាជធានីភ្នំពេញ ៖ មានករណីជនសង្ស័យមួយក្រុមមានគ្នា៦នាក់ជិះម៉ូតូ២គ្រឿងប្រដាប់ដោយដាវ និងកាំបិតបុ័ងតោគ្រប់ដៃ បានចូលទៅកា.ប់បុរសមួយក្រុមមានគ្នា៥ទៅ៦នាក់ដល់ក្នុងផ្ទះ ខណៈពួកគេកំពុងអង្គុយផឹកស៊ី និងច្រៀងលេងនៅខាងមុខផ្ទះ បណ្តាលឲ្យស្លា.ប់ម្នាក់ពេលបញ្ជូនទៅដល់មន្ទីរពេទ្យ និងរងរបួសធ្ងន់២នាក់ ។…
រាជធានីភ្នំពេញ ៖ មានករណីជនសង្ស័យមួយក្រុមមានគ្នា៦នាក់ជិះម៉ូតូ២គ្រឿងប្រដាប់ដោយដាវ និងកាំបិតបុ័ងតោគ្រប់ដៃ បានចូលទៅកា.ប់បុរសមួយក្រុមមានគ្នា៥ទៅ៦នាក់ដល់ក្នុងផ្ទះ ខណៈពួកគេកំពុងអង្គុយផឹកស៊ី និងច្រៀងលេងនៅខាងមុខផ្ទះ បណ្តាលឲ្យស្លា.ប់ម្នាក់ពេលបញ្ជូនទៅដល់មន្ទីរពេទ្យ និងរងរបួសធ្ងន់២នាក់ ។ ពាក់ព័ន្ធនឹងករណីនេះ គេសង្ស័យថា ខណៈពេលក្រុមជនរងគ្រោះដែលកំពុងជុំគ្នាផឹកស៊ីច្រៀងលេងនៅមុខផ្ទះបានស្រែកថាឱ្យក្រុមជនសង្ស័យថា ជិះម៉ូតូលឿនម្ល៉េះប្រញាប់ទៅណា ទើបធ្វើឱ្យក្រុមជនសង្ស័យខឹងក៏នាំគ្នាចូលកា.ប់ដល់ក្នុងផ្ទះ បណ្តាលឱ្យមានអ្នកស្លា.ប់ និងរបួសធ្ងន់បែបនេះ ។
ហេតុការណ៍ខាងលើនេះបានបង្កឲ្យមានការភ្ញាក់ផ្អើលកាលពីវេលាម៉ោង9និង30នាទីយប់ ថ្ងៃទី21 ខែកុម្ភៈឆ្នាំ2021 នៅចំណុចខាងជើងវត្តខ្ទរ តាមផ្លូវបេតុង សង្កាត់ព្រែកលាប ខណ្ឌជ្រោយចង្វារ រាជធានីភ្នំពេញ ។
បុរសរងគ្រោះម្នាក់ដែលត្រូវក្រុមមជនបង្កកា.ប់រហូតស្លា.ប់ឈ្មោះ តុលា អាយុ២៦ឆ្នាំ មុខរបរកម្មករសំណង់ ស្នាក់នៅផ្ទះកើតហេតុជាមួយបងថ្លៃ មានស្រុកកំណើតនៅខេត្តព្រៃវែង ត្រូវរបួសជាច្រើនកាំបិតចំស្មាខាងស្តាំ និងត្រូវគេចាក់មួយដាវធ្លុះដើមទ្រូង ដេកដួលក្នុងថ្លុកឈាម ហើយក៏បានស្លា.ប់ពេលបញ្ជូនទៅសង្គ្រោះនៅមន្ទីរពេទ្យកាល់ម៉ែត។
ចំណែកជនរងគ្រោះ២នាក់ដែលរងរបួសធ្ងន់ ក្នុងនោះម្នាក់ឈ្មោះចឹក ចាន់ឌីន ភេទប្រុស អាយុ២៩ឆ្នាំ ធ្វើការនៅគីឡូលេខ6 ផ្នែកគិតលុយ របួសដៃនិងជើងជាច្រើនកាំបិតសុះសាច់ របួសធ្ងន់ និងម្នាក់ទៀតឈ្មោះ ហេង ភេទប្រុស អាយុ25ឆ្នាំ របួសរយះដៃឆ្វេងចេញឆ្អឹង និងត្រូវកន្លែងផ្សេងជាច្រើកាំបិតទៀតដេកដួល ក្នុងថ្លុកឈាម របួសធ្ងន់។ ជនរងគ្រោះទាំងពីរនាក់ត្រូវសាច់ញាតិដឹកតាមម៉ូតូកង់បីបញ្ជូនទៅសង្គ្រោះនៅមន្ទីរពេទ្យកាល់ម៉ែត ។
ដោយឡែកជនដៃដល់មានគ្នា៦នាក់ ត្រូវសមត្ថកិច្ចចាប់បានចំនួន៣នាក់នៅវេលាយប់ថ្ងៃដដែល និងកំពុងតែស្រាវជ្រាវតាមចាប់បក្ខពួកចំនួន៣នាក់បន្តទៀត និងមិនទាន់បានបង្ហាញអត្តសញ្ញាណក្រុមជនសង្ស័យនៅឡើយទេ គ្រាន់តែដឹងថា ជាកម្មករសំណង់នៅបុរីក្បែរកន្លែងកើតហេតុ ។
តាមប្រភពពីសមត្ថកិច្ចបានប្រាប់អោយដឹងថា មុនពេលកើតហេតុ ក្រុមជនរងគ្រោះមានគ្នា5ទៅ6នាក់ បានជួបជុំនាំគ្នាផឹកស៊ីច្រៀងលេងនៅមុខផ្ទះកើតហេតុ ដែលមានម្ចាស់ផ្ទះឈ្មោះយាយធូ ជាស្ត្រីម៉េម៉ាយ និងត្រូវជាបងថ្លៃរបស់ជនរងគ្រោះដែលស្លា.ប់ ហើយផ្ទះកើតហេតុខាងលើជាផ្ទះឈើលើថ្មក្រោម បានដាក់តុផឹកស៊ីនៅខាងមុខផ្ទះ តែនៅក្នុងរបងផ្ទះ ។
តាមប្រភពដដែលបានបន្តទៀតថា ខណៈពេលក្រុមជនរងគ្រោះកំពុងផឹកស៊ី និងជជែកគ្នាលេងសប្បាយនៅមុខផ្ទះជាមួយមិត្តភ័ក្ដិផ្សេងទៀត ក៏មានក្រុមជនដៃដល់មួយក្រុមមានគ្នា៦នាក់ ជិះម៉ូតូ2គ្រឿង ក្នុងនោះមួយគ្រឿងម៉ាកហុងដាឌ្រីម ស៊េរីឆ្នាំ2018 មិនចាំស្លាកលេខ ជិះគ្នា៣នាក់ និងមួយគ្រឿងទៀត ម៉ាកសង់ប៊ិច ពណ៌ខ្មៅ ពាក់ស្លាកលេខ ភ្នំពេញ 1BW-5444 ជិះគ្នា3នាក់ដូចគ្នា ព្រមទាំងមានលាក់ដាវកែច្នៃ និងកាំបិតបុ័ងតោ ជាប់នឹងខ្លួនទៀតផង ។
តាមប្រភពដដែលបានបន្តទៀតថា បន្ទាប់មកក្រុមជនសង្ស័យបានធ្វើដំណើរតាមបណ្ដោយផ្លូវបេតុងមុខផ្ទះក្រុមជនរងគ្រោះ ក្នុងទិសដៅពីជើងទៅត្បូង ឆ្លងកាត់មុខផ្ទះកើតហេតុ ក្នុងល្បឿនលឿន ស្រាប់តែក្រុមជនរងគ្រោះបានស្រែកថាអោយក្រុមជនសង្ស័យថា «ពួកហ្អែងជិះលឿនម៉េសហ្អា ប្រញាប់ទៅណា» ។ ពេលនោះក្រុមជនបង្កជិះម៉ូតូហួសទៅមុខបានបន្តិចទៅជិតរបងវត្តខ្ទរក៏ឈប់ម៉ូតូ ហើយខឹងជនរងគ្រោះស្រែកថាអោយបែបនេះ ក្រុមជនបង្កបាននិយាយគ្នាយ៉ាងលឺៗថា «ត្រឡប់ម៉ូតូទៅវិញ កា.ប់ពួកអានឹងម្តង» ។
តាមប្រភពដដែលបានបន្តទៀតថា បន្ទាប់ពីក្រុមជនសង្ស័យនិយាយបែបនេះរួចហើយក៏បត់ម៉ូតូត្រឡប់មកវិញ ហើយក្រុមជនបង្កមានគ្នា៤នាក់ ប្រដាប់ដោយដាវ និងកាំបិតគ្រប់ដៃ បានសម្រុកចូលផ្ទះរបស់ជនរងគ្រោះដែលកំពុងតែអង្គុយផឹកស៊ី រួចរត់ទៅកា.ប់ចិញ្ច្រាំក្រុមជនរងគ្រោះរត់ប្រសាចពេញផ្ទះ ប៉ុន្តែជាអកុសលជនរងគ្រោះ3នាក់នោះ រត់មិនរួច ក៏ត្រូវក្រុមជនដៃដល់កា.ប់ចិញ្ច្រាំរងរបួសរយះដៃជើង សុះខ្លួនដេកដួលក្នុងថ្លុកឈាម ចំណែកជនរងគ្រោះឈ្មោះតុលា ត្រូវក្រុមជនបង្កកា.ប់ជាច្រើនកាំបិត ថែមទាំងចាក់មួយដាវចំកណ្ដាលដើមទ្រូង ដេកដួលក្នុងថ្លុកឈាមរងរបួសធ្ងន់ហើយក៏បានស្លា.ប់ពេលបញ្ជូនទៅសង្គ្រោះនៅមន្ទីរពេទ្យ និង២នាក់ទៀតរងរបួសធ្ងន់ ។
បន្ទាប់ពីធ្វើសកម្មភាពកា.ប់និងចា.ក់ទៅលើជនរងគ្រោះរួចហើយ ក្រុមជនដៃដល់ បាននាំគ្នារត់ឡើងជិះម៉ូតូដែលមានបក្ខ2នាក់នៅចាំបើកម៉ូតូរត់គេចខ្លួនទៅសម្ងំលាក់ខ្លួននៅក្នុងការដ្ឋានសំណង់បុរីមួយកន្លែងដែលជាកន្លែងពួកគេធ្វើការមានទីតាំងនៅជិតគ្នា នឹងកន្លែងកើតហេតុ។
ក្រោយកើតហេតុ ក៏មានប្រជាពលរដ្ឋរាយការណ៍មកសមត្ថកិច្ច បន្ទាប់ពីទទួលដំណឹងខាងលើនេះភ្លាម សមត្ថកិច្ចគ្រប់ផ្នែកបានចុះមកដល់ទីតាំងកើតហេតុខាងលើ និងធ្វើការសាកសួរព័ត៌មានសាក្សីនៅកន្លែងកើតហេតុរួច លោកមេបញ្ជាការរងខណ្ឌជ្រោយចង្វា បានបើកការស៊ើបអង្កេត និងស្រាវជ្រាវកំណត់មុខសញ្ញាក្រុមជនដៃដល់ ឈានដល់ការឡោមព័ទ្ធការដ្ឋានសំណង់បុរីមួយកន្លែងដែលមានចម្ងាយពីកន្លែងកើតហេតុប្រមាណ500ម៉ែត្រ និងរាយការណ៍សុំកម្លាំងជំនួយខាងកងកម្លាំងអន្តរាគមន៍ ពិសេសអាវុធហត្ថរាជធានីភ្នំពេញ ចុះប្រតិបត្តិការឃាត់ខ្លួនជនដៃដល់បានចំនួន3នាក់ និងដកហូតម៉ូតូមួយគ្រឿងម៉ាកសង់ប៊ិច ពាក់ស្លាកលេខ ភ្នំពេញ 1BW-5444 និងដាវមួយដើម បន្ទាប់ពីក្រុមជនបង្ករត់គេចខ្លួនបានជាងមួយម៉ោង ចំណែកបក្ខ៣នាក់ទៀត ដឹងខ្លួនទាន់ក៏រត់គេចខ្លួនបាត់ស្រមោល។
បច្ចុប្បន្ន ជនបង្កទាំងបីនាក់ដែលឃាត់ខ្លួន ត្រូវបានកម្លាំងអាវុធហត្ថនាំខ្លួនទៅកាន់ កងរាជអាវុធរាជធានី ដើម្បីសាកសួរនាំ និងបន្តស្រាវជ្រាវបក្សពួកដែលរត់គេចខ្លួនផ្សេងទៀត មកផ្តន្ទាទោសតាមផ្លូវច្បាប់អោយខានតែបាន។ ដោយឡែកសពជនរងគ្រោះត្រូវបានសាច់ ញាតិដឹកយកទៅធ្វើបុណ្យតាមប្រពៃណីនៅឯស្រុកកំណើត ៕
ចែករំលែកព័តមាននេះ